استغفرالله و الحمدالله و ولا اله الا الله 💙💙💙
الصباح | بالديرة | بيت اهل مقبل
مقبل وهو يمشي بكرسيه المتحرك : ياعيال يلا يلااا قومو مابقى شي عن صلاة الفجر قومو وضو وصلو ركعتين يلا
سطام : طيب يابيه طيب
عِنان: انتم محد ينام عندكم
مقبل : صدقني يا عِنان لو ما قمت اني لا العنك
عِنان : قام وقال ههههههه من قال اصلاً لكم اني نايم انا بس كنت مسترخي شفيكم شكاكين انتم؟
عادل: ياالله صباح خير وش ذا الصباح الي ابداه بصوت عِنان يعع
عِنان: احترم نفسك وقم بس بقوم اصحي ملهم والحقكم
ملهم وهو داخل الغرفه : صاحي من زمان ترا مو زيكم
مقبل : خلصتو يلا على المسجد
قامو ووتوضو وتوجهو للمسجد وكان سطام يدف عربية ابوه
دخلو المسجد
مقبل بصوت جهوري: السلام عليكم
ابو سالم واحد من رياجيل الديره : هلا وعليكم السلام
ردو كمان احد الرجال الي كان جالسين
مقبل : شكلكم ما عرفتوني؟
ابو سالم : لا والله اني ما عرفتك
مقبل : معكم مـقـبـل بـن طـارق
ابو سالم : ارحبببببببببب هلا والله تو نورت الديره وينك ووين رحت واختفيت وكل ما اسئل فهد يقولي مدري ويصد ؟
مقبل ضاق صدره من يوم قال له عن فهد : ابد والله تعرف امور الحياه وانشغالات
ابو سالم : ماعلينا اهم شي انك جيتنا هاذا يكفي
ابتسم مقبل واذن الفجر وقامو يصلون وانتهو وطلعو مقبل وعياله وجاهم ابو سالم : طالبك ماتردني يامقبل
مقبل : سم شبغيت
ابو سالم : ابد غداكم اليوم عندي انت وعيالك وحريمك انا طالبك
مقبل : والله مالها داعي وانا اخوك
ابو سالم: انا طلبتك يا مقبل من زمان عنك حنا نبي نشوفك ونجلس معك
مقبل : ابشر ابشر تم
ابو سالم : يلا ب انتضاركم وراح بيته ومشو مقبل وعياله للبيت وهم ماشين شاف مقبل بيت حيلللل اشتاق لصاحبه بيت كسر فيه ثقت صاحبه فيه نزل راسه وكملو العيال مشي للبيت
ب البيت |غرفة البنات
ملاذ: رحيق هاذي اخر مرا اصحيك فيها قومييي وش ذا النومم
رحيق: ملاذ ان ما ذلفتي لعنتك ترا ما نمت بدري زيكم خير
جوري : احد قالك نامي متأخر قومييي
ملك : خلوها انا انادي سطام لها
رحيق : روحي ناديه وش اسوي لكم
راحت ملك تنادي سطام وجاء
سطام بروقان: مشاءالله للان ماقمتي
رحيق وهي تمثل البكاء: يرضيك انهم يزعجوني وماخلوني انام يرضيك
سطام : طيب رحيقي والصلاه وين قومي صلي وصح ترا الظهر عازمنا واحد من رجال الديره
ملك: احلللللفف
سطام: والله ليه ؟
ملك : مدري غريبه من اول يوم عزايم يعني
سطام : عشانهم من اهل الديره وعندهم عادات وتقاليد لازم يضيفون الضيف
ملاذ: اخ اشتقت ل بريده مابوه زيها والله.
سطام: ايوالله مابوه زيها يازينها
وطلعو للصاله عشان الفطور
ملهم : اهلاً بتؤامي العزيز تعالي تعالي عند اخوك
ملك وهي تمزح: اخخخ يمه وش سويت انا عشان يطلع تؤامي
ملهم ب درامها : افاااا اخ يالجرح والله جرحتيني
جات ملك عنده : ياخي ترا امزح بالله من الي يرفس النعمه ويكرهك ملهم : تدرين اني خفيف ليه ترضيني بكلمتين
ضحكو الكل عليهم
سطام: شرايك تقذلف ( تبعد) يا عِنان عشان رحيق تجي عندي
عِنان ب رداما: اخخخ داي والله داري اني مو من عايلتكم اخ تبعدني عشان رحيق اخ يالجرح والله جرحتني
سطام : خلصت دراما يلا تقذلف
عِنان : كلتبن من زين الجلوس جنبك وع حسافه اني اشبه لك
جات رحيق وجلست بين عِنان وسطام وجلسو يفطرون
مقبل : يا نادية انتي واحلام ترا فيه عزومه واحد من رجال الديره عزمنا على الغداء وقال اجيبكم معي
احلام: وانت بتروح له ؟
مقيل : ايه ان شاء لله
نادية: اجل اكيد بنروح
ملاذ : احس وناسه بنعرف ناس جديدين ونتونس معهم
جوري : اي والله يونسسسس
عادل : شرايكم عاد تسكتون لن حكيكم هاذا يسد
ملهم : ياخي وشكارك ( مالك دخل ) خلنا نسولف
مقبل : خلاص اص خلونا نستكن لو شوي
احلام : والله مابوه استكنان وملهم وعِنان عندنا
ملهم وعِنان : ابشر ابشر ملهم : يا امي ترا جرحتيني ( عيال ناديه يقولون ل احلام امي وامهم يمه وزيهم عيال احلام )
عِنان : ايوالله يمه تراك جرحتيني
سطام : خلاص يا خي انكتمو
وسكتو كلهم وخلصو فطور وقامو البنات يشوفون وش يلبسون ويطلعون لهم ملابس والعيال الي نام والي جالس على جواله
أنت تقرأ
النهايات السعيدة 💙💙
Randomهم عائلتين وكلهم يكونون عيال عم ومايتغطون وعاد تبدأ الاحداث الجميله بينهم وراح تنصدم بطلتنا من حقيقة امها وكيف هي مخبيه عنها سر كل هاذي السنوات💙💙
