الحمدالله والله اكبر ولا اله الا الله ✨
بعد شهر كامل | يوم الخميس
مرا كـ روتين وجات الجامعات والكل انشغل ولين مستمره انها تزور سلطان الي كمل له شهر وللان ماصحى وكانت لين تحاول تتحاشى مشعل من بدت تحس بمشاعر ل مشعل وهي تحاول ما تحتك لان ماتبي ابداً هاذا الحب ورافضته رفض لانها تبي تكمل دراستها وتصير انجح دكتوره
المغرب ب المجلس | الديرة تحديداً بيت منير
مُنير : مشعل تعال معي بكلمك
مشعل : ابشر ياعم جايك وقام لحقه
مُنير : مشعل يا وليدي ترا روحات لين ل اخوها معك مو عاجبتني
مشعل : افا وش الي مو عاجبك والله ياعم اني اعدها وحده من خواتي
مُنير : بس الناس وش بيقولون تراها مالها احد من بعد ربي الا احنا
مشعل : بس ياعم وش علينا من كلام الناس
مُنير : انا قلت الي عندي يا تتقدم لها وتصير تاخذها وتجيبها على راحتك يا انك ماعاد تجي تاخذها انا ما ابي شي يمس سمعتها وتراها بنتي الثالثه
مشعل : بس يعم هاذي خطوه كبيره وانت تدري اني للان ما تخطيت شروق ويعلم الله ان لين ماعمري ضريتها ولا عمري راح اضرها
مُنير بحنيه: بس ياوليدي شروق راحت عند الي ارحم مني ومنك راحت عند ربها انت استخير وفكر وتعال انا ما ابي بكرا يطلع عن لين كلام من احد تراها الان بمقام بناتي
مشعل : ابشر ياعم افكر واستخير واجيك
مُنير خبط على كتفه : عشت ياوليدي عشت
الصباح بغرفة البنات
لين : داليا يلا
داليا : ليني انا اليوم عندي اوف وصح ترا امس سعود قال انه مراح يقدر يودينا لان عنده قضية وقال ل مشعل
لين شهقت : نعمم ليه مشعل يودينااا تكفين داليا روحي
داليا : لين ترا مو اول مرا تروحين معه لحالك
لين : ياخي ما ابي ارووح معه لحالي ياخي
داليا : ليني وش اسوي يعني عندي اوف طيب
لين : شرايك اغيب
داليا : لااااااااااااا وربي اني لا العنك داومييي بسس داومي
لين بدموع : داليا تكفين
داليا : ليني ياعيوني مشعل برا
لين : اوف منك اوف وطلعت وركبت بهدوء تاممم بدون اي كلام
مشعل : السلام عليكم الناس يسلمون
لين بدون نفس : هلا وعليكم السلام تمام كذا
مشعل سكت وهو يشوف اخلاقها ماش بعد نص ساع تكلم وقال : وش ردك على رسالتي الي امس وكلام عمي الي قلته
لين : مشعل ياخي ما ادري ما ادري كيف تتكلم بموضوع زي كذا وانا للان اخوي ماصحى من الغيبوبه ومسجون
مشعل : لين انا ما اجبرك بس كيف تبيني اوديك واجيبك وانتي مو محرم لي ؟ وعمي رافض فكرة انو تروحين معي
لين بدموع : بس ابي اخوي معي
مشعل : معليك بس كتب كتاب عشان اخذك له واذا طلع سلطان نسوي زواج عشانك
لين ب دموع : ياخي مشعل ما ادري ما ادري
مشعل وهو يوقف : طيب انتي استخيري وردي لي خبر
لين : تمام ونزلت للجامعه
ب الطايف
ليان : اف رينو تعبت تعبت
ريناد: افا وش فيك
ليان : ياخي فيه شخص كل ما اطلع من المحل اشوف منزل ورد على السياره او رسالة حُب ياخي غثني
ريناد : غريبه مين طيب ماشفت الكميرات الخارجيه
ليان بحزن : طبعاً انا الغبيه ماحطيت
ريناد : حمارههههه امشي الانن ناخذ البنات ونجيب كميرات ونروح كوفي
ليان : تمام
وراحو كلهم وجابو الكميراتوخلو العامل يركبها وطلعو ل احد الكافيهات وجلسو على طاولة
فجاة جات ل ليان رساله كان محتواها : اهلاً اهلاً لشوفك منوره الكوفي
ليان وهي تتلفت حولها لاكن ماشافت
الشخص : لا تحاولن لو تموتيم مراح تعرفيني
ليان بعصبيه : ياخي انت وش تبي مني هاههه وش تبي ترلك اقرفتني اف
المجهول : افا افا اقرفتك هاذا وانا مغرقك ورد وغزل
ليان : اي حب واي غزل قول مغرقني قرف افف تراك مستفز
المجهول : هييي انتي خلاص عاد عطيتك وجه لاتنافخين لا يصير شي مايسرك وبعدين وش عندك مركبه كميرات تتوقعين كذا بتصيديني !؟
ليان : ياي بموتت وش بيصير يعني
المجهول : لا تتحديني لان صدقيني ب استفزك كثيررر وراح تشوفين شي ماعمرك شفتيه
ليان : ماجابته امه الي يهددني وصدقني لو وريت ابوي او احد من عمامي او عيالهم شي لتروح ورا الشمس ويطلعونك من تحت الارض
المجهول : يعني بتتحديني ب اعمامك هاذول ولا ابوك الي يومياً اشوفه
ليان : خيررر مين انت وكيف تشوف ابوي يومياً
المجهول : لا تشيلين هم قريباً بتعرفين
ليان: اففف يابنات يقهر يقهر
جوري : طيب كلمي ابوك
لياني : ياربييي ماشفتييي تهديده وكيف جالس يهدد وانا ماابي ابوي او اعمامي وعيالهم يدخلون ب مشكله
ريناد : ليان ياحياتي ترا مو كل شي بتقدرين عليه
ليان : معليكم خلوه علي ان ماوريته شغله ما اكون ليان
سجى : الله يستر منك
ليان : انا مو قاهرني غير فارس جالس يضغط علي بشكل وغير كذا والله يابنات كلامه يشيب الراس يتغزل غزل مو طيبعي بعدها يهددد اقرفني الله يقرفه
ريناد : ودي اعرف مين هو وكيف يقول انه يشوف عمي نايف يومياً
وصال بشهقه : بناتتتت لايكون من احد الاشخاص الي يشتغلون ب الشركه!
ليان بصدمه : امبيهه خيرر واصلاً وش يبي مني
سجى : حسب تحليلاتي انه انسان مهوس ومريض نفسي وانه يحبك
ليان : بس انا ماعمري رحت الشركه
وصال : لا كم مرا نروح اكيد انهم شافونا
ليان وراسها خلاص مصدع: اففف يابنات خلاص راسي مصدع بنرجع بتسبح وانام
ريناد : يلااا يلاا
سديم : اي امانه بنرجع عشان حتى انا من لما رجعت من الجامعه مانمت واحس اني مرهقه وغير كذا عندي دوام
أنت تقرأ
النهايات السعيدة 💙💙
De Todoهم عائلتين وكلهم يكونون عيال عم ومايتغطون وعاد تبدأ الاحداث الجميله بينهم وراح تنصدم بطلتنا من حقيقة امها وكيف هي مخبيه عنها سر كل هاذي السنوات💙💙
