النهايات السعيدة 💙💙

بارت6

ببيت اول مرا نجيه
صحت من نومها وراحت تتسبحه ورتبت غرفتها وسوت لها فطور وافطرت وشالت اغراضها وجلست تسولف مع صحبتها
لين: لميس تتوقعين سلطانوه وين مختفي ماله حس
لميس: والله مدري بس اكيد عند اصحابه
لين : الوصخ وحشني لي اسبوع ونص ماشفته  وجلسو يسولفون وبعد نص ساعه قفلت لميس وجلسة لين تدق على جوال سلطان مايرد وتأففت وقامت تشغل نفسها
عند داليا قامت وهي بكامل نشاطها ومشتاقه لـ كاسر مرااا كاسر هو خيل داليا وراحت تصحي سعود عشان يروحون يم لين ولقته قايم وقال لها دام اللحين الساعه 8 خليها 10نروح لها قالت له تمام وراحت يم الغرفه ال هي نايمه فيها وراحت تتسبح ولما طلعت بخرت ب العود الازرق بحكم انها من محبين العود وراحت تسوي شعرها وتتجهز عشان تروح للين وحطت ميكب خفيف يبرز ملامح وجها وراحت وجلست على جوالها تشوف صورها مع كاسر ( اسم خيلها ) اف كاسر وحشني لي اسبوعين ماشفتك يلا هانت يومين واجيك وراح الوقت وجات الساعه 10 وتجهزت وطلعت مع سعود وعبدالله
سعود: دلو ايش بتقولين لها
داليا : تصدق سعود هاذي البلشه معرف كيف افتح الموضوع معها
سعود : اجل ادخلي وسلمي واجلسي تعرفو على بعض بعدها افتح معها الموضوع تمام
عبدالله : الله يعينها مدري كيف بتتقبل الوضع بيوم وليله يجون ناس ويقولون لها تعالي عيشي عندنا ولا اخوها  بينسجن 5 سنوات
سعود : معليك ربي بيسهلها
داليا : الله يعينها صدق الا سعود احس الطريق مو غريب علي !!
سعود: مدري يمكن مرا رحنا لمكان هنا او رحتي معي يمكن 
داليا : احس اني اتذكر الطريق مراا
سعود : عادي ترا
وصلو البيت وتفاجأت داليا انه بيت صحبتها ايام الثنوي وكان الباص يوصل اهل الرياض وبعدها يودي الي ب الديره لانه ساكن ب الديره
لقت داليا بقوه وقالت : سعوووووووددد ايش اسم ابو سلطان ولين
سعود : وجع فجعتيني ليه ؟
داليا : اخلصصصصص
سعود : اسمه سالم
داليا : كذاببببببببب
عبدالله : مدري  وشالي  بيخليه بكذب
سعود : وش رايس تتكلمين بسرعه وليه سئلتي عن اسم ابوهم
داليا : ابد اذا هي اسمها لين سالم ..... فاهي صديقتي
سعود : احلفي اسمه هاذااا
داليا : اجل سهلة المهمه وذي لين صحبتي من اول متوسط
عبدالله : اجل حلووو سهلة المهم اللحين
نزلت داليا ودقة الباب وجاها صووت لين : مينن؟؟؟
داليا : لين افتحي انا داليا صحبتك
لين : داليا وش جابك غريبه
داليا : افتحي بكلمك بموضوع
لين فتحت وجلست تضم داليا ويسلمون على بعض مشتاقات لبعض مراا
داليا : لين ياعيوني ابيك تركزين معي تمام
لين : ابشري ياعيوني
داليا : مدري كيف افتح معك الموضوع بس اسمعي تعرفين اخوي سعود ؟
لين : اي اتذكر لما تسولفين عنه
داليا : ها ياحبيبتي هو خوي سلطان اخوك تمام وقبل ممكن فتره تزاعلو ولما طلع سلطان قابل شله مو كويسه ودائما سعود يقوله يبعد وهو مو سامع كلامه المهم ان سلطان صار يروج شبو مع الشله بس انه ما ياكله ابداً بس يروج تمام وقبل اسبوع مسكوهم وسلطان اطلق على واحد من العساكر ب نية انه يدافع عن نفسه بس ما يسمى دفاع ابداً
لين وهي منصدمه : داليا وش الي جالسه تقولين انتي !!
داليا : لين والله ما دريت انه اخوك ولا دريت انه انتي لين غير لما شفت بيتكم بكمل لك ولما مسكوه وشافوه بس يروج خففو العقوبه عنه بس انهم سجنوه 5 سنوات وترا كان المفروض قصاص بس تنازل ابو المقتول 😔
لين وهي تبكي : داليا تكفين قولي انك تمزحين تدرين ان سلطان اخوي الوحيد واني يتيمه تكفين لا تصدميني
داليا : لين تتوقعين اني بترك بذا الوضع وترا سلطان قال للسعود انك تجين تجلسيين عندنا لين يطلع
لين : لا مستحيل وجامعتي !! وبيتنا كيف اروحح
داليا : عن جامعتك سعود بيوصلني ويوصلك لئني حتى انا انقبلت ب جامعة .......
لين : نفس جامعتي ؟؟!
داليا : حلو يصير نروح مع بعض بالله هونيها وتهون
لين : داليا صعبه اني اعيش معكم
داليا : شوفي انتي تعالي بس اسبوع اذا ارتحتي البيت والعيون يوسعونك واذا مرتحتي صدقيني لنرجعك انتي بس تعالي اسبوع !
لين : تمام بس متى بتروحون الديره ؟
داليا : ابد خذي راحتك متى ماخلصتي دقين ونجي ناخذك
لين : تمام يا عيوني
داليا : يلا بروح اشيل اغراضي من الشاليه واجيك
لين : تمام ياعيوني
داليا : يلا اجل
وطلعت داليا بعد ما ودعت لين وركبت وقالت لهم انها بتجلس اسبوع وتشوف اذا ارتاحت بتكمل عندنا اما اذا ما ارتاحت فا بنرجعها بيتهم
سعود : تمام اجل متى نجيها
داليا : قلت لها اذا خلصتي دقي
عبدالله : اجل خلونا نشيل اغراضنا ونقول للاهل
داليا : تم ، سعودد
سعود : عيوني
داليا : بالله ابي قهوه
سعود: ابشري كم داليا عندي ماعندي احد غيرس
داليا : الله يديمك لي سند وذخر يا عيوني 
واخذت لها قهوه وراحو الشاليه ولما جات الساعه 10 ب الليل  دقت لين وقالت ل داليا انها جاهزه ترا
داليا : حلو ليني شويات وجايينك
وتقسم ب السيارات زي كذا
سيارة عبدالله
عبدالله
ام سعود
ابو سعود
سلمى
حنين
سيارة سعود
سعود
داليا
عزيز
لين
وصلو لبيت لين ونزلت داليا تساعدها وطلعت لين بعبايتها الوردي فاتح وطرحتها الابيض صح انصدمو بس قالو انها ماتعرف للعادات ولا تقاليدهم فا سكتو مايبون يضايقونها من اول يوم على شي تافه وشالت لين اغراضها ب مساعدت داليا وتوكلو على ربهم ومشو للديره
وعزيز وداليا كانومعطين جو للي ب السياره ووقف سعود عند كوفي واخذ لهم قهوه وسناكات وكان جايب اغراض من البقاله داليا : سعود بالله عليك شغل لنا اغاني خلنا ننطرب سعود اشر على خشمه : ابشري
وشغل اغنيه  وارتفعة اصوات كل الي ب السياره حتى لين معهم لما قال
مادامه بالهوا وضعك يشابه حيل ل اوضاعي تعبنا نخفي الدمعه عشان العيب والمنقود ياكم مرامشاعرنا تموت ولا لها ناعي ندس الجرح عن عين العباد ويدري المعبود ليا شالت محانينا مشاعر ما لها ساعي وجاسو على ذا الموال لحد  ما وصلو ونزلو لين وداليا وجلسو عائلة سعود يتعرفون ويعرفون لين عليهم وجات ام سعود وحضنتها وقالت لها : يا امي انتي اعتبريني امك يا عيوني واي احد يضايقك بس تعالي قولي لي حتى لو عبود جلدته لك ضحكت لين وقالت : ابد ما تقصرين يا خاله وابد هم مثل اخواني ودلو وحنين خواتي والله وتوجهة داليا للين واخذتها وودتها للغرفه وقالت : تعالي نامي معي على سريري وسعود بكره بيروح يجيب لك سرير وابدا عندنا ب الدولاب حقنا رفوف ما نبيها ولا فيها شي تحطين ملابسك واغراضك والتسريحه ابد حطي اغراضك معها قامت لين تحضن داليا : ماتقصرين يا دلو والله ما تقصرين
داليا : ابد ماسويت شي ياعيوني انتي
حنين : صح لينو ماسوينا شي والبيت بيتك وعيوننا لك
لين : ياقلبي انتم ماتقصرون والله
ونامو البنات وعزوز وسعود كذالك وبجناح سلمى وعبدالله نامو عشان بيمشون بكرا للمدينه المنوره اجلو روحتهم عشان ابو سعود قال انهم يجون وعشان يستقبلون لين معهم

