السلام عليكم
في عداد الاعمار
رواية
نورا ناصر
ما زلت أؤمن أن الانسان
لا يموت دفعة واحدة
وإنما يموت بطريقة الاجزاء
كلما رحل صديق مات جزء
وكلما غادرنا حبيب مات جزء
وكلما قُتل حلم من احلامنِا مات جزء
فيأتي الموت الاكبر ليجد كل الاجزاء ميتة
فيحملها ويرحل
رحنا لبيت أهل غفران جان بعد عنه فرعين
امي بهذا اليوم لبست كيلو ذهب
وجرت بعيونها الكحل الحجري وهي عيونها جوزي فاتح ولوزية صار حلو عليها
وخلت حمرة سحرية ورديه على شفتها
سعود من طل بوجهه وشافها هيج
ظل يفر بيده ترى راح تصيرين بيبيه انت ماتبطلين هاي السوالف
كالتله بعجرفة انت ماعليك صير رجال على مرتك وانه بعدني بت البنات
دخل ياسر ووياه عماتي عماتي اثنينهم علينا
عمتي حليمة طويلة وسمرة ورفيعة
وعمتي هاشمية بيضة وكصيرة وسمينة
جنهم حرف 10 بالانكليزي
من دخلن سكتت امي وسعود هم سكت
بس واحد يخزر الثاني بعيونهم
وصلنا لبيت غفران اول ماطبينا للحديقة
رغم تراب بس مرشوشة بماي ومكنوسة ونظيفة كلش والبساطة الي بيها تجننن
مسطرين طابوك اصفر على الكاع وصاير ممشى يودي لباب البيت
دخلتنا امها للهول بس جانت مو طبيعية متوترة ومرتبكة
وبس تعدل بحجابها
كعدنا على منادر بالكاع وعليها مخدات نظيفة ومخيطة بالايد ومرتبة ومنسقة ومطرزة
وراها اجت غفران لابسة برنسيسة مشجرة
و الدكم على طولها ورداناتها كلوش مسوية كصيبة صفح ومنزلة خصلة على صفحة وجهه
طالعة حلوة وجذابة وابتسامة على وجهه
قدمت النا شربت وكعدت يم امها
عمتي هاشمية كالت يا زين مااختاريتي ياام سعود وين تلكين احسن من بت ام سعد ما شاءالله جمال واخلاق ونظافة ومافد يوم سمعنا عليكم شي موزين
انه گلبي بيدي لا أمي تچفص
وام غفران كالت الف الحمدلله مشكورة خيه والنعم منكم احنه هم مانلكى مثلكم وان شاءلله نشاور عمامها وخوالها ونردلكم خبر بحيل الله
عمتي حليمة كالت بعد انتوا تعرفونه احنه صارلنا سنين وياكم بالمنطقة وسعود خوش سعود تخرج من المعهد وان شاءلله يتعيين وبيتها ابحدها كاعد يبنون واي شي انتوا تردونه احنه زاهبين (حاضرين)
ام غفران وهي تعصر بيدها كالت ان شاءلله خير كلشي بالقسمة... وانتوا ماتقصرون
تالي شربنا الشربت وظلن يسولفن سوالف بعيدة عن موضوع الخطبة
وانه كلساع اباوع لغفران واحاجيهه بنظراتي وحركات حواجبي اريد انفرد بيها واحجي وياهه على انفراد
أنت تقرأ
في عداد الأعمار
Romanceأعرفُ أنكِ فتاةٌ باردة تشبه الجنازة، تشبه الوطن، وتشبه نفسها أيضاً إنكِ روحٌ لا يستطيع الكل فهمها، وما لا نستطيع فهمه، مقدّس..
