همسات الجحيم (معشوقة أمير الجان)
البارت11
عشق: شلت صينية العصير من المطبخ ورحت للهول
حتة اقدمهة للضيوف الي جايين ع اساس يخطبوني
كل هذا واني عيني عليهم وصار عندي فضول حتة
اشوف منو العريس بس طول ما اني جنت امشي
بأتجاهم ماشفتة لان جان منطيني ظهرة الي شفتة
بس جوارينة ام محمد وابوية وامي وحدة تقريبا
عمرهة ب٤٠بس جانت اية من الجمال ماعرفت
هية منو اتقدمت عليهم واني متوترة وخجلانة
وراسي بالگاع رفعت راسي عليهن وجانت الصدمة
من صارت عيني بعيون الولد والمفاجأة الي خلتني
انصدم واوكع الصينية بالكاع من صدمتي واني
اشوفة گدام عيني
عشق بصدمة: ابيغار
اما هو ابتسم ابتسامة باردة تعبر عن انتصارة وهو
يشوفني مصدومة بشوفتة
باوعت ع اهلي والي موجودين شفت اهلي محرجين
ومصدومين من ردة فعلي
اجتي امي علية شاورتني ولج ياثولة شسويتي
شيکولون علينة شبيج مصدومة شفتي جني
لا لا لا اكيد ديشاقون لعد اذا مو هذا جني هذا شنو كل
هذا واني بغير عالم امي تحجي وياية واني بعدني
باهتة واباوعلة بصدمة
اعتذرت امي من الجماعة ع الي سويتة
نجلاء: اعتذر لبنية شوية موترة ووگعت الصينية
سمعت امة گالت: لا عادي ماكو اشكال المهم هية
ماصارلهة شي جانت المرة حيل حبابة واجتي کعدت
يمي وتتفحصني وهية قلقانة خاف صايرلي شي
اما هو اشوف نظرات القلق وهو يباوعلي اطمن
من عرف ماكو شي ورجعت ابتسامة المكر والنصر
ع وجهة من جديد
خفت واني اباوع ع عيونة نزلتهن من شفت نظراتة
الغريبة الي جان مثل النريض النفسي الي تتغير ردود
افعالة كل دقيقة
حجيت ويا نفسي ليش اهلي شايفيه عادي حالهم من
حالي معقولة الي جاي اشوفة زين شلون اهلي عادي
ديشوفوه مثلي معقولة هذا واحد شبيهة ومو هو لو شنو راح اتخبل
أنت تقرأ
همسات الجحيم (معشوقة امير الجان)
Horrorرعب خيال(رومانسية)+18 عشق بخوف: انت منو.... .. انا امير الجان عاشقك يا انسية
