استغفرالله والحمدلله والله اكبر 🩵🩵
عند عرساننا فيصل وإليان في تايلند في مدينة شنغماي
في منتزه دوي انتانون الوطني
إليان : يازيننننن الجو يفتح النفس
فيصل : مو احلى منك
إليان : فصولي متى نرجع للرياض والديرة اشتقت ل اهلي
فيصل : متى تبين
إليان : صراحه ودي افاجأهم لان قايله لهم اننا بنسافر شهر كامل
فيصل : اجل وش رايك نرجع الفندق ونجهز اغراضنا ونمشي الصباح
إليان بفرح : امانه صادقق
فيصل : ايوالله صادق
إليان : اجل تم
ب السعوديه الصباح :
عند فهد وعياله توجهو الي للرياض امس
مشعل : يلا انا رايح المستشفى اشوف رجلي وبعدها بحرك للديره
نوره بقرف : مدري وش يوديك للديره اشوف روحاتك كثرانه
مشعل : لا تنسين حدودك معي مو لازم تسأليني وين رايح وليه رايح حاب اذكرك انك زوجة ابوي
نوره بصدمه : افا ي مشعل تقول لي كذا عشان قلت ليه رايح للديره نسيت اني ربيتك وسهرت عليك وعديتك واحد من عيالي
مشعل : ابد مانسيت ولا راح انسا بس تعرفيني محب احد يتدخل فيني
طنشته نوره وطلعت لغرفته وقابلة خالد يركض من الدرج : سلامات وين رايح انت الثاني
خالد ب استعجال : بروح لواحد من اخوياي بنتضرني تحت
نوره : ايي احسبك زي اخوك بتمسك خط الديره
عند مشعل ب المستشفى
الدكتور: مشاءالله ب اسبوع ونص تحسنت وبنفك الجبيرة
مشعل : كويس الحمدالله
وخلص من المستشفى وتوجه للديره عشان ياخذ لين يوديها ل سلطان
وصل بعد ساعتين
مشعل : سعود يلا ناد لي لين عشان بوديها ل سلطان
سعود: صراحه مدري وش الي معنيك واحنا هنا نوديها متى ما تبي
مشعل : بس انا وعدتها مقدر
سعود : تمام
وراح دق الباب
داليا : نعم
سعود : دلو نادي لي لين تطلع تروح مع مشعل ل سلطان
داليا : تمام
داليا : ليني مشعل يقول تعالي بيوديك ل سلطان
لين بفرحه : احلفيييي
داليا : وربي يلاا يلاا
وراحت لين لبست عبايتها وطلعت وركبت ورا : السلام عليكم
مشعل : احلفيي
لين ب استغراب : وشو
مشعل : سواق انا تعالي قدام
لين بتوتر : ليه لا خليني هنا
مشعل : تراني مو سواق ياخي امشي هنا
لين : تمام
وراحت وركت قدام
مشعل : وعليكم السلام
لين : بدري ياالطيب
مشعل : وش اسوي فيك معاملتني معاملة هندي
لين : خلاص اسفين
مشعل : يلا عادي معليه معليه ووقف عند كوفي : ايش طلبك
لين : ايس تي باشن فروت
مشعل : تمام
مشعل : ابغى واحد ايس تي باشن فروت وابغى واحد ايس امريكانو
الموظف: تمام بعد خمس دقايق اخطو الطلب ومشو للرياض
لين وهي تقطع الصمت : تتوقع متى يقوم سلطان
مشعل : ان شاءالله قريب بس انتي ادعي له وان شاءالله هو قوي وبيرجع لنا معليك
لين : يارببب انك تسعدني ب طلوعه
مشعل : امين
لين : بليز شغل لنا شي ما احب الصمت
لين : احس الي معي ساره وداليا وش دا اعدوك على طول
لين : خيرر. يا حلوهم بس
شغل مشعل اغنية سعود الصليلي الي قريبه من قلبه موا ويحبها
فمان الله :
اكابد لوعدت النسيان ورسمت صورتك بالعين.
انا وشلون ابي انسا ولك في قلبي اراضي.
بقايا ذكرياتك موحشه عقبك يالين الحين.
اشوفك بيني وبيني واحسك بكثر اغراضي.
وكان جالس يهوجس وسرحان يفكر مهو يم احد ومرت الساعتين بلمح البصر ووصلو المستشفى
مشعل : يلا ننزل
نتهدت لين : يلا
ونزلو ودخلو المستشفى وراحت لين تلبس لبس عشان تقدر تدخل عند سلطان
لين بدموع : سلطان متى حتقوم اشتقت لك وحشتني مراا اشتقت لما نتهاوش ولما تعاندني سلطان تكفى لا تطول مقدر اصبر اكثر من كذا
عند مشعل كان يشوفها من عند القزاز ويشوف دموعها وجلس يدعي ل سلطان
الدكتوره : خلاص خلص الوقت لازم تطلعين
لين وهي شوي وتبكي : تمام وطلعت وشافت مشعل جالس
لين : يلا نرجع
قام مشعل : يلا توكلنا على الله
ب السياره دق جوال مشعل
مشعل : هلا وعليكم السلام طال عمرك
الفريق اول باسم: اهلاً فيك يا مشعل اسمع داق اقول لك انه لازم تباشر عملك يحتاجونك الان
مشعل : تمام ماعندي مشكله بس عبدالمحسن ومشاري رجعو؟
الفريق اول باسم : ايوالله الحمدالله كانت مهمتهم سهلة وخلصوها
مشعل: ايي الحمدالله طيب متى اباشر شغلي ؟
الفريق اول باسم: خلاص بعد يومين تجينا
مشعل : تمام اجل يلا فمان الله وسكر
وكمل طريقه للديرة بصمت وبس صوت بكاء خفيف دوب ينسمع من لين
مشعل : ترا مراح يفيدك البكاء
لين وهي تمسح دموعها بعشوائية وتعدل جلساتها: من قال اني ابكي
مشعل : لا ابد ما بكيتي
لين : هاذا بسبب المكيف الهوا دخل بعيني
مشعل: ايوه صح صح الهوا
ووصلو الديره ونزلو وراحت لين للبيت ومشعل توجه لسيارته
مُنير : هلاً والله بمشعل
مشعل: هلا بك ياعم
مُنير : غريبه جاي فيكم شي
مشعل : لا والله ياعم مريت كذا وتو جبت لي راحت ل اخوها ورجعتها والان بروح ل مزاحم وراجع للرياض
مُنير : اجل انتبهلك ياوليدي ويلا درب السلامه
مشعل : يلا مع السلامه
وراح ل سيارته متوجه للمزرعه ودخل و على طول توجه جهة الخيول ودخل : اخخخخ يالشوق يالمزاحم اخخخ وراح يجيب اللجام وهو يطلع واحد ضحك من تضكر اول لقاء له هو ولين لما احسبته حرامي ولما همست انه حلو وطلع يسمعها واخذ اللجام وهو يضحك وركب : تدري يا مزاحم ان خلال اسبوع حياتي تغيرت بديت انسى شروق وهاذا شي مضايقني حيللل
واحد اني فيه مشاعر ل لين بس ماودي ابد اصدق ذي المشاعر ماودي اعيش تجربه فاشله مرا ثانيه اخخخ يا مزاحم وجلس يدور بشويش لان للان رجله ما طابت مرا ونزل ورجع مزاحم ورجل اللجام وتوجه لسيارته
شغلها وطلع توجه للرياض
أنت تقرأ
النهايات السعيدة 💙💙
Sonstigesهم عائلتين وكلهم يكونون عيال عم ومايتغطون وعاد تبدأ الاحداث الجميله بينهم وراح تنصدم بطلتنا من حقيقة امها وكيف هي مخبيه عنها سر كل هاذي السنوات💙💙
