السلام عليكم
رواية في عداد الاعمار
الفصل 11
نورا ناصر
دخَت بيك وعَلِي دوخَة الرِيشَه بريح
انته وِياي ؟ ضَدِي ؟ تحَاجز ؟ الهَادُود ؟
لـ سمير صبيح .
طلع سعود بره بالطارمة وشغل سيارة ابوي ووياه خالي فلاح ومحسن.. ظليت اباوع الهم من شباچ الهول وماعرف شنو ادعي يطلع مو هو ونعيش بأمل انو عايش لو شنو ادعي عجز لساني!!
درت وجهي على امي كاعدة بالكاع ومدده رجليها
ويمها خالاتي ونسوان خالي
اتمنيت اصير قريبة منها بهاللحظة اروح احظنها ابجي وياها تعبت وحدي
صح غفران ماتركتني بس احتاجيت لحضن ام دافي وحنية تمسح على اوجاعي وراسي
شفت اسماء طبت للهول بعد ماجانت بالطارمة تحجي ويه اركان رجلها الي هو ابن خالي فلاح
راحت گبل لأمي كعدت بصفها
اكلج عمة يكولون الشرطة مطلعين جثة واحد من الشط ومودينه للطب العدلي وهسه سعود وخوالي رايحين يتعرفون عليه
امي وكالتلها هاي الحية هيج ملخت روحها كوة كامت على حيلها وركضت للباب لزموها عماتي وخواتها
ماكدرن عليها من صدك قوية رغم كسرتها وجروح رجليها اجاهه بشار يالله كدر عليها ظل يهدأ بيها
وابوي سودة عليه سمع وظل ينحب ويون
صرت كبالها شافتني كامت على حيلها
اجتني كالت وانت ولج تدرين راح يشوف جثة وجذبتوا عليه انت وسعود لو ا انتوا ميتين و لا ياسر،
كتلها يمه تولي اسماء، جذابة
وباوعت لاسماء، اعض شفتي
وهي كالت والله خالة اركان كال خو ما يجذب
ابوي يصيح من الديوانية كررريمة شنووو بووويه لكووه اخوج
اريد ارووحله لزمتني امي وذاك الراشدي الي اجاني على وجهي
باوعتلها مقهورة حيييل
بنص الكل تصفگني
گالت حتى بعد ما تجذبين عليه
حجيت وياها معصبة يعني شنو تردين مني اكلج
بالله طلع مو هو كلساع وتنصدمين بالله انتِ قوية تتحملين بس ابوي
كام بشار كال اشششش سكتي كريمة
و سد حلكي مايريدني اكمل
وخرت ايده كتله وخررر انته
تريد تهمشني امي من راسي استوها لازمة مقدمة حجابي
ولزمنها عماتي ووخروها عني،
رحت ركض لابوي، سودة عليه مخنوك
ظليت امرغ بصدره وهو كاعد ومنتجي على القنفة
حاجيت عمي
وانه ابجي كتله عمو اخذوه للمستشفى مايصير يبقى هنا لو وودوه للدكتور مالته عمو ابوي مو زين ترى
عمي جاوبني كال مايقبل والله الا يطلع للبيت لو تشوفين حالته بالمستشفى كل شويه يخابر بسعود واذا ماجاوب يكلب الدنيا وتدرين سعود كله عالشط حتى شحن تليفونه خلص اذا ادك ويطلع مغلق ابوج مايرتاح اله يحاجيه
أنت تقرأ
في عداد الأعمار
Romanceأعرفُ أنكِ فتاةٌ باردة تشبه الجنازة، تشبه الوطن، وتشبه نفسها أيضاً إنكِ روحٌ لا يستطيع الكل فهمها، وما لا نستطيع فهمه، مقدّس..
