جمرة

١٢

سلطان
كاعد بمكتبي والف فكره براسي اتصل بيه عمي فيصل
فيصل
السلام عليكم سلطان
هله عمي
فيصل
شلون الوضع يمك
سلطان
تکدر تکول تحت سیطره
فيصل
جبل خوما يسوي مشاكل ويه جدك
سلطان
واحد بعيد عن الثاني
فيصل
الحمد لله مابقه شي ويخلص هل كم يوم ويرجع استراليا
سلطان
عمي جمره واله جبل البيت بيتهم شوكت ما يعجبهم يجون
فيصل
لا بيتهم ولا مكانهم مسالت وقت ويرجعون، اصلا اني انتضر وضع جمره يستقر وتروح يم خواله الانبار
سلطان
عمي تره هل سالفه واكفه
فيصل
اتصلت اطمئن واروح ماريد حجي زايد
سلطان
ههههه عله راحتك عمي احنه انسوي الي انته تامر بي

سديت التليفون من عمي ورجعت كملت شغلي وراها ركبت سيارتي ورجعت للبيت
اشوف جبل واكف يم مريم ويشمر بدينه صفنت عليه هذا شعده ويه مريم صح هو ابن عمه بس ماصارله يومين من اجه واكفه هیچ علاقته بیه البارحه ماسالته شسوي وياها وشوداك يم مدرسته ماردت احسسه غريب هو من غير كلشي حاقد کاره  قربنه انوب اجي اني ابعده رحت اتمشى بتجاهم. واني سمع كلامهم
جبل
انجبي لج غلط وین اکو هیچ املاح وقواعد هاي بس عدج مخترعه کیمه جديده وتريد صير
صيدلانيه
مريم
لا ضل بس صيح والله موجودات. انته شمعرفك بيهم
جبل
ولج لا تعاندين شمعرفني شنو خريج تربيه تاريخ اني وماعرف شكو ماكو
مريم
لا عالم كيميه واني مادري
جبل
صبررررر صبرررر يارب اني شورطني وكتلج اشرحلج انتي حماربهيئه  بشر شلون وصلتي
السادس.
جمره
وانته شكو تتبرع درس وهسه صيح منو ضربك عله ايدك كلك . درسه
جبل
انتي ولي من يمي هاي اليوم اذا ماتفتهم تحل هاي المسائل اعلكه بهل شجره
مريم
لا والله هسه يجي سلطان واني اخلي يصرف وياك
جبل
لا الله عليج خوفتيني سلطاا ان لو يدري بمستواج جان لزمج المطبخ
جمره
وانته شعليك عوف البينه وفوت  جوه
مريم
اي فدوه ابتليت عله روحي كتله مافاهمه هاي طلعني كل الكيمه ما فهم بيه
جبل
ولج انجبي ثوله  انتي حافضه حفظ كلشي ما فاهمه اذا اجيبلج سوال واحد بي لوفه ضلين
تصفنين هو اكو واحد ما يعرف يحل المسعر وسعة الحراريه
مريم
والله اعرف بس انته جيب كله خارجي
جمره
عوف البنيه طريقه دراسته تختلف طبيعه الاسئله هنانه مختلفه
جبل
اني مو كتلج ماتحطين روحج
مريم
والله كتلني الحر وين اكو واحد بشهر السابع بجو البصره يطلع بره اله خبل
جمره
انته كل عقلك
جبل
كومي لمي ملازمج وكدامي للبيت راح افوت اسبح واجيج اليوم لو اني لو انتي
مريم
اي ماعدي شغله وعمله كل شويه رايح سابح وجاي تعيط فوك راسي
جبل
هسه يجي سلطان واكله هاي بطله وسرحه بكوم صخول وخرفان احسن من الخساير
مريم
اوووي عيني البارحه جنت تعيب عله طريقه تعامل سلطان وياي اليوم نسيت التحضر والرقي
وصرت متوحش
جبل
لا اني اني بعدني بس جنت مغشوش ما عبالي بمكان دماغج حجاره

سلطان
اني واكف عله جهه وصافن عليهم زين الاخ بيه مجال مو حاقد للنخاع بس لفت انتباهي شلون
جمره تضحك وسولف وياهم
مريم الشخص الوحيد الي كدر بينه يقترب منهم. اباوع عليه صايره طماطه الجو حار موت وهذا يصيح عليهن اقتربت منهم وكلت
سلطان
السلام عليكم
الكل
وعلیکم السلام
مریم راحت تركض حضنت سلطان وهو باس راسه ويسوي
سلطان
شبيج صوتج عالي
مريم
هذا موتني
جبل
اني فايت اسبح وتغذه اجيتي اكمل خيرا عله خير ماجيتي يطبج عمه سلطان
يا الله خيركم شبيكم واحد يهد واحد يعد
جمره
کوم مزعطه هذا مسوي روحه فهيم وهاي طالبه مثوله
مريم
والله مو مثوله هو يجيب اساله صعبه
سلطان
بس انتي سادس المفروض متفوتح فايته هذا مستقبلج المفروض كل معلومه تحطين جواها
خط
مريم
بس مو هيج
جبل
لا هيج هيه العبره مو بس انجح المفروض اتكونين ناجحه بتميز ناجحه صح بس بطريقه فاهمه
بيه شجاي سوين فاهمه شجاي تقرين واحابه الي جاي سوي
مريم
خلص اروح اتغده واسبح وانام كم ساعه واجي
جبل
ساعتين بس ماکو اکثر
جمره
عوف البنيه لاتضغط عليه
جبل
لا تدخلين
مريم
بعد ما كلي جبل اسبح واجي ادرسج بلش يشرحلي بالموضوع الي كتله عليه فتهمت كلش منه
وحبيت شرحه
وراها كال بما انو انتي مخلصه الماده خلي انطيج اساله وحلي وهنانه بلشت معاناتي وياه
مدري منين يجيب السؤال وكله مجاهيل وتعالي الكلي المطلوب
وبلشت اني وياه معارك
خطيه عثمان كله عوفه اني اشرحله وهو قفل عليه
انوب كل ما رفع راسي الكه وحده من بنات عمي تخزر بيه ويتبسبسن
الحر كتلني، والجوع وهو قافل
يروح ينكع روحه ويجيب لو عصير مجرش لو كولا ومستمر اباوع عليه. يصب عرك هو ميتحمل جو البصره

هو احنه اهل البصره طافره ارواحنه عاد هذا جاي من استراليا
وقافل عليه. يمكن لو اعاند اكثر يكتلني
انوب اجه سلطان وزاد الطين بله جنت  مسبعه بي انوب صف وياه
حتى جمره مکدرت تدخل عاد دخلت سلطان كال
سلطان
حضري غده. خلي اتغده وانام عندي شغل العصر
مريم
ماشي بس افوت اسبح كتلني الحر
سلطان
ههههههه والله مشیج مسطره هل جبل
مریم
خلي يولي خبل ابتليت عله روحي كتله شرحلي
سلطان
هههه والله جنج ياخيتي غبيه والاخ دكتور ميصرفله التسخت
مريم
والله بس اخلص كيميه بعد ما اشوفه وجهي خلي يولي مسودن جنه اخته
سلطان
ههههههههه والله مال اکله مريم تكول عليج مسودنه
مريم
هههههه يمعود صار سبوعين زينه وياي عوفه ملتهيه برجله
سلطان
ربي اوووف احس روحي تختنك كل ما اذكر هل موضوع.
مريم راحت سوي غده واني دك براسي هل كلمه ( ملتهيه برجله)
هو اصلا اني ناسي حته اذكره
اكلتلي لكمه ورحت لفراشي
هل مره ماجاي تطلع من راسي
لا جاي اقتنع هيه مزوجه لا جاي اقنع اصلا من غير كلشي تكرهنه
بكلشي دماغي واكف ويه هل مره
مثل واحد حاطينه بنص حفره وللمخرج، مستعره بي نار
لا اكدر اكنم هل مشاعر الي جاي تذبحني شلون هيج حبيته ولیش هیچ هایم بیه
ولا اني الي اكدر اعبر عنه.
كل ما في الموضوع احس روحي بوسط نار تاكل بيه
جمره
فهمني انته شنو غايتك
عثمان
خیر شبيكم اصواتك لاخر الدنيا
جمره
تعال شوقه الاخ صاير مدرس
المريم والي فجاة صار حريص عله مستقبله انته شلي بالك
جبل
انتي لشنو جاي تلمحين
عثمان
واضحه جبل انته من شوكت تهتم باحد لا وبنيه ومنو حفيده الشيخ علي
جبل
هسه الي مفروض افهمه شنو
جمره
واضحه جبل نيتك تضحك عله هل بنيه تعلقه بيك ومو بعيد سوي اكثر وتالي تشمره وترجع
منین ماجیت
جبل
ولج شو انتي صايره مدري شلونج لو كلمن يشوف الناس بعين طبعه
عثمان
جبل  احترم نفسك ولا جفص بالحجي وانتبه جاي تحاجي اختك
جبل
هو هذا الي مخبلني اختي اني جمره الي جاي تحجي هيج شايفتني هيج ناقص اضحك عله
طفله
جمره
الي عندي حجيته
عثمان
کولو يا لله وكافي سدو للموضوع كلمن يروح لغرفته
يتبع