جمرة

٤٩

جمعه مباركه ايها القوم. وان شاء الله عطله نهايه الاسبوع سعيده

ويارب البارت يعجبكم ويرضيكم
لاتنسون التصويت والمتابعه للحساب
Z.r.k99 حساب الانستقرام

المغرب يريد انكتل
مافضت بخنگة
مو مثلك انت الحلو
وحليان بالفرگة
وچان انسحابك مثل
"محبس صغير انسحب
من ايد محترگة".

سلطان
شنو الي صار. بالمخزن ويه جمره وجبل وشيخ محمد اله دخل بي وخله جدي من يعرف يدخل للعنايه المركزه ماعرف
التهيت بجدي
وعمي الي ضغطه معلگ
جنت كاعد بالممر انتضر رحمه الله وعمي كاظم
يفتر فوك راسي وباقي عمامي. خبصو الامه
وبين كل هل هوسه دخلت جمره لا وشلون دخله لابسه جنز اسود لاطش عليه
والتشيرت يلبس بعد عشره وياها ومن كد ماخفيف الملابس الي جواه مبينه
عقل ماضل براسي واني اشوفه بهل شكل كدامي
رجعت جمره القديمه بنسخه اسوء
اريد اگومً اشرب دمه
واني اشوفه تحجي ويه عمي فيصل والطبيب المختص بجدي
عمامي احسهم يردون يشربون دمه وحقهم بعيد عن كلشي احنه ناس معروفه والنه سمعته وصورتنه بين العالم.
منو يصدك او يعقل هاي وحده. من بنات. الشيخ علي

وراها بيومين. طلع جدي للبيت رغم جان مصر.
نودي لبيت  اخو شيخ محمد بس. عمي فيصل ماقبل.
جانت جمره تراقب وضعه هيه وعمي فيصل
انتبهت لشغله جان كل مايشوف جمره. لو تنزل دمعته لو يحضنه ومدري شيهمس باذنه
وضعه جان تعبان. كلش مايتحمل اي شي مجرد ضوجه بسيطه ويروح بيه
جنت كاعد يم راسه 
كال للكل يطلع. ويريد يبقه وياي وحده.
رغم عمي فيصل ما قبل بس هو اصر وكله ماتدخل
طلعوا كلهم
توه يريد يحجي ودخلت زينب. ركعت يم رجله وكالت

زينب
جدي ابوس ايدك شتريد اسوي اسوي. بس لا تخلي ابوي ينطيني لهذا صاحبه
جدي الي تكوله اني حاضره انفذه بس لا تخلي يزوجني لواحد بكبره بس علمود منصب وفلوس
شيخ علي
جدي ستهدي بالرحمن شنو هيته هيه ينطيج انتي غاليتي وعزيزه گلبي احط طلقه براسه وماخلي ينطيج وانتي ماراضيه

جدي جان. يحجي وياها ويقنع بيه. انو هل هلع والخوف ماله داعي
دخل عمي كاظم وهو ماخذ قراره ويكله

كاظم
يابه لازغرني واني جبير گومي انطيت كلمه للرجال المره الك شنو زعطوط ارد هسه بكلامي
شيخ علي
الي يصرف هيج تصرف ويشمر بنته هيج شمره هذا يسمونه زعطوط

ورها اجتي مرة عمي كاظم والي صدمني صافه ويه عمي ولاعبالك هاي بنته 
صدمتني من كالت

ام زينب
منو ياخذ لعد شيخ خلي الله بين عيونك كل العرب جانت تدري َزينب لسلطان. محد يطلبه اصلا
وهسه هذا خوش قسمه وزلمه مهيوب ويناسبنه. شنو عذره وترفض
كاظم
يابه انطيت كلمه للعالم وكل عذر ماعندي ارفض شكله هيج راح يعتبره اهانه وراح يحاربني بشغلي
شيخ علي
كله محجوزه لابن عمه
كاظم
يابه يا ابن عمً هذا
شيخ علي
كلهم هاي خطيبه شيخ سلطان وسد سالفه