جمرة

٣١

نفس المشكلة
جاي احس تتكرر
وحالچ حالهن
دنيتي المكتر
چنت عنچ بعيد
وچنتي تتمنين
يرخة گبالچ المنغَر
بديتي وياي مهتمة
ركضتي لبشر
متعرفين بس اسمة ،
واحد منعزل
عن كل بنات الناس
والحلوات متهمة
ولحيتي عليَّ
حد ما عطفت عليچ
ودنيتچ من الزحمة

تابعو حساب الانستا z.r.k99
تابعو حساب الكتابه وعلقو عله ريلز اليوم يعني انطوني وايكم بالبارت z_.r.k99

سلطان
اني مو خاين بس احس بشعور الخيانه
طيفه الي جان ساكن احلامي هجرني
صرت اتمنى المحه حته لو حلم
شنو البيه وهيج عاشگه
ابد مو ثوبي ابد مو طبعي ابد مو طينتني
وزيد بقهر گلبي واذكره هيه ملك رجال ثاني
البنيه الي خطبوهه الي اي عيب مابيه ليش هيج ماطايقه مادري زين هسه شنو ذنبه
كل يوم رگعدً اصبح نيتي واضحه اترك هاي البنيه بس ماكدر اخالف جديتي الي خلصت عمره تربي بينه لحد ماكبرنه وصرنه زلم امنيته بالحياة شوفني عريس
وحتى اكون اكثر صدق بعد ما تاكدت من شكوكه وانو اني فعلا احب جمره شنت بدال الحرب عشره
واني صرت حته استحي احط عيني بعينه
كاعد بغرفتي وصورة جمره بيدي
اذكر الماضي ويه جمره جنت بحرب بعمره ماعملتني بشي يخلي گلبي يرف عليه
واني هايم عاشك كاتلني الشوك اله
وهاي خطيبتي تحير شسوي اشوفه اشلون تهيم بعيوني من شوفني مبين عليه الحب والاعجاب
واني مكابل هل جمره الي تسعر بصدري
اااااااوفً يا جمره غيرج دللوني وروحي ضلت بيج
جنت حاط تليفوني واگلب بصوره جنت ماخذله بتليفوني صور يمكن بكل حالاته مره ضاحكه مره. مليانه غضب مره هادئه مره صافنه
چنت اتامل تفاصيله
من وصلتني منه رساله

جمره
(( الف مبروك ))
شفته ومارديت ال الالف مبروك مالته مثل طلقه موووت

وراها نزلت جوه. واني اشوف جدي مكابل مريم وكاعد ودينه ترجف من اتقربت سمعت صوت عمي فيصل الطالع من التليفون وهو يگول

فيصل
الو هلا عمو مريومه
شيخ علي
هلا بيك يالكاسر ضهر ابوك
فيصل
شيخ علي ؟؟؟؟؟
شيخ علي
ييييي يتعب اسنيني ابوك  چن كلبك صخر ماحن ولا هزهه شي
لچن كلبي مايحمل بعد فراكك

جدي جان من يحجي دمعته تنزل ويمسحه  وصوته مخنوك وبي رجفه 
وعمي فيصل صوت انفاسه واصل ليمي
صدمني جدي من كال لعمي

شيخ علي
الجبل مالك وين يفيصل

سمعت صوت جبل من رد عليه وكال

جبل
اسمعك جدي
شيخ علي
عندك امانه يمي  جنك نسيت تاخذه
جبل
انه مانسه شي جدي بس اذكر. اخر مره اجيتك رديتني
شيخ علي
مارديتك ردتك تردلي ابوك. بس هسه كافي وانه جدك
حضر روحك وتعال نروح اني وياك نخطبه جن هذا جده طايح الحض يريد يزوجه

جبل من سمع جدي حجه هيج عاف كلشي وكام يهدد. شنو ينطيه واحط طلقه براسه وراس الي ياخذه
واصبرلي بس افيز واجي واله انعل بهاتهم
صدمني شلون محروك دمه واني كل ضني بعد هل سنه نساها
جدي ابتسم ودعهم وباوع عله مريم الي كالت