لفو من طق الباب وفز سيف يفتح ودخلو ظافر وراضي وريان وكل واحد بيده صحن اكل وبعد السلام تكلم جلال : شكلنا بنسحب على الدقه
سيف : نحتري لين نخلص مهمتنا ونرجع لها
صقر بعصبيه : الحين انت معلق على هالموضوع
هز راسه سيف وتكلم راضي : وين صحونكم
ضرب راسه صقر ووقف : نسيته بروح لاتبدون بدوني
ذيب : استعجل لاناكله عنك
طلع ولفو على راكان الي يلحس اصبعه وصرخ ذيب : يامقرف اذلف غسل
راكان : انا باكل من مكاني ماجايكم شي
راضي : قسم ماتاكل لين تغسل
تأفف راكان ووقف يغسل ومد يده ريان يضرب كف سيف الي مسك الصحن ورجع يده سيف وتكتف يناظرهم ينتظرون صقر
.................................
دخل مستعجل وتكلم باعلى صوته وهو ياخذ نفس : وين صحنى ؟
صرخت ريم الي كانت في المطبخ وتغرف في الصحون ولفت بفجعه : بسم الله
تنحنح صقر وصد بتوتر : صحنى وين ؟
ريم من الفجعه مدت عليه الصحن واخذه وطلع وهو متوتر
تنهدت تنزل شيلتها وفتحت عيونها بصدمه وهمست : يويلي عطيته صحن الحريم
لفت تناظر المطبقيه وفتحتها وبسرعه اخذت صحن وحطت المرقوق الي المفروض يكون للعيال واخذت الصحن وطلعت للحريم الي ينتظرونها
نزلت الصحن بينهم وبدو يتعشون
وقف يناظرهم وهو ياخذ نفس ونزل الصحن بينهم وجلس يشرب مويه
استغربو من شكله وتكلم ضاحي : مداهمتك امنه وراك كذا ؟
ناظره صقر وتذكر شكل ريم ف المطبخ وهز راسه : لا والله اطيب من امنه بس سم ومد يدك
ضحكو العيال وفتحو الصحون وتكلم : سيف عطني الي وراك
ناظره سيف ولف وراه ياخذ صحن وعطاه
اخذه يعطيه ظافر الي جنبه وقال : ماعليك امر بس حط لي هنا
ذيب : اجلس معنا واترك الكرسي عنك
ضاحي هز راسه : لا باكل ونا مكاني انا جلست معكم ماقمت
اخذه ظافