في عداد الأعمار

السابع

السلام عليكم
رواية في عداد الأعمار
الفصل السابع
نورا ناصر

.....

احـسكّ عايش برُوحي لـحَد الآن
واحچي بصيغة المـوجُود مو بالچان
ولحَد الآن ما ناسيك
عَ گد المَحبة يطُول النسيان
شلون انسه يناسيني؟
المَواقُف وگفَت بگلبـي
قَبل ما تُوگف بعيني .

........
........

باوعتله واكف وگفة مستقيمة وعلى وجهه ابتسامة شرسة وشواربه مفتولة وذقنه محلق
مسوي وجهه صبابة

يمكن شايل لحيته بشيرة

وعيت على صوت سعود يحجي وساد على سنونه
-كريييمة سدي الشباج لا أركع راسج بي

سديته بسرعة وجريت البردة
يخوف سعود من يصير عصبي
وانه اخاف منه

وكفت على جهة اباوعلهم

تكله بنتر:-ولك ماتستحي انت خطار جايبنه قابل نطرده

كال بغضب؛- اي اطرده وانعل والد والديه

ظلت امي تفر بيدها وهو بعده ينافخ وحمگان

خطى خطوتين بره باب المطبخ ورجع
وكف متخصر:- إنْ شاءالله رحتي سلمتي عليه؟
مو ادري بيج تحبين تعرضين روحج وتتلوكين

وكفت على حيلها معصبة انجب خايس امك انه تعلم من تحجي وياي ترى زودتها ومصختها اخلي خوالك يشگون حلگك والله

باوع لوراه ورجع دار وجهه علينا
جر نفس ومسح العرك على وجهه ورفع شعره ليفوگ

ثواني وطب أبوي ظل يباوع بالوجوه
وراها كال شنو خيركم جني سمعت صوتكم طالع شويه

سعود لزمه من جتفه وكاله لا يبا لا يظل بالك هاي المقبلات مالتنا بعد انت لازم تقوي گلبك عليها

وضحك مغصوب عالضحكة بس يريد يطمن ابوي
انو ماكو شي

وباوع لامي وكاللها مو صح يمه؟

امي غمته وكالت أي

سعود خذه ابوي وطلع من المطبخ وهو يسأله محتاج شي؟  شنو رأيك نطلع نتمشى شويه ونصلي بالجامع مدام راح يأذن المغرب

وطلعوا هو وابوي
رحت يم أمي كتلها منو هذا سلطان؟ 

كالت هذا ابن خالي الصغير ضابط هذا

وسعود شبي يكرهه ليش مايريده يجينه؟ 

سعود اخوج مايستحي شسويله يطرد بالوادم

يمتى طرد الوادم هو سعود طول عمره ابو ملگى  بس هذا مدري شبي وياه جنه محمل عليه هواي

كالت شعليج انت تعاي شوفي هاي ام صاحبتج شجايبه تتحمد لابوج بالسلامة

كتلها شنو شجايبه

طلعت بطلين شربت من العلاڰة شفته شربت سومر واحد بالبرتقال وواحد بالرمان