جمرة

١٧

مريم
جبل سد تليفون وراح بس اني ماكدرت انام ماعرف ليش بس افكر بي شنو الفلم مادري
اقنع روحي بسالفه جبل مو مثل باقي ولد عمي كاعد يمنه مجبور
هذا اصلا میطیق شوفتنه
مريم اصحي ديري بالج توكعين بحب واحد اصلا مو شايفج وراها صبح الصبح واني مانمت
صليت وضليت بفراشي
جان يرن تليفوني
باوعت هذا جبل
مريم
الو
جبل
صباح الخير شنو بعدج نايمه
مريم
لا كاعده
بس الساعة. ٥ ب صبح
جبل
ادري يله حضري روحج نزلي سويلي جاي وحطي ملازمج وكعدي
ربع ساعه واني يمج
مريم
ماشي
مريم
كمت من فراشي باوعت عله روحي بالمرايه شنو هل كفشه بدلت ملابس مشطت شعري
الشيطان لعب براسي وخليت كحله ومرطب
واخذت ملازمي ونزلت
خليت القوري على طباخ
ادري هسه انته دكتور وعايش باوربا ما عرفت تعوف سالفه الجاي الصبح عراقي وين متخلي يضل عراقي يموت عل جاي
توني كملت نداريت لكيته وراي مرتجي عله باب المطبخ لا يله بس لا سمعني
جبل
يله جيبي الجاي وملازمح وتعاي خلي نكعد عله ميز الطعام الي بالصاله
مريم
ماشي
مريم اخذت الجاي وكتبي وكعد يدرس بيه هو من يدرس يندمج وعله الله اغلط بشي
وكل شويه مذكرني باجر امتحاني
جنه ندرس ومندمجين نزل حسن اخويه سلم وكعد وراها اجتي جمره
كعدو ثنينهم ساكتين
بس من طلع الشيخ علي من غرفته
شفت شبح ابتسامه عله وجه عكس جبل الي انكلبت خلقته وصار حته ويايه عصبي )
ويعاملني بجمود
جمره ضلت تهز برجله وترتني بالزايد
بس من طلع سلطان ضل يسولف ويه الكل حاول يهدي هل جو المتوتر وراها
خلو الریوگ کعد الكل عل ميز الطعام أني لميت الكتب جبل راد یگوم کتله حباب ابقه
هو ضل كاعد بس مثل الي كاعد عله اعصابه اجتي زينب سلمت وراها گلت لجمره
زينب گومي هذا مكاني
جمره
عيدي
ما سمعت
سلطان
زينب تعاي هنانه بله مشاكل
جمره
لا عوفه اريد اشوفه شراح سوي
زينب
بختج جدي كاعد وسلطان جان شوفتج شسوي
جمره
روحي من خلقتي
شيخ علي
كافي خلونه نكعد مثل البشر
جبل
يله جمره
سلطان
اكعد جبل
جبل
اني وهذا ما نكعد بنفس المكان
سلطان
منو شقصدك
جبل
جدك المحترم ولو هو وينه وين الاحترام
مريم
من كال جبل هیچ سلطان ماكدر يسكت ضرب جبل بوكس ركعه بالحايط
وجبل شلون يسكت هم رجع الضربه السلطان
اخر شي الشيخ علي وكع من طوله بنصنه وكله كامت تعيط وصيح
ضل جبل وجمره صافنين
زينب كالتلهم زينب
اذا مات لو صارله شي انتو السبب
جمره
یا ربیت
وراها بعشر دقايق رادو يطلعون جبل وجمره شيخ علي بلش يصحصح كالهم بصوت تعبان
شيخ علي
او گفوا
جبل قط بسبع رواح
سلطان
احترم نفسك لاطيح حظك
شيخ علي
كافي وانته تعال انته واختك
جمره
خيرك
شيخ علي
مستحيل فيصل يزرع هيج حقد وكره بكلوبكم عليه واني ماذكر بحياتي شفتكم انتو شنو
سالفتكم اني اعترف اني غلطان بحق ابوكم من طردته من بيتي وهم غلطان بحق امكم من اجتني
وطردته
جمره امي شوكت اجتك
شيخ علي
شني قصدج بشوكت اجتني
جبل
امي بعمره ماجتك اصلا من يوم الي زوجت ابوي ليوم موتنه هيه بتركيا
الشيخه
لا امكم اجتي صح ماشفناه بس آجت بيومه نزل السايق كال اهل الشيخ فيصل وياي بالسياره
دزهم الشيخ فيصل.
وجدك مارضه تفوت للبيت وكال هل انباريه ماله مكان بيتي
ومن راحت تندم و دز واحد من عمامك وراها بس كال  ردت للمطار وسافرت ومالحك عليه
جبل
الي جان بالسياره مو امي اني وجمره
شيخ علي
شلووون
جمره
مثل ما سمعت
شيخ علي
لا تخبلوني شلون فيصل يدز اطفال وحدهم
جبل
مجبور
الشيخه
شنهي الي جابره وامكم وين ليش ماجت وياكم ليش مانزلتوا ليش سكتو ورديتو
جمره
جان مجبور لان جان بالسجن وبيته مرهون للدوله وانسحب منه واذا عله امي بذاك الوكت
جانت ميته اله اربع سنوات
شيخ علي من عرف بكل هل احداث دفعه وحده انتكست حالته اكثر وكع واخذو للمستشفى لان جمره وجبل ضلوا صافنين ومادخلو رغم ثنينهم أطباء وجراحين متميزين
بس محد اقترب بس بليل جبل كال الجمره
جبل
خلي نروح نشوفه اكو شغلات لازم اعرفه
جمره
من وصلو جبل وجمره للمستشفى جان الشيخ علي بالعنايه المركزه
سلطان من شافتهم. عاط بجمره وكاله
سلطان
انتي شكو طالعه ليكون هسه صار يهمج
جبل
صوتك ليكون نسيته اني اخوهه واكف يمه
سلطان
انته تسكت كل حظ مابيك لو تعرف مصلحته جان ماخليته تطلع
جبل
بالقرآن الزمك هسه امسح بيك المستشفى لاضل شمر بحجيك تخاف عليه اكثر مني
الشيخه
ولكم كافي احنه بيا حال جدكم بين الحياة والموت وانتو تعاركون
جمره
كافي سدو الموضوع
ضل سلطان يروح ويرجع بالصاله لحد ماطلع الدكتور وكال منو جمره وجبل