( كثير طلبو اني اكمل الروايه واتباد وانا حاطه في راسي مارح اكملها وبستمر ع الانستاء ف عشانكم بكملها )
لفو عقاب وقايد يناظرون بعض بتوتر ورجعو ناظرو نياف وتكلم قايد : لا
رزان : وليه ؟
نياف : يمه انا مابي اعرس الحين
رزان بعصبيه : وليه انت بعد البنت تهبل ماتنتفوت
قايد بعصبيه: بس قلت لا يعني لا
شيخه ناظرت رزان : الله يهديتس البنت مخطوبه اصبعها فيه دبله
قايد ناظرهم بصدمه وتكلمت رزان بعصبيه : ماهيب بلاقيه احسن من ولدي
عقاب بعصبيه : بس الصوت
نياف : انا ماني براضي
قايد : ولا كلنا
رزان : ابفرح في ولدي وش فيكم علي انتم
قايد : دوري وحده ثانيه هاذي ماتصلح
رزان تخصرت تناظرهم وقالت الجده سلمى : البنت صحيح حليوه وش زينها بس ماهي بمناسبه نياف ومثل ماقالت شيخه فيها دبله
رزان عصبت وناظرت قايد الي وقف وهو معصب وقالت : وليه ماتصلح لايكون حاط عينك عليها
ناظرها قايد بعصبيه وتكلم وهو راص على سنونه : البنت تطلع من راستس ولاعاد تفكرين فيها مفهوم
سكتت رزان تناظرهم وتعداء قايد يطلع لبيته
وتكلمت رزان بهمس ل نياف : بتقر وتروح معي نخطبها لك
مسك راسه نياف وقال عقاب : ماتفهمين شكلتس
ناظرهم نياف ووقف يطلع مع العيال
وتكلم عقاب : لاتطولون
وقف يدخل بيته والكل قامو يدخلون ماعداء ذيب وصقر الي تسدحو يناظرون السماء والنجوم
ولف صقر على ذيب : ماودك نهج ؟
لف ذيب عليه وابتسم : في البال بس الشايب
صقر بابتسامه : معليك جدتك تهجده
ذيب : وين ؟
صقر جلس وطلع محفضته يطلع الفلوس الي معه
وقابله ذيب بنفس الطريقه يطلع محفضته
صقر : معي ٥٠٠ كم معك ؟
ذيب ضحك : فايدت التوصيلات ٢٠٠٠
صقر ناظر فلوسه : هذي حقت شهر
هز راسه ذيب وناظر حولينه وناظر صقر : الشايب الي عزمه ابوي تاجر وصلت له قعود وعطاني ١٠٠٠
صقر ناظره بذهول : عطاك !!
ذيب : تعتبر منه بس الي عطاني البنت
صقر ابتسم يرقص : اهم شي فيه فايده
ابتسم ذيب : من حضك جدولي فاضي هالايام
صقر ضحك يضرب رجله : فداي بس قم
ذيب ضحك يقوم معه وطلعو يمشون مع بعض ولفو من شافو ريم تمشي باخوها ويسولفون
لف عليهم ضاحي ورفع يده : مساء الخير
صقر وذيب : مساء النور
ضاحي : رايحين للدكه ؟
هزو روسهم ب ايه وقال صقر : تروح معنا ؟
هز راسه ضاحي ولف على ريم الي تكلمت : طيب انتبهوله انا برجع
هزو روسهم ومشت ريم راجعه لبيتهم وصقر تقدم يمشي ب ضاحي ووقف من تكلم ضاحي : دقيقه بس .... ولف يناظر ريم وهي تمشي لين دخلت بيتهم وتطمن وابتسم يناظر العيال الي مستغربين ولفو يكملون طريقهم ولف ذيب على ضاحي : عسى ماشر
ناظره ضاحي وسكت ووقف صقر وتقدم يجلس على ركبه قدام ضاحي وذيب بالمثل وتكلم صقر : وش فيك متوتر ؟
ضاحي ابتسم: ولا شي
ذيب : ضاحي حنى ربعك واهلك تكلم وش فيه ليه توترت يوم اختك راحت لحالها ؟
ضاحي سكت يناظرهم شوي ورفع صقر كفه يحطها على كف ضاحي وتكلم : فيه شي ماندري عنه ؟
بلع ريقه يناظرهم مصرين ونزل نظره وتكلم : الصبح جو عمامي وابوي معهم
عقدو حواجبهم يناظرونه وسكت ولف ذيب على صقر ورجع تكلم : ليه جو ؟
رفع نظره عليهم وكمل : بياخذون ريم معهم
فتحو عيونهم بوسع يناظرونه بصدمه وناظرو بعض وكمل ضاحي : بس اذا رفضت بيخطفونها
ناظرهم بعيون تدمع : محد شايلنا ومصبرنا على هالعيشه الى ريم حتى امي يجون ويهددون انهم بيحرقون البيت وحنا نيام واذا ماطلعت برضاها بتطلع بخطف
ناظروه من نزلت دموعه ورفع كفه ذيب يمسح دموعه وتكلم : ماحد بمفرقكم وكلنا بنوقف معكم لاتخاف وتشيل هم
وكمل : احد يدري انهم جو ؟
ضاحي هز راسه : لا جو في وقت ماحد فيه
صقر : معليك ان شاء الله ماصاير شي بس طول بالك وحنا نتصرف
ضاحي رفع يدينه يمسح دموعه واخذ نفس وتكلم : ريم ماتدري عنهم وعن تهديدهم بس انا وامي
لف ذيب يناظر صقر وصقر بالمثل وهم عارفين وصاخة ابوه واخوانه وكيف انهم سمعتهم ماهي زينه والحرام عندهم حلال
لفو يناظرون ضاحي وتقدم ذيب يدفه ويكملون طريقهم
وصلو الدكه وكانو العيال يصفقون وراضي ماسك العود هو وظافر يغنون ودخلو يجلسون معهم وكملو راضي و ظافر بصوت واحد :
لا لا لا تضايقون التـرف لاتضايقونـه
لالا خلوه يجني من حياتـه ثمرهـا
لالا وحرام من عقب الرضى تزعلونه
لالا شوفوا عيونه كثر نوحه دمرها
لالا أغليه لو كل المـلا يرخصونـه
لالا لاحل في دنيا غرامي عمرهـا
لالا ماتفهمون الحـب ماتفهمونـه
لالا فوق الخيال وعنكم الله سترها
وقفو من انكب بريق الشاهي على النار وصرخ ريان : وووررعع
سيف الي كان يرقص في النص وهو مغمض ويتمايل مع اصواتهم وقف بخرشه من صرخة ريان وناظر النار الي دخنت ومسك راسه
وضحكو العيال وقال ظافر : انا والله عارف تلويك مايجيب خير
سيف جلس ياخذ البريق وتكلم نياف : اسسسسللللممم انكب كله
صالح : لا نصه
صقر تقدم ياخذ البريق يشوفه : كله راح باقي بس الورق
ريان وهو يناظر سيف : اكله يالله
سيف بعصبيه : ياخي شفيك قبيت علي كله عشان شاهي نسد فمك بواحد ثاني الحين
ريان سكت يناظره وتأفف سيف
وتقدم ذيب يرجع يشب النار وسيف رجع يسوي شاهي
وتكلم راضي ل ضاحي : وش اخبارك
ابتسم يهز راسه : الحمدالله
ريان : ماجيت على العشاء عندهم
ضاحي : لا والله تعبان ونمت
ظافر : اشوف سيارات اولا عند بيتكم احد جاي ؟
لفو يناظرونه ولف صقر على ذيب ورجعو يناظرون ضاحي وتكلم صقر : يمكن عند جيرانه
ظافر رفع كتوفه : مدري انا طلعت للدكان اقضي الا واشوف السيارات قدامي
لفو من تكلم ريان : ابوك كيف طاح على التاجر هذا ؟
رفع كتوفه ذيب : تقابل هو وابوي وارتاح له وعزمه بمناسبة فوزه
ظافر تنهد : اهه يعيال حلم حياتي اركب سيارته مرسيدس
صالح بضحكه : كان رحت له قبل يمشي وركبت
ظافر : استحيت ومعه بنته بعد شكلها كاش نفسه
راضي مسح وجهة: اما البنت صاروخ بس الغريب ماتغطت وجها كاشف
لفو يناظرونه العيال وتكلم ريان : ماضنتي لوه ابوها صفقها وخلاها تتغطى
ذيب : الشايب الي معها جدها
ناظروه وتكلم صقر : الي عرفوه اهلنا ان البنت يتيمه وعايشه مع جدها
جلال باندفاع : العن جدها معه المزيونه هاذي ومخليها كاشفه
ضحكو العيال من اندفاعه وتكلم نياف : اسكت فشلتنا
ظافر : ابك امنه شيفه وهذا هي متغطيه
سيف : بالله انت تقارن امنه بهذي
ريان : امنه بكبرها ماتجي عند ظفر هالمزيونه
راكان بضحكه : مادرت عنكم مدحتوها ولا سبيتوها
جلال : ياليتها تجي مره ثانيه
راضي : ورع ارفع علومك
نياف : ان جت بتجي مع سواقهم المعضل
صالح ضحك : ورحلها صدقني بيشوتك باصبعه
ضحكو وتكلم ضاحي : والله حرام عليكم خلاص البنت راحت اتركوها
ذيب : انتم خليتو الشايب وركزتو في البنت
جلال : تقهر نعنبو حيها
لفو عليها العيال يضحكون وجلال يناظر النار ويفكر
..................................
صحت مفجوعه على صوت الاسعاف طلعت من جناحها تركض وتنزل من السلالم وتترك الاصنصير وقفت من شافت خالها مشاري وخالتها عذبه واقفين وماسكين روسهم تقدمت تناظرهم بخوف ولفو عليها وتكلمت : من الي طلع بالاسعاف ؟
ناظرتها عذبه بحزن وتقدمت تحضنها وتمسح على ظهرها : ارتاحي ياروحي مافيه شي يخوف
العنود بعدت تناظرهم بعيون تدمع من طراء في بالها وقت وفاة جدتها والاسعاف من اخذها وهزت راسها وهي ترجف بعيون تدمع : تكفين قولي جدي فيه شي ؟
عذبه هزت راسها : لا ياروحي بس دوخه بسيطه وبيرجع
العنود هزت راسها : بروح معاه ماقدر
مشاري تقدم يناظرها بحزن وحضنها : شوفينا ماتوترنا عشان عارفين مافيه شي خطير خلاص لاتبكين
العنود : بروح له مارح اتركه
بعدت العنود تركض لجناحها واخذت عباتها وطرحتها ونزلت بسرعه وطلعت وكانو واقفين عن السياره وتقدمت تركب سيارتها وتكلم مشاري : تعالي روحي معنا
نزلت نظرها لرجفة يدينها وتقدمت تركب معهم وحركو ماشين للمستشفى
ثواني ووصلو ونزلو يدخلون وجلسو في الانتظار ينتظرون الطبيب
تقدمت تناظرهم جالسين وتكلمت بخوف : شفيكم هنا ؟
رفعو روسهم وناظروها وتكلمت العنود : نجود تكفين ادخلي وطمنينا
نجود هزت راسها باستغراب وتكلمت عذبه : جدك اغمى عليه وهاذا هو داخل
نجود انصدمت : ايشش من متى؟
مشاري:من دقايق
هزت راسها نجود تتقدم وتطلع بطاقتها وتدخل
وجلسو ينتظرونها
وبعد دقايق طلع وناظرهم من فزو يوقفون وتقدمت العنود : وش فيه ؟
الدكتور : تعالو في المكتب
مشى يدخل مكتبه ودخلو معه وجلسو عذبه ومشاري
والعنود واقفه تناظره بتوتر وتكلم مشاري : ممكن تتكلم وتقول وش فيه ابوي
الدكتور : احنا سوينا اشاعه بس انتظرها بس ابي اسئل
هزو روسهم يناظرونه وكمل : كثير التفكير والتوتر ؟
استغربو يلفون يناظرون بعض وعقدت حواجبها العنود وتكلمت : من امس وهو يفكر كثير ومتوتر حتى مانام
الدكتور هز راسه : ارهق نفسه وجسده مارتاح بس فيه حاجه انا مو متأكد منها
سكت من دخلت النيرس معها الاشاعه وهز راسه ياخذها
ولف على النيرس وتكلم : والتحاليل ؟
النيرس : بكرا الصبح تطلع
ولف يناظرهم : بتكلم معاكم بكرا اذا طلعت نتائج التحاليل
العنود : وجدي
الدكتور : مارح نقدر نطلعه لازم يكون موجود
عذبه : نقدر نشوفه
هز راسه الدكتور
وتنهدت تطلع وطلعو مشاري وعذبه ولفت عليهم ومشت تدخل عنده
مشو معها ودخلو وكان متمدد عالسرير وناظرته تدمع عيونها وتقدمت تجلس وتناظره اول مره تشوفه متمدد على سرير المستشفى نايم مايحس بالي حوله مدت كفها تمسك كفه وهي تناظره بين دموعها و غمضت عيونها تسمح لدموعها تنزل و شدت على كفه من تذكرت جدتها قبل :
