جمرة

٢١

كل شيء متعب
حتى السماء تغيرت ... فأصبحت لا تستجيب .
حتى أغنيتي المفضله .
فأنني أصبحث لا أرتاح عند سماعها ..
كل شي تغير
وكل شي متعب ......
حتى الناس تغيرو .
فأنني لا أعرفهم جميعاً .
والأصعب من ذلك
فقد تغيرت حبيبتي ..
أصبحت تجرحني .
وبعدها تذهب إلى النوم ....
هنيئاً لعيناك .
وكل اللعنه على قلبي وعلى عيناي ...
...
سلطان
ما عرف ليش من تضحك احس كوني يضحك وياها رغم كلشي بيني وبينه من سابع
المستحيلات
پس هل مره مدري شبيه احس كلبي يضحك ويه ضحكته
صدك نمنه وكعدت الصبح لكيته عود هيه مبدله ومجهزه روحه
كتله
سلطان
جمره غيري ملابسج
جمره
شوف سلطان لا عبالك ذيج المره غيرت ملابسي لان ماردت افوت روحه وتوديع جبل وعثمان
پس هسه .......
سلطان
هوووووب هووووب الاماكن الي راح نروح اله اعتقد تعرفين ميدخلونج بهیج لبس
جمره
يعني شسوي مثلا
سلطان
هسه عادي نطلع اني وياج نروح لسوك الكاضميه نشتري كم قطعه نخلص بيه هل يومين
جمره
تمام يله
اخذته ورحنه صدك السوك الكاظم بس اني عله اعصابي كل شويه اريد اتعارك ويه واحد
دخلت اني وياها لمحل مال عبي
اشتريتله عبايه وحجاب
هيه صافنه تباوع عليه
كتله
سلطان
فوتي البسيهم بغرفه التبديل
جمره شكو فايته بغرفه التبديل تره البسهم فوك ملابس مو جواهم
الحقيره حرجتني كدام ابو المحل
لبست العبايه فوك ملابسه وخلت الحجاب مدري شلون كتله
سلطان
تعاي شو هو هيج يلبس
جمره
تره اعرف البسه
سلطان
ي ادري بس حبيت اساعدج
لبسته الحجاب وهيه ماعجبه تكلي خنكتني ورتبت عبايته وضليت صافن بيه جان تکول
جمره
خير شبيك صافن بوجهي شهل نضرات
سلطان
ولج والله طلعتي احلا
جمره
شو وخر خلي اشوف
وكفت كدام المرايه وصلت صافنه بعدين كالت
جمره
پله نروح
سلطان
ي خلي ندخل انزور
دخلنه الحضره تفقت وياها عله مكان حته من تطلع انتضره بيه وصدك من طلعت ضليت انتضره عشر دقايق واجتي اخذته
فترينه بالسوك جان تسالني
جمره
سلطان وين يبيعون هاي سوالف المحابس الرجاليه الفضه الي بيه احجار اريد اصليه مو كلاوات
سلطان
من نروح للنجف ذكريني اهنا که اضبط
جمره
تمام بس خلي اخذ هذا السلسال لجبل يحب هل سوالف
سلطان
ابد ما شفته لابس شي بركبته
جمره
يحب يجمع ميلبس.
وراها اخذته لمكان بالكاضميه اسمه عبسلي عله دجله مكان هادئ رغم هيه ماحبته اتغدينه بي وطلعته على محيط
واخر شي توجهنه للحله
بذاك اليوم حسستني عده جوله على مراقد المقدسه. زارت السيدة شريفه وكم مرقد ثاني
وطلعته لكربلاء بحيث وصلت كربله ساعه اربعه العصر.
كتله بعد خطوه وحده مابيه اخطي
خلي نام بالفندق وبليل نروح نزور كربلاء بليل احلا
هیه
سكنت
مدري شعجب
اخذته رحنه للفندق حجزت سویت غرفتين نوم وصاله ومطبخ اني اول مدخلت سبحت ونمت  حته مادري شصار ما صار ميت تعب
كعدت عله صوته
جمره
تره ساعه تسعه جايبتك تنام
سلطان
والله نسيت اني المرشد السياحي مال حضرتج
جمره
انته الي دكيت صدرك وكلت اوديج مو اني جبرتك
سلطان
ماشي ماشي لا تاخذيني بالسانج بدلي خلي نطلع
بين ماتي بدلت لكيته مبدله واكفه بالباب خربهاي الي جنت اكول مختلفه ثاري كل النسوان
بشغله. السيابه يشتبهن