برا المملكه العربيه السعوديه بيت للمره الثانيه نزوره
بيت ام ريناد و فهد
الام ( سعاد ) اسم على مسمى اخلاق وطيبه وحنونه مراااا عمرها 38 تزوجت وعمرها 18 تزوجة عن حب
الاب ( محمد ) انسان حاله حال نفسه اهم شي عايلته وراحة بالهم بسسس عمره 39
ريناد انسانه مرحه وخلوقه وتحترم بنفس الوقت خبلههه مرااا
عمرها 18
فهد يعتبر شوي جدي بس انه شوي يفصل عليهم ويتميز ب اكتافه العريضه وطوله وهيبته ويدرس محاماه وعمره 20 بعد شهر من زواج امه وابوه حملت فيه امه وعنده حساب انستا عام وينزل فيه شبه يومي وعنده متابعين مرااا وغير كذا ينزل اشياء تفيدهم بتخخص المحاماه

سعاد: رنو جهزتي اغراضك كلها ترا مراح نرجع هنا خلاص بنستقر ب المملكه خلاص
ريناد : اف ما ابي ارجع خلاص من لما انولدت وانا ليه نرجع فجاة
سعاد : رنو ترضين اغيب عنك 20 سنه ؟
رنو : لا طبعاً
سعاد: ها فكري ب اخواني وش شعورهم ؟
رنو: خلاص تمام تمام برح اشوف فهودد خلص ولا لا
دخلت غرفة فهد
فهد : طقي الباب طيب وش الدرعمه هاذي
رنو : اقول انكتم بس جايه اشوف خلصت ولا لا
فهد : لا والله باقي لي اشياء واجد تعالي ساعديني
رنو: كم تدفع ؟
فهد : ابلش مصلحجيه وحقت فلوس ماتمشين غير ب الفلوس
رنو : امزح بس يلا وش تبيني اسوي ؟
فهد : ابد بس ابيك تشوفين كتبي والملافات كلها ب اختصار مكتبي كامل ما ابي انسى شي واهم شي الملافات لا تنكبيني
رنو : ابشر ابشر بس ترا رحلتنا بعد يومين يعني معنا وقت مرااااا
فهد : بس احب نخلص بدري عشان ما نتقروش يا حياتي انتي
رنو : وش رايك تخلص كلام ونبدا
فهد : ابد من عيوني يلا
عند سعاد ومحمد
سعاد : تتوقع للحين بنفس البيت ؟
محمد : ربك اعلم بس اتوقع تعرفينهم يحبون البيوت الي هناك
سعاد : يارب ماغيرو بيوتهم

كتبته وانا مشغوله مع اختباراتي وتقريباً مو راضيه عن كم نقطه بس مضطره انزله وان شاءالله يعجبكم ، صراحه متحمسه ل شخصية رنو مرااا
وعلاقة فهد مع ........
دعواتكم علي اختبارات 💙💙