#همسات الجحيم (معشوقة امير الجان)
البارت 4
نزلت من غرفتي بخطوات بطيئة من بعد.
ماسمعت صوت جاي من جوة نزلت
واني خايفة لا الحلم الي حلمت بيه
البارحة ايصير حقيقة واشوف العجوز
الشكلهة مرعب رحت للهول ماكو شي
دورت بالحمام نفس شي ماكو اي اثر
احد موجود فتت للمطبخ
ضليت ادور خاف بزون او اي شي بس ماكو
الا ان سمعت صوت جاي من غرفة اهلي
رحت ركض عليهم بدون ماافكر بأي شي
جان عندي اهم شي اطمن ع اهلي وخايفة
لايصيرلهم شي واني بطريقي الهم شفت
خيال وحدة لابسة كلة ابيض هل مرة
وشعر ع عيونهة كمت اصيح بعلو صوتي
الا ان طلعو اهلي من الغرفة وهمة خايفين علية
نجلاء: يمة بنتي شبيج ليش تصيحين وضلت
تتفحصني واني مصدومة من الي دا اشوفة
وتعبانة نفسيتي ماتحملت ضليت ابجي
بحضن امي وامي تقرالي المعوذات واية الكرسي
محمد: ضل يدور البيت كلة خاف شافت شي
واخترعت لان ماترضى اتکللهم اشافت لان
اصلا معگود لسانهة من الخوف
محمد: نجلاء ودي بنتج لغرفتهة خلي ترتاح
وباجر ان شاء الله انشوف اشبيهة
بعد مرور ساعة گوة يلة گدرت نجلاء تنوم عشق
من بعد معاناة وياهة ضلت تقرالهة ايات
يلة گدرت اتنام
محمد: ها نامت بنتج
نجلاء: اي واخيرا نامت بس احس اكو شي
ابنتي مو طبيعي ضل بالي ع عشق
احسهة هل فترة مو طبيعية واحسهة
دائما تشوف شغلات شنو رأيك انجيب
شيخ يقرة ع بيت خاف اكو شي
محمد: نجلاء صدک تحجين قابل اشبيه
البيت مو اني وياج کاعدين بيه ماشفنة
شي بنتج ايجوز شافت ابو بريص
وکامت اتصيح ماتعرفيهة تخاف من
ابسط الشغلات نامي نامي بلا تخاريف
مر اسبوع كامل بدون احداث ومواقف مرعبة
الصراحة ارتاحيت وخفت بنفس الوقت من هذا
الهدوء الي حسيتة مرعب وصار عندي فضول
أنت تقرأ
همسات الجحيم (معشوقة امير الجان)
Horrorرعب خيال(رومانسية)+18 عشق بخوف: انت منو.... .. انا امير الجان عاشقك يا انسية
