همسات الجحيم (معشوقة امير الجان)

البارت الخامس عشر والاخير

#همسات الجحيم (معشوقة أمير الجان)

#البارت الاخير
عدة شهر ع زواجنة اني وابيغار بهذا الشهر اكتشفت

خلف برود ابيغار وقسوتة تنبع منة طيبة گلب وحنية

من الداخل جانت احلى ايام حياتي بهاي الشهرين الي

گضيتهة وياه ماتخلى من الحب والرومانسية صحيح

نوبات يتعصب ويخوفني بعصبيتة جنت اخاف لايرجع

گأمير الجان من يغضب بس هو رغم هذا الشي دائما

يبتعد او يبعدني عنة في سبيل ميأذيني من يتعصب

جنت اي شي اتمناه الگاه يمي حتة بدون مااطلب يوم

عن يوم بديت احبة بديت يومية انعجب بشخصيتة

القوية وجمالة وذكائة الخارق رغم محاولاتة بأن

يتصرف كشخص طبيعي بس صفاتة وهيأتة المهلكة

توحي ان هو من عالم اخر من كوكب اخر يختلف عنه

حبيت بيه حتة اختلافة دائما من يحضني ويتقرب مني

احس بالدفئ والامان ومن يبتعد احس بالبرود والخوف

مادري اذا جانت مشاعرة نفس مشاعري الة بس جنت

متإكدة ان شخص ايسوي كل الي يسويه وياية ابيغار

من اهتمام لعد شيسموه هذا غير ان هو يعشقني مو

بس ايحبني جنت احس حبة الية اكبر من حبي الة شكد

جنت اتمنى نعيش اني وياه حياة عادية ونضل طول

عمرنة سوة بس مو كلشي نتمناه نحصل عليه نوبات

الحياة تفرض علينة نبتعد عن الشخص الي نحبة خوفا
وحمايتة الة

في ليلة من ليالي الرومانسية الي بيني وبين ابيغار جنة

كالعادة واحد نايم بحضن الثاني

عشق: حبيبي

ابيغار: روحة

عشق: اكدر اسألك سؤال بس ياريت تجاوبني بصراحة

ابيغار: اتفضلي حبيبتي سألي

واذا اكلج ماكو داعي تسألين اعرفج شتردين تکولين

عشق بتذمر: ابيغار كافي تقرة افكاري ولله استحي

احس روحي ماعندي خصوصية

ابيغار بضحك: هههه حبيبتي ماكو خصوصية بين الرجال ومرتة

عشق: حتة لو ماريدك بعد تقرة افكاري

ابيغار: صار حبيبتي تدللين وهسة اجاوبج ع سؤالج لو

نرجع انكمل ليلتنة الحلوة لان الصراحة منضرج بدون
ملابس وانتي بحضني مااتحملة خليني بعدين اجاوبج
ع سؤالج