اخذته ورحنه للمدينه حسيت عيونه تابهه وکانه تريد اشوف كل شبر بهل مدینه تحفظ تفاصيل كل متر
من زرنه الامام العباس وتوجهه للامام الحسين
جنه بین الحرمین نتمشه حسیت اید لزمت ايدي باوعت منو هذا الي لزمني شفته هيه عيونه على حضره بس ایده لازمتني
حست بستغرابي كالت ) المكان هوسه ونسيت تليفوني بالفندق اذا تبهك بعد ما ندلك)
رغم الي جاي اسوي غلط وبالذات بهيج مكان هيه محتمیه بیه مامنه بیه اني ضغطت عله ايده. اكدد اله وجودي
بس بداخلي غير شي
رفعت راسي الامام الحسين وكتله ( موالي خلصني من هل بلوه وهل عذاب  بجاهك  عد ربك )
هل مره مرحمه عليه واني مشاعري تجاهه ماتبرد وكل ماجاله زيد ما تنقص
زرنه الامام وصلينه ورجعته للفندق
لان ماقبلت نتعشه بره رغم صارت ساعه ۱۲ ونص واحنه نفتر بالسوك
كالت لا بالفندق ناكل
اشترت هواي شغلات حته ستغربت من اخذت مداليه لمريم مجنت مصور مريم
صح صالحنه وصرنه طبيعي ولد عم بس ماصورت هیچ علاقتهم من رجعنه للفندق

اني رحت للمطبخ اخلي الاكل لان متتت جوع هيه كالت ابدل واجي
طلعت الاكل رتبته وخليت قطعه طرشي بحلكي
ودخلت عليه هاي شلابسه تراك برموده والتشيرت كيمونه مطلع من صدره اكثر ما ساتر
استغفر الله ربي وين انطي وجهي
خو
قطعه الطرشي وكفت بلعومي لا ترضه تنبلع ولا ترضه تطلع هيه ولا يمي كعدت على ميز
اني شربت مي وكعدت يمه اكل بس شنو ما رفعت عيني عليه وكله ساكت
بس اريد اخلص اكل شنو هاي ماتحس اکو بشر كاعد وياها مو وحده بابا اني رجال اعتبر غريب عليه ماتخاف
الشيطان يغويني
ما عولت اخلص اكل لان هيه تصلت عله ابوهه تحجي وياه كتله سلميلي عليه وكمت
بوجهي للحمام سبحت بمي بارد ثلج واريد النار البيه نطفه ماكو.
نمت واني نفس الحلم نفس الكابوس انام وكعد نفس الحلم
هيه بحضني هل حلم راح يجنني
صرت اتمنه تخلص هل سنه وترجع لبيتهم. وراها كعدت من الصبح حته بنومتي ماتهنيت
دكيت الباب كعدت فتحتلي الباب الله ليشوفكم شكله اول متكعد من النوم جنه العافيه
شفايف منفرخه تكل للواحد هاي اني تعال بوسني وعيون نعسانه
كتله
سلطان
صباح الخير
جمره
صباحو شنو شايفني بالحلم
سلطان
طريق النجف طويل ولا زم نرجع للبيت
جمره
والله بعدتي نعسانه عوفني انام شويه وكعدني بس ساعتين
سلطان
ساعتين شويه
جمره
هسه انته ما تعبان صارلك اربع ايام سوق ارتاح شويه روح نام واني اكعدك وروح امي
سلطان
ماشي
عفته ورجعت لغرفتي الصراحه هل مخلوقه ماكدر ارفضله طلب
يتبع

حبابين لتنسون تابعون حساب الواتباد مالتي
وحساب الانستغرام z.r.k99