جمرة

59

يا صاحبتها يالوصلتي أدارها
احچيلي عنها شلونها وشخبارها
شدار الكلام البينچ وما بينها؟
وشچانت تگلچ بنظرة عينها؟
وشگالت وما گالت من اسرارها؟
يا صاحبتها عيوني ما ينسنها
خليني اشوف عيونچ الشافنها
انطيني ايديچ اللامسن چفينها
لمساتها الظلت بچفچ وينها
محتاجهن بلكن يطفن ناري

مريم
نضرات عيون جبل. الي جانت اقوة من الرصاص تقتل اكثر من الرصاص
بين هوسه الكل اني جنت اشوف العتب والقهر الي بعيونه
وهو يشوف اخته صارت مثل الصنم وهو تسمع هل امور الي عاشت جحيم بيومه
قبل بيوم جان جبل يحجيلي شكدً عانت. وشگد انضلمت
جان يكلي وصلت المرحله. رادت تقتل نفسه
جان يوصفلي الجحيم الي عاشو وهو شايله بين اليده والدم بطوله مأخذه للمستشفى وكل ضنه هيه ميته
ولا شنو شعوره من عرفت هيه حامل وقررت تقتل نفسه
وشلون ام عمار ساعدته حته تتخلص من هل جرم الي صار وياها
بس كلام زينب الي جانت تكوله
جنت احسه بلش يرسل شحنات كهربائية لجبل الى ان كالت. ( ي حضره الشريفه. كلينه ابن الزنه صدك نزلتي قبل ما يكبر لو هسه موجود )
هاي الكلمه سمعته باذني وشفت جبل الي رفع سلاحه بعيوني
محمود ركض راد يضربه يحاول يسكته ومبين من رد فعله هو يعرف بالسالفه
سلطان جانت عيوونه عله جمره وماعرفت لهاي لحضه افسر نضراته
عرفت جبل راح يقتل زينب ويروح بيه
شمرت نفسي كدامه
ممكن اوصل للمستشفى عايشه واكول هو ما قتلني واخلصه وخلي وراها يصير الي يصير
بس مستحيل اخلي يقتله ويروح بيه
من وكعت. كدامه واني احس. روحي غابت مني وشي حار بده بنزل من جتفي
لحد اخر لحضه جنت اريد. نضرة العتب الي بعيونه تروح
بس ماراحت انضافتله خوف ورعب
جنت اباوع بعيوني عل كل محمود الي دفع زينب واجاني طاير. شالني بحضنه وهو يصيح بجبل هاي شسويت
جديتي الي صارت دگ عله راسه وتلطم
عمي فيصلي الي دخل مثل الاعصار
شيخ علي الي اجه يگوم ويوكع بعد ما سمع صوت الطلقه والهوسه الي صارت بجي ولطم
جمره الي احسه تريد توصلي بس ماتكدر تتحرك
جبل وسلطان الي طلعت من البيت وهمه عله نفس وضعهم مثل الصنم صدمتهم ماعرفو يطلعون منها
دعيت ربي بكل ما املك انو اوصل عايشه
دخلت للطوارئ نخبصو بيه جنت اسمع واشوف الكل بس اريد اشوفه ماشفته جانو يسعفون بيه
لبين مادخل للعمليات. اخذو افادتي
كتلهم ( طلعنه اني وزوجي نصيد واجيت العب بالمسدس عبالي فارغ وضربت روحي )
سجل الافاده ومبين من عيونه مستحيل يصدك هاي الجذبه بس سجله
اخر شي شفته جمره قبل مافقد الوعي. وهيه ساكته بس حسيت بدفو لمسه ايده
فتحت عيوني بعد ماعرف شگد. جانت امي يم راسي هيه وابويه
بس ماشفت اخوتي
ماشفت احد من بيت شيخ علي
مرن اول يوم وماجرأت اسال
وينه جبل
وين اخوتي وين جمره
ماجرأ ت
دموع امي الي مانشفت وهيه تهمس اني السبب
وضع ابويه الي مبين عليه التعب والخوف والقلل
وهو يمسح عله راسي وكل شويه بايس ايدي ويكلي ( يا روح ابوج تالي صرتي غنيمه حرب )
ندكت الباب ودخل ضابط
ورجع سالني نفس الاساله وطلع
وره تقريبا اكثر من خمس ساعات. صارت هوسه. واسمع صوت جبل رج المكان.
دفر الباب ودخل اكو زراگ جوه عيونه
وگطن بخشمه
وايده ملفوفه
دخل بابا راد يطلعه  سحبو ولا محمود ورائد.