البزناز وخوتو القباح 🔪

Part 11

هانا جييييت را والله ماكنت ناوية نتعطل عليكم را غير شوية د ضروف والسفر مي ماتخافوش انا الرواااية غانكملها كلها ولايتي كل مرة وفوقاش شوية 😔💗
*
*
*
*
*
*
*
دوات ملاك معا ماماها وعاودت ليها على شنو دارو فهاد الايام من غير البلان د فهد مابغاتش تقول ليها عليه حيت عارفاها اتخلع, سالات معاها ومشات هي وخولة كايضورو من محل لمحل تالقاو داكشي لي بغاو وجاهم لوووز، بعد ما خداو شنو بغاو ودازو خلصو خرجو رجعو للبحر مشاو لدوك البيوت لي كايبدلو فيهم الحوايج ولبسو حوايجهم وقادو حالتهم ملاك جمعات شعرها ذيل حصان خيت فازك وخولة خلاتو مطلوق على راحتو دارو المكياج سموكي صاخب.

خولة: هاحنا سالينا دابا شنو اتسيفطي ليه ميساج ولا شنو هادي را 8 ونص.

ملاك جبدات تيليفونها و لقاتو ديجا مسيفط ميساج: هانتي را هو مسيفط ميساج من قبل  (وراتو ليها مكتوب فيه : malak wesh jaya enti w sahebtk wla la) .

خولة: صافي سيفطي ليه راحنا جايين.

سيفطات ليه ملاك ميساج فيه راحنا فطريق وقصدو البلاصة لقاو ل گارد واقفين على برا قالو ليهم من طرف مهدي دخلوهم ، كانت الاجواء صاخبة على قبل  صوت الموسيقى مجهدة و الاضواء بالالوان السيرفورات غاديين جايين بالقراعي دالشراب والبنات كايشطحو فالوسط وكاين لي مامسوقش غاع لهادشي جاي غايقمر دخلو البطلات ديالنا والعيون ديال الدراري غاتاكلهم قصدو الجهة التانية دالكازينو لي فيها مهدي كانت نوعا ما هادئة رغم داك الزحام ولاكن الموسيقى لي مطلوقة كالم ماشي بحال جيهة لخرا بدات ملاك كاتقلب على مهدي بعينيها تاشافتو مع شي رباعة مجموعين فواحد الطبلة مازعمتش تمشي عندو كحزات لباب وجرات خولة وسيفطات ليه ميساج ( mehdi ana re fel bab ) قرا مهدي الميساج وتم جاي عندها بغا يزعم يسلم عليها بوجهو مي سبقاتو ومدات ليه يديها.

مهدي سرط القمعة ومد يدو: اووو شهاد الزين كامل ايحضر لأنيف ديالي.

ملاك ضحكات ليه و هو سلم على خولة و طبعا تعنب عليها .

مهدي: زيدو.

مشاو موراه البطلات ديالنا وداهم ل الطبلة لي كان مجمع فيها كانو اغلبية دراري مع صحاباتهم من غير صاحب مهدي لي منين دخلت خولة وهو حاضيها، جلسو ابطالنا ومهدي طلب ليهم موخيتو بلا كحول مهم بداو هضرة تدي هضرة تعرفو مزيان على بعضياتهم من غير المعلومات دملاك لي كلها كانت كذوب فين ما يسولها مهدي ولا شي حد من صحابو كاتكدب عليه لا هي لا خولة وهوما مستمتعين دخل سيرفور ودوا لمهدي فودنو مهدي حرك لو راسو ب اه تاتمو داخلين بعض السيرفورات فيدهم حلوة كبيرة شوية مكتوبة فيه happy birthday mehdi ben berrada طلقو لحن دالاغنية و ناضو صحابو كايباركو ليه ، بعدما كلاو وسالاو طلقو هاد المرة اغنية صاخبة وناض نص كايشطح وملاك وخولة كايتفرجو تا جا مهدي منوض ملاك تشطح معاه و بززات على راسها جرات معاها خولة لوسط مهدي جر ملاك من يديها كايحاول يتقرب منها وهو كايشطح كي شي حمق، خولة بقات واقفة فبلاصتها كاتشوف فيهم و فحركات مهدي المعيقين تاتسلط عليها صاحب دعوتها "سامي" لي منين حطات رجليها هنا وهو غاياكلها بعينيه وقف حداها فين واقفة وهي تهمس ب "لاحول"