اوا لاتقولوشاي كدبت عليكم من يوماين ليوماين نبدا نلوح ليكم راكم فل بال, را انا كون جات عليا ازينات نلوح ليكم كل نهار ولاكن را انا باغا نطول ليكم الرواية ونشوقكم دابا انا دايرة لمخطط درواية فبالي كي غاتكون وكل شوية كان كتب ليكم بارت قصير من داكشي لي فبالي يعني اصبرو معايا رواية را بااقا طويلة, وصافي هادا ماكان طنحبكم😔💗.
*
*
*
*
*
*
ملاك: مهم الا بانت لينا دعوا زاهية نمشيو حنا را غا نفوجو وصافي و الى مشا تادوا معاك شي قواد خليني مني ليه.
خولة: دابا نساي عليا هادشي ونوضي نعومو.
دخلو البنات كايتجاراو وبجوجهم نقزو فالما وبداو داخلين لداخل البحر ملاك كانت كتعوم باحترافية من غير خولة مسكينة غامزعماها معاها ملاك فين ما كاتبغي تحبس كاتقول ليها ملاك غازيدي غاشوية ونوقفو غاهنا تاصدقات جاراها معاها تال الكرات الصفر , بداو كايتسابقو و كايلعبو فوسط الما بحال شي بنات 5 سنين, خولة ضربوها جوج موجات تلفوها على القبلة وملاك كاتخرا عليها غي بضحك, عياو وخرجوا كايضحكو على واحد خونا وقف عليهم قالك بغا يعلمهم عومة الميت .
ملاك شادة فكرشها بضحك: ههههههههههه واربييي شفت تاشفت ف العنابة وعمرني وصلت لهاد سطاج.
خولة لي شربت نص فالبحر: سكتي الله يعطيك موصيبة شربتيني البحر كولو و هاداك لي قالك انعلمك عومة الميت كون قبل مايجي يقولها لك اتلقايني انا درتها وسبقتو و مت لك تما نيت.
ملاك عنقاتها من كتفها: هههههه مايسحابش ليا ماكاتعرفيش تعومي الشيخة.
خولة: طنزي طنزي نتي لي واتاك الطنز.
مشاو البنات جلسو كايتصورو ويبوسطيو ف انستا, تغداو ورجعو يعومو مي هاد المرة مادخلوش لداخل, عياو بقوة المواج لي كانو طالعين خرجو ونشفو حالتهم ولبسو حوايجهم كانت 6 دالعشية مهم دوزو وقيتة زوينة.
ملاك وهي كاتجمع فالحوايج: خولة دابا شنو درنا.
خولة: فاش؟
ملاك: ف البلان ديال داك مهدي القواد, نمشيو نجلسو غير شوية ونرجعو بعدا نحطو غاسطوريات يعرفونا المحسادة راحنا مدوزين صيف زوين.
خولة: وا لا شتي داك الخرا ديال داك صاحبو كي حاضيني وانا والله تانطليه لا ولا شاف فيا ولا دوا معايا.
ملاك: واتي مالك را انمشيو حنا كي قلت لك نشبعو غير سطوريات ونرجعو والله احبي تانا داك لصقة طلع لي فكري.
خولة: على حسابك.
ملاك: على حسااابي الالة نص ساعة مانفوتوهاش.
*
*
*
*
نرجعو ل لفيلا.
YOU ARE READING
البزناز وخوتو القباح 🔪
Actionهااااي كبيدات جيت ليكم ب رواية جديدة احم احم كا نتهلا فيكم مهم بغيتكم تسمحو ليا بزاف على انني غاع ماكملت ليكم. الرواية الاولى ولاكن را الاسباب كثيرة لي خلاوني نحبس منهم التفاعل طاايح بزاف و الطغوطات و زيييد وزييد ولاكن هاد الرواية ماغاديش نحبسها ون...
