#همسات الجحيم (معشوقة امير الجان)
البارت 1
_السلام عليكم.....
اني عشق عمري ٢٧سنة خريجة طب طول عمري
واني اتمنى اصير جراحة ناجحة ومشهورة
حاليا اني متدربة جديدة في مستشفى معروف
بغداد بس اني مو سكان هاي المنطقة احنة
اصلنة من الكوت بس اول ماخلصت كلية
صار نقلي ع مستشفى بغداد واني جان
هذا حلمي فوافقت واهلي مارضو يعوفوني
اروح هناك ابحيدي
بأعتباري ابنية شابة ميصير تروح بمكان
ماتعرف عنة شي وحدهة بالاخص اني
بنتهم الوحيدة لمدلله ويخافون علية خاف
ايصيرلي شي
گعدت ع صوت امي اتگعد بيه
نجلاء: ولج مصگوعة گعدي دك المنبه
مرتين الجيران کعدو وانتي بعدج منطمرة
يلة راح تتاخرين ع اول يوم شغل الج بالمستشفى
فزت عشق بسرعة ولگت الساعة ب٦:٣٠
عشق: اليوم اول يوم الية بالمستشفى يعني
يعتبر اول تدريب الية واخيرا خلصت من
الكلية وراح امارس المهنة الي احبهة واصير
جراحة مشهورة ويتحقق حلمي رحت
للحمام غسلت وجهي واني متحمسة
وفرحانة لحتى اروح لشغلي الجديد
لبست تنورة بيج وقميص ابيض وخطيت
عيوني العسلية بكحل خفيف جوة عيوني
وحمرة بيج فاتح يناسب لون التنورة لبست
حذائي الكعب لان اني کصيرة شوية لفيت
شعري ع شكل تسريحة بسيطة نازل منهة
بضع خصلات واخذت صدريتي البيضة
وطلعت بسرعة رحت بسرعة لکراج
السيارات القريب ع الشارع العام وکعدت
بسيارة النفرات الي هية اكثر شي اكرهة
هاي المواصلات لان دائما اتصير هوسة
والسايق مايتحرك الا اذا اتقبط سيارتة
وعيون الشباب الي تاكلني من الصبح
فدائما احاول اگعد يم بنية لان اخاف
اگعد يم ولد يتحرش بية اني يومية
اروح نفرات لان التكسي ياخذ الضعف
واحنة حالتنة المادية عادية وابوية ماعندة
أنت تقرأ
همسات الجحيم (معشوقة امير الجان)
Horrorرعب خيال(رومانسية)+18 عشق بخوف: انت منو.... .. انا امير الجان عاشقك يا انسية
