#همسات الجحيم (معشوقة امير الجان)
البارت 2
عشق: رحت اشوف المريضة الي اني مشرفة
عن حالتهة گعدت يمهة وهية بغيبوبة وماحاسة
بشي باوعت عليهة واني منقهرة على حالهة معقولة
اولادهة مايسألون عنهة شنو من گلب عدهم
عايفين امهم المسكينة بغيبوبة وكل واحد
ملتهي بحياتة بديت افحص بيهة قست
ضغطهة ودگات گلبهة لگيت كل شي تمام
عدهة مؤشراتهة الحيوية تمام ومابيهة
شي من بعد ماكملت واني الم اغراضي
الي جنت افحص بيهن وردت اگوم فجأة
الضوة الي بالغرفة گام يضوي ويشتغل
ظنيت ان اكو خلل بألاضوية المستشفى
هستوني التفتت واريد اطلع حسيت بأيد
لزمت ايدي قوي جسمي کام يرجف من
خوف بس گلت ايجوز صارت معجزة
والمريضة الي بغيبوبة صحت و وجهي
جان خير عليهة التفتت عليهة وياريتني
ماملتفتة فتحت عيوني ع وسعهن لدرجة
حسيتهةراح تطلع من الخوف وجسمي كلة
گام يرجف واني اشوفهة لازمة ايدي بكل
قوتهة فتحت عيونهة فجإة وجان بؤبو
عيونهة كلة اسود ويلمع حتة بالاضاءة
الخفيفة وجهة شاحب يشبه وجه الموتة
وبيه تجاعيد باوعت علية وابتسمت وجان
حلكهة کانو مشكوك ومو طبيعي ابتسامتهة
واصلة لنهاية خدهة وقريبة لاذنهة وسنونهة
صفر مااعرف شلون اجتني الجراءة ونفضت
ايدي من يمهة ورحت ركض ع الباب افتح
بيه مايفتح التفتت وشفتهة دتنزل من
السرير بحركة بطيئة ضليت احاول افتح
بالباب قوي بس جان مقفول وماينفتح ضليت
ادك بالباب قوي بس ماكو فايده جان مقفول
صليت اصيح ودك الباب طلعوني منو هنا
حسيت بيهة واگفة وراية مباشرة صابني
حالة تشنج من الخوف حسيت بصوت
انفاسهة قريبة من يمي ضل جسمي كلة
يرعش مثل السعفة وعيوني گامت اتصب
أنت تقرأ
همسات الجحيم (معشوقة امير الجان)
Horrorرعب خيال(رومانسية)+18 عشق بخوف: انت منو.... .. انا امير الجان عاشقك يا انسية
