زيناتيييي هانا جيت ولاتقولو ماجيتتت تعطلت اييه ولايني دابا ماكاين غا بارت تنطح بارت وتانتوما ماتنساوش ختكم بالڤوط وشي كومنت زوين بحالكم باش تشجعوني ونكمل ليكم 💋.
*
*
*
خولة غاتميق: زيدي زيدي نشوفو هادشي ديالك فين غايخرجنا .
ملاك شدات فيدين خولة كاضحك: زيدي زيدي.
مشاو البنات تبعو داك الدري وخولة غادا غابزز ماحملاش غاع تمشي غادايرة لخاطر لصاحبتها, وصلو لنص دالبحر وكانو تم شي غارد ماخلاهمش يدخلو تاقال ليهم داك دري بلي راهم معاه وعاد دخلو , كان تما واحد الاوطيل كبير واونفاص ليه البحر الڤيو جاي خطيير البنات بقاو غامصدومين, دخلو ل واحد الكازينو ديال الاوطيل, مع دخلو مع كايبان ليهم المعري كتر من المغطي هالي شادة فواحد قد باها كاتنصب عليه هالي كاتشطح هالي عاطيا زكها كل وحدة وشكادير لبنات بقاو غاحالين فمهم, شوية وهي تنطق خولة.
خولة: خويا راك واقيلة غلطتي قلتي لينا بارتي ماشي دار القحاب, انا را طريق لي داتني تجيبني.
ملاك: تي سكتي باراكة من النگير ديري راسك ماشتي والو ودخلي .
خولة: اييه الالة والدنوب لي غاندي غاتحاسبي عليهم نتي فعاوطي.
ملاك: نتي را طار لك لفريخ مالنا حنا شتينا غانمشيو عندهم ولا را غا ندخلو نشربو شي حاجة ونخرجو منها مبحرين منها مزكين.
مجهول: البنات شتكم مازالين واقفين زيدو .
ملاك: هاحنا جاين, صافي اصاحبتي زيدي ندخلو .
دخلو البنات وكايبان ليهم داك خونا قاصد جيها دالكازينو التانية وهو كا يشير ليهم باش يتبعوه, تمو غاديين تاشافوه جلس حدا واحد الرباعة بنات ودراري ومشاو تاهوما حداه جلسو فالطرف.
ملاك: اوا نسيتي ماقدمتي لينا راسك و صحابك.!
مهدي: هه ديزولي مهم انا سميتي مهدي 23 عام كانقرا الهندسة, وانتوما ا آنسات عرفوني على راسكم.
ملاك: ملاك 17 العام وهادي صاحبتي خولة 16 لعام (خولة غاكاتشوف فيه وتعيب) .
مهدي: تبارك الله كاتبانو كبر من عمركم ولايني واخا صغار باينين كبار فعقلكم متشرفين.
خولة: (كاتمتم ابشوية) مكبوت لي حطك.
مهدي: قلتي شي حاجة ؟
خولة: لا لا قلت لك متشرفين (بأبتسامة صفرة).
مهدي: الشرف ليا , نسيت ماعرفتكمش على صحابي كايقراو معايا.
YOU ARE READING
البزناز وخوتو القباح 🔪
Actionهااااي كبيدات جيت ليكم ب رواية جديدة احم احم كا نتهلا فيكم مهم بغيتكم تسمحو ليا بزاف على انني غاع ماكملت ليكم. الرواية الاولى ولاكن را الاسباب كثيرة لي خلاوني نحبس منهم التفاعل طاايح بزاف و الطغوطات و زيييد وزييد ولاكن هاد الرواية ماغاديش نحبسها ون...
