خولة: اييه نجي عندك علاش غاهو بصح كون غامشينا ديكلارينا حسن باش نتهناو فخطرة.
ملاك: صافي اصاحبتي بلا مانكبرو لموضوع ونوضي نخرجو ندورو شوية .
بشرى: اييه ابنياتي نوضو خرجو فوجو شوية ,وزعما اخولة را صاحبتك ضيفة عندك خاصك تخرجيها وتسارايها.
ملاك: تانتي اخالتي واش خولة صاحبتي لي غانحشم منها راها ختي ونتي هي مامة التانية.
بشرى: الله يرضي عليك ابنتي ونتي راكي عارفة معزتك عندنا قداش باب داري ديما مفتوحة ليك بحالا جاية عند ماماك.
خولة: امين امين اماما صافي را الا بقينا هاكا ماغانمشيو فين.
ملاك: تي مالك مزروبة خليها غاتكمل هدرتها يالموصيبة.
بشرى: هههههههه نوضي نوضي حسن عوان هاداك لي غايديك ابنيتي.
خولة: شتيني غا لقيتو اماما باش تدعي معاه.
ملاك: وخو داك شمكار عدنا...
خولة نقزت: تي شمن شمكار ولا شمكارة بانت ليا الشمش دقنيطرة عطات المفعول.
بشرى: اديك سليعفان علاياش كاتحاتو تم وشكون هاد الشمكار.
خولة بضحكة صفرة: ههه الا اماما راغي بغات تقول لك زعما قنيطرة زوينة ومافيهاش شماكرية , ياك املاك.
ملاك: لا عساك اخالتي را...
يالله غاتكمل هدرتها وهي تنقز عليها خولة بقرصة.
ملاك: احح الخرا قصحتيني.
خولة: لقوة, ماما را خصنا نبدلو حوايجنا باش مانتعطلوش.
بشرى: اوا بعدا لين غاتمشيو.
خولة بحماس: ملاك شبان لك نمشيو لبحر مع دابا شميشة لجو غاديال شي عومة.
ملاك : ايييه والله هيلا فكرة ناضيا نوضي نوضي نجمعو حوايجنا.
ناضو البطلات ديالنا كايطيرو, وجدو راسهم باش يمشيو كل وحدة شنو كاتجمع, ختارو المايويات والكسيوات الصيفية, ملاك لبسات مايو عبارة عن دوبياس بويض مشدودين بخيط فالعنق و من الفوق لبسات كسيوة زرقة مفخفخة قصيورة و صندالا دالبرازيل وخلات شعرها مطلوق ودارت غلوس لمع ليها شنيفاتها وماسكارا ضد الماء , وخولة لبسات مايو عبارة عن شورط زرق مفتوح قصيور و من الفوق تاهي لبسات بحال ملاك غير اللون مختلف فالغوز بيبي, وعاد لبسات جوبا طويولة ديال صيف وقاميجة فالابيض قصيورة و صندالا د غوتشي وجمعت شعرها ديل حصان وكتافات بغلوس تاعدهي, مهم جاوووو قنبولاااتت.
YOU ARE READING
البزناز وخوتو القباح 🔪
Actionهااااي كبيدات جيت ليكم ب رواية جديدة احم احم كا نتهلا فيكم مهم بغيتكم تسمحو ليا بزاف على انني غاع ماكملت ليكم. الرواية الاولى ولاكن را الاسباب كثيرة لي خلاوني نحبس منهم التفاعل طاايح بزاف و الطغوطات و زيييد وزييد ولاكن هاد الرواية ماغاديش نحبسها ون...
