همسات الجحيم (معشوقة امير الجان)

البارت الخامس

#همسات الجحيم (معشوقة امير الجان)

البارت 5

گعدت الصبح من وگت حتة الحك اروح ع شغلي

لان اليوم اول يوم راح الزم بيه خفارة وراح ابقة

بالمستشفى طول الليل حتة اشرف عن حالات

المرضى الموجودين بالمستشفى اليوم الدور علينة

اني وزياد زميلي طبعا من بعد ماعرفت مروة بهذا

الشي حسيتهة ضاجت لان طول الليل راح ابقة

ويا زياد وهية معجبة بيه بس اني زياد مو ابالي

اصلا ابالي شغلي وبس اريد احقق بس احلامي

اتمنى تفهم هذا الشي ان زياد ميهمني وماافكر بيه

هو مجرد زميل وياية بشغلي لا أكثر ولا اقل المفروض

تفهم ان اني دائما احاول ابتعد عنه حتة مااجرح

مشاعرهة بس شسوي اذا هوة دائما يتقربلي واني

احاول ابعد عنة بدون مااجرح مشاعرهم همة لاثنين

من بعد ماكملت تبديل ملابسي واخذت صدريتي البيضة

ونزلت جوة لگيت امي كاعدة ويا ابوية وتريد تشيل

الريوك الي جانت مسويتة اله

عشق: صباح الخير

محمد ونجلاء: صبااح النور بنتي

نجلاء: شلون صرتي ابنيتي البارحة ضل بالي عليج

حاولت اطمنهة رغم اني مامطمنة وخايفة من الي

ديصير وياية واني احس اكو روح شيطانية قريبة

مني تأذيني وبنفس الوقت احس اكو شي يحمني

من هاي الروح مااعرف اوصف شعوري بالضبط

طلعني من تفكيري صوت امي

نجلاء،: عشق بنتي اشبيج ليش صافنة بوجهي وماتردين

محمد: احجي بابة بيش شي تعبانة اوديج لدكتور هل

فترة احسج تعبانة كولي شبيج حتة نعرف انحل موضوع

عشق بتهرب: بابة ولله مابية شي بس هل فترة

شوية اكو لود بالشغل ودنتعب فأعصابي تعبانة

شوية لايضل بالكم يلة اني اتاخرت حبابين مو

وكت تحقيق راح اتاخر عن شغلي يلة مع السلامة

ودزتلهم بوسة بالهوة وراحت ع سريع لشغلهة

نجلاء: ماادري گلبي مامرتاح احس ديصير شي

ويا هاي لبنية

محمد: استهدي بالله يا مرة هاية يمج مابيهة شي