جمرة

١٥

مريم
جنت كاعده اني وستاذ علي بالحديقه جاي يدرس بيه
طبعا استاذ علي يصير عمي اخو ابويه بس هو بعده شاب بكد سلطان طبعا عمو علي من يكعد يدرسني ميقبل لا اكله علي ولا اكوله عمو لازم استاذ
پس شنو اني مرات اکله استاذ علوش
وهو يخرب ضحك ويسوي اسكتي الحد يسمعج واتروح الهييه جنه كاعدين ومندمجين اني وعمو علي جاي يدرسني
كلي روحي جيبي مي باوعت أني قريبه عله بيت عمو فيصل اقرب من بيت جدي علي
دخلت للمطبخ بدون ما انتبه فتحت الثلاجه اخذت بطل مي
جان اشوف جبل واكف كدامي لابس بجامه وفانيله تعلاكه
وشایل بیده ارکیله و صافن عليه يباوعلي مثل وحده مسويه ذنب جان يكلي
جبل
الج دقيقتين اذا هذا الاستاذ يبقه هنانه افلش راسه وراسج
مريم
شنو
جبل
الحجيته سمعتي
مريم اخذت
المي وطلعت رحت كعدت يم عمي علي وكعد يدرس بيه
هذا جبل اکید شخط دماغه
طبعا اني من يسالني عمو عليه وماعرف اجاوب
يكفخني
صارت ضربت عمو ويه طلعت جبل
اباوع هذا اجه بتجاهي اني عرفت جبل ميدري بي .
قبل ميوصل جبل اجه حسن اخويه كعد يمنه
شفت جبل وكف بمكانه
ههههه ومادري ليش اجتني فكر اخبت
شفته حط كرسيه وكعد يشرب اركيله كدامنه
پس ماعرف ليش خفت من نضراته
هل انسان مصارله سبوعين من اجه بس احسه فرض كل سيطرته عليه وراها عمو علي اجاه تليفون وکال بلیل اکملج هسه عدي شغل وطلع
حسن هم راح على ديوان
اني جاي الم بكتبي سمعت صوت عثمان يكول
عثمان
شلونه امورتنه اليوم
مريم
هلا عثمان الحمد لله جاوبت فووول
عثمان
عاشت ايدج عجل خلي فيزيه هم يدرسج جبل تره الفيزيه لعبته
مريم
صدك والله.
عثمان
يله جيبي ملازمج وتعاي
مريم
والله استحي وخاف هم هو عده شغل
عثمان
عندي الج طريقه تعاي خلي اني اسوي روحي ادرسج وانتي حته اذا تفتهمين سوي روحج كلشي ماكو هو من يمه راح يضوج ويجي يكلج يله خلي ادرسج
مريم
ههههههههه خوش خطه
مريم
صدك اخذت كتبي وملازمي وكعدنه يمه هو يباوع علينه وساكت عثمان يشرحلي للامانه كلشي
ما فهمت آخر شي كتله
مريم
عثمان مجاي افهم راح اروح انام بليل يجي استاذ علي يكملي
عثمان
تمام بكيفج
جبل
تعاي اني ادرسج
مريم
خاف تعبان
جبل
كعدي وسكتي
مريم
يمنه ضل يشرحلي بصمت يعني مو جبل الي مثل كل مره مدري لان عثمان كاعد . يشرح برسميه ويسال اذا فهمت او لا بحيث شرح اول اربع فصول جره وحده باوعت الدنيا ليل واصلا عثمان رايح مانتبهنه غير من جمره جابتلنه لفات وعصير وكالت

جمرة
كافي أخذو استراحه
جبل
اني ماريد
جمره
موكان اليوم هواااي. دخنت
جبل
عادي
جمره
سیلا شلون صارت
جبل
ماكو جديد اصلا اليوم وضعه أسوأ
جمره
الله يشافيه بس هو هذا السرطان شمنتضر لعد
جبل
الله كريم
جمره
هاج انتي الخ اكلي شنو هم ضايجه عله سيلا
مريم
ليش هيه منو سیلا
جمره
مدرسه خاصه مالة جبل
مريم
ههه ليش جبل زغير يدور مدرسه
جبل
طاح حضج شنو تستهزئين حضرتج بعدين جانت مدرستي من ايام الاعدادي وعلاقتي بيه قويه
مره جبیره ماعده لا ولد لا بنيه ومريضه اكيد ماراح اعوفه
مريم
اسفه والله موقصدي يله اني اروح اتعشه
جمره
شنو هاي الفه ما عجبتج
مريم
هه لا والله عاشت ايدج بس سلطان هیچ وقت يرجع للبيت يسبح ويتعشه وميحب ياكل وحده
مريم
عفتهم ورحت لبيت جدي علي بس اني بداخلي فرحه مو طبيعيه عله شنو ليش مادري بحيث
امشي واوزع ابتسامات دخلت صارت الشيخه نجمه بوجهي کالت
الشيخه
عساها دوم هل ضحكه
مريم
فدوه الكلبج جده
الشيخ علي
شلونهم هل مخابيل ولد عمج فيصل
مريم
ههههه والله جدي همه هواي يشبهونه
شيخ علي
شقصدج ولج احنه مخابيل
مريم
لا جدي مو هيج بس عدهم تصرفات مثلثه وهم نفسنه بالشكل
الشيخه
ولد فيصل احله منكم كلكم
سلطان
ي عيني اليوم ولد فيصل وين راحت المسودنه الخبله ام عطوب السود
شیخه
یا سلطان شيخلصنه من السانك هسه هیه ضل مسودنه بس امانه الله حلوه  وهذا جبل تكول
جده علي بشبابه
سلطان
اهاااااا جده علي عود شني يعني شوفو رجلي حلو تره ابوه حلو وجن امه هم حلوه
شيخ علي
جبل هواااي يشبهني اصلا نسخه مني من جنت شاب
الشيخه
هل جبل اليوم حسيته مهموم والعصريه كله اني اراقبه من شباك غرفتي
مریم
جده هاي مره جبيره جانت مدرسته و هم مربيته وهيه خطيه ماعده لا ولد ولا بنت
وهسه مريضه حیل بیه سرطان
شیخه
الله يحمينه ويبعد كل مرض عنه امين يارب
شيخ علي
الله يشافيه
سلطان
شنی ست مریم صايره ربع انتي ولد عمي
مريم
شعبالك لعد جبل يدرسني وجمره جيبلي اكل وعصير ههههه همه يحبوني عبني شيخ علي مو
جدي ابو ابوي
ههههه مايدرون اني احب جدي علي اكثر من امي وابوي
شيخ علي
طاح حضج جدي عله هل سالفه
مريم
والله جدي همه يحبوني جي اني مو حفيدتك بس يله همه خوش ناس واني هم احبهم والله
حته رجل جمره ورده مال الله وحيل يحب جمره شلون يعامله تكول بته مو مرته ولا عبالك
هيه جنه وحش تاكل بشر
سلطان
هسه تمدحین ذمین
مريم
لا اني احبهم. شني غير ولد عمي بعدين همه مو مثل ماویانه
شیخه
شلون يعني
مريم
طيبين بينهم حب وموده تحس عثمان وجبل حراس عله جمره ومادري شبيه او صاير شي وياها قبل لان حيل يهتمون للكلام اذا حجو وياها او تناقشو بالذات جبل هواي يصفن بيه
ويتنهد
سلطان
مريم تحجي عنه واني ماريده تسكت اريده سولف بعد اكثر اريد اعرف هل جمره شني مني
شلي صاير وياها
بعدين صحيت عله روحي وصفنت شبيك سلطان كافي حرااام عليك تباوع لعرض غيرك
وراها صعدت سبحت وبدلت وحته ماتعشيت
وراه علي اجه يدرس مريم حضرته من عده أمتحان ماتوصل بيت اهله
لذالك خطيه يجي علينه يدرسه
اني سلمت وعفتهم كاعدين بالصاله يدرسون
توجهت للبستان كعدت بنهايته
سمعت حركه قريبه مني وصوت واحد يحجي بالتليفون. صرت وره الشجره
شفته جبل
جبل
بعد ماستحمل يا به خلي اخذه ونروح للانبار تره خالي اليوم خمس مرات اتصل عليه يكول
تعالو خلي ونشوفكم
.. دسمعني نروح خطار هم اخلص الاجازه يمهم وهم هل كم شهر تخلصهن هناك على اقل
جديتي يمه خالاتي
... يا به اذا ارجع اني وعثمان هاي بس لوحده تموته
غيرهاي مريم اخت سلطان ماتحجي ويه بشر وهاي البنيه هسه عده امتحانات ويم اخوته
بعد يومين تخلص امتحانات وترجع لبيت اهله شلون بيه اعوفه وحده.
...... يا به بس افهمني شلون اخليه ويه ناس راح كل ماشوفهم كل ماتسمع صوتهم. تذكر الماضي
... اوووف الحمد لله يابه الحمد لله بس جيب الي يقنعه ماضي وراح ولازم تكمل وتنسه
ها هیه یا به بستره يجوز اني قبل ماتخلص الاجازه الم غراضي وارجع ماكدر بعد وجهه كل ماشوفه ايزيد حقدي وكرهي ذره حنین ماعده تجاهنه ذره شعور بالذنب مشوف بعيونه ماريد شي منه ماريد بس تحز بنفسي اني حالي حال محمد وحسن ورافد حالي حال سلطان
وغيره شمعنه همه وجه وصدر ديوان عده احفاده الي خط احمر
واني خسران اغله شي عندي بسببه
هاهیه هاهيه حجي اني هواي جاي اتاذه بقائي بهل بيت اروح اشوف خوالي اودع جديتي
وارجع لستراليا
شنو القضيه زعطوط وماسيطر عله روحي مولهل درجه تره شي بسيط
لا
ي شسوي غير حضي مصخم يله الحمد لله
سلطان
جبل عرفته جاي يحجي ويه ابوه بس حسيت بكميه الالم الي بداخله تمنيت اكدر اسوي شي
يخفف عنه
بس جنت مثل الي مربطين ادینه و ورجلينه هو جان يتنفس مثل الي ياخذ النفس بعركه.
وراها رجع للبيت اني ضليت ساعتين مدري اکثر
من رجعت شفت علي واكف هو ومريم جن : کملت
وصلت يمه
سلطان
هاي ابو حسين شلونه مريومه
علي
طالعه عله عمه استاذ فيزيه
سلطان
ياااا الله كون ميه
وراها صعدت الغرفتي ومريم هم راحت لغرفته الي بيتنه
اول ماحطيت راسي عل مخده اجتي جمره بالي. عطره احسه مچلب بخشمي
نهضت بسرعه اريد اطلع اسوي اركيله جنه اليوم ماكو نوم
اول ماطلعت من باب الغرفه صارت بوجهي استغربت شسوي هنانه
سلطان
جمره شعدج بهل وكت هنانه
جمره
ليش المفروض اخذ اذنك شوكت اروح شوكت اجي
سلطان
اوووو جمره مالي خلكج ولا خلك معارك بنص اليل
جمره
علساس اني الي خلك
سلطان
مستحيل
جمره
هاااا شنو الي مستحيل
سلطان
مالج خلك مشاكل
جمره
ههههههههه عوفني سلطان خلي اخذ كم غرض اريد أروح للفندق
سلطان
فندق شسوين
جمره
سبلت مال الغرفه عطل ومال الاستقبال موكلش تبريده اليوم نام بالفندق وباجر اشوف شسوي
سلطان
انتي هاي غرفتج وسبلته مابي شي وجبل وعثمان يكعدون بغرفه حسن القديمه سبلته فول
پروده
جمره
مراح يقبلون يبقون هنانه وجبل بي مجال بس عثمان رجال يعتبر غريب بالنسبه لاهل هل بيت
مراح يقبل يبقه واصلا حجز بالفندق
سلطان
ماشي خلي عثمان يبات بالمضيف يضل خطارنه زحمه يبات بالفندق
جمره
تره عثمان راح بس اني وجبل بعدنه
سلطان
ي خلص لعد انتي فوتي لغرفتج واني رايح اجيب جبل
جمره
مراح يقبل
سلطان
فوتي نامي معليج انتي وبكل الاحوال انتي مطلعين حته لو راح جبل وعثمان، لازم ضلين قريبه
مني ماعرف شيصير ميصير لاعبالج صار سبوع هدوء يعني خلص انتهت السالفه
..... يتبع
لا تنسون التصويت