همسات الجحيم (معشوقة امير الجان)
المشهد الاول: امشي ع اطراف اصابيعي واني خايفة وجسمي يرجف جانت الدنية ظلمة ومطفية الكهرباء والاجواء مرعبة وتخوف فتحت الضوة مال موبايلي ونزلت الدرج ع كيفي واني اقرة ايات من القرآن الكريم
وصلت قريب من المطبخ واني اسمع صوت عبالك واحد يرگع قوي بالجدورة مال مطبخ وصوت واحد ايونون بصوت مرعب خفت بس شجعت روحي وفتت للمطبخ فتحت عيوني ع وسعهن بخوف من شفت وحدة مرة کاعدة بالمطبخ ولابسة اسود وشعرهة ابيض طويل وکاعدة بالگاع ودايرة وجهة اتقربت ع كيفي من يمهة واني جسمي كلة يرجف من الخوف بس فضولي خلاني اروح بإتجاهة وصلت يمهة فتحت عيوني ع وسعهن من شفتهة تاكل بقط اسود ووجهة المرعب وشعرهة الابيض النازل ع وجهة بطلت تاكل ورفعت وجهة علية وجان كلة دم القط ع حلگهة باوعتلي بعيونهة المرعبة السودة وابتسمت بطريقة مرعبة بينت اسنانهة الصفر المقززة من الهبطة مااتحملت اغمى عليه وگعت بالگاعالمشهد الثاني: لگيت روحي بغرفة المشرحة الي موجودة بالمستشفى سيطر حالة الرعب والفزع بگلبي
عشق برجفة: لا لا اكيد هذا كابوس من كوابيسي وهسة اکعد من يمة مثل كل مرة جان اكو سرير بنص الغرفة بيه جثة متغطية بچفن ابيض وطالعة بس الرجل وضلت الاضوية تطفة وتشتغل فجأة گعد الميت ع السرير والغطة الابيض بوجهة بوجهة وفجأة انفتحت كل الثلاجات الي بيهة الموتة
موت.. موت.. عشق... دم.. موت.. دم.. دمالمشهد الثالث: عشق بخوف انت منو
.... انا ابيغار ابن الملك برقان امير الجان
عاشقك يا انسية.
(شكل الميت من گعد ع السرير)
أنت تقرأ
همسات الجحيم (معشوقة امير الجان)
Horrorرعب خيال(رومانسية)+18 عشق بخوف: انت منو.... .. انا امير الجان عاشقك يا انسية