*
*
*
*
*
*
كاتبدا الرواية ديالنا مع البطلة لي ناعسة و ماجايبة لدنيا خبار تا كاتصوني ليها صاحبها خولة او بتعريف اخر خوخة ناضت طافجة رجل فالشرق و يد فالغرب لي شافها يقول هادا غا با عباس طوالو الشعر ، هزات التيليفون لي لقات لعشرة ونص وهي تنوض كادردك وتغوت ما جاوبات صاحبتها تا طيحات فيها النص.
خوخة: ياديك وجه البرمة يا السلوگي يا وجه الطرمة المقسومة ادوي يا تريكت المحازيق يا الطحبة درتي معايا ل11 و نص تكوني ف قنيطرة هااا دوي يا السلگوطة مخلياني ف لاگار كانتسنا فيك ونقول ها هي جاية ها هي مسكينة فايقة مع السبعة غا باش تشوفني ها لاواه تعطل التران بيهم اوا الله يمسخك انا على نيتي ونتي شابعة ليا نعاس.
ملاك: الله يعطيك الحكة فالطرمة قولي امين شتي باش نوض ليك مع لعشرة ونص را درت معاك فوق لمزيان هانتي غانلبس ونهز شانطتي را جامعة الحوايج ونجي نشد التران البراق خفن زربن وهانا معاك يا الطحبوشة.
خوخة: امممممم اوا الله يجعلني نتيق غانرجع فيحالاتي لدارنا توصلي المنونخة ڤيبي ليا نخرج عندك يا الفروج.
ملاك: يلا قودي عليا.
خوخة: ماجات تجاوبها تالقاتها قطعات.
بعد ما سالات ملاك مع صحيبتها خولة لي كاتبغيها وتحماق عليها ختها لي ماولداتهاش ليها مها، نسيت نعرفكم على ملاك بنت فعمرها17 لسنة زيننة زينها خطير بيضة شعرها متوسط رطب اسود كسواد الليل طايتها مقااودة ماعندهاش الكرش ولاكن هازة عامرة و طويلة ملامحها طفولية و فيها واحد البراءة يا سبحان الله ولاكن فعايلها مايقد عليها غا لي خلقها الشيطان كايدير عندها السوايع، عرفتكم على ملاك ونسيت فريدة ديالها خوخة ماحد كاتعيط ليها خوخة راها خوخة نيت ، عندها حقها فزين زينها مغربي قح شمنك يا شفران واصلين تال الحجبان شمنك يانيف منگاد شعر مسبسب كرلي ف القهوي طويل على ديال ملاك، طايتها تقريبا فحال ملاك تاهي الكرش اوهو و عامرة تاهي.
اوا يا سيادي من بعد ما سالات ملاك الهضرة مع صحيبتها ناضت دوشت لبسات كروب طوب كحل قصير ب سميطات و تجين زرق مقطع طلقات شعرها ونشفاتو ب سوشوار دارت ماسكارة لي كتفات ليها فقط اما هي شفرانها فنين ودارت بلاش و غلوس صافي هزات شانطتها حيتاش هي ساكنة ف فاس وقررات دوز الصيف عند فريدة ديالها خوخة حيتاش منين كانت فعمرها14 تعرفات عليها ف انسطا و ولاو صحابات.
سالات ملاك دازت هابطة لقات ماماها فايقة و ختها هبطات جلسات حداهم كايفطرو وهي تنطق ماماها.
ليلى: ملاك راني وصيتك عنداكي تمشي ديري شي موصيبة راني عارفة فعايلك هاني وصيتك اصگعة.
YOU ARE READING
البزناز وخوتو القباح 🔪
Actionهااااي كبيدات جيت ليكم ب رواية جديدة احم احم كا نتهلا فيكم مهم بغيتكم تسمحو ليا بزاف على انني غاع ماكملت ليكم. الرواية الاولى ولاكن را الاسباب كثيرة لي خلاوني نحبس منهم التفاعل طاايح بزاف و الطغوطات و زيييد وزييد ولاكن هاد الرواية ماغاديش نحبسها ون...
