عدت من جديدددد را كانتعطل عليكم حيتاش كانشوف دعم ممسلكش ههههههه ولاكن باش تعرفوني ضريفة هانا حطيتو ليكم ا زيناتيي 🫀😎
*
*
*
*
*
*
*
*
ناضو راجعين لدار تلاقاتهم خديجة وسولاتهم علاش تعطلو لقاو ليها سبة بعامر،، صافي دازت لعشية وملاك وخوخة رجعو فيحلاتهم دخلو بدلو حوايجهم ونعسو.
-*اصبحنا واصبح الملك لله.
فاقت خولة هي اللولة مابغاتش تفيق ملاك ناضت دخلت ل حمام غسلت وجها بروسات سنانها جمعت شعرها شفنجة و خرجت توجد الفطور دارت لي قصم الله حيتاش ماماها بايتة عند صاحبتها مشات تفيق ملاك لي ناضت تاهي بلا عگز عليها دخلت لحمام دوشت لبسات تجينز كحل لاصق طالع تال خصر ديالها و كروب طوب بيض و تجاكيطة حمرة دجلد العكس د خوخة لي لبست بويفرند زرق واسع و واحد سوفيطمة كحلة قصيرة طالعة من فوق السرة صافي سالاو خرجو باش يفطرو و جمعو دار وهي تدوي ملاك.
ملاك: دابا حنا غانبقاو جالسين هنا كي اليتامة ولا شنو.
خوخة: ايه احبي شنو بغيتيني ندير ليك نهزك فوق كتافي ونتسارا بيك ولا شنو.
ملاك: اهاه الالة طنزي نتي اي واتاك الطنز اما انا غا عبد مسكين بزناز دالخلة( خليه تا يسمعك هههههههه)ضرب ليا خلعة عمرني نساها.
خوخة: اااححح كون كان سميتو امجد كون طرت بيه.
ملاك: شتي دوك روايات هوما لي غايحمقوك و يحمقوني معاك، دابا ما غانخرجوش انبقاو معششين فدار.
خوخة: زيدي نخرجو ن ضربو دويرة بروجولة.
ملاك: يالله زيدي.
خرجو هبطو ل مهدية ضارو تاشبعو وضاروري يخضرو عيوناتهوم ب تيتيز لي كاين صافي تمو غاديين وهو يبان ليهم واحد مول كاسكروطات مشاو خداو شنو بغاو جلسو كاياكلو سلاو جمعو الوقفة دازو لواحد الجردة كانت تما عامرة خداو ايس كريم وجلسو كايدويو.
خولة: بشااخ ضربي لي علا الكحل بابابابا زين غا مشتت.
ملاك: شتي واخة يباقو هادو بوحدهم فالعالم والله ما نتصاحب معاهم، شوفي كي رطبين ياربي السلامة ،، دابا واش لي يدير نضاضر د البنات و يدير خواتم وسناسل د ميكة هادا راجل.
خولة: سيري تقودي نتي كاتشوفي غا لي بغيتي.
ملاك: اختي انا كايجيوني كلهم بحال بحال.
خولة: اهاه ا مادموزيل الفرشة هاهو دابا كايشوف فينا من قبيلة ونتي تنعتي فيه.
YOU ARE READING
البزناز وخوتو القباح 🔪
Actionهااااي كبيدات جيت ليكم ب رواية جديدة احم احم كا نتهلا فيكم مهم بغيتكم تسمحو ليا بزاف على انني غاع ماكملت ليكم. الرواية الاولى ولاكن را الاسباب كثيرة لي خلاوني نحبس منهم التفاعل طاايح بزاف و الطغوطات و زيييد وزييد ولاكن هاد الرواية ماغاديش نحبسها ون...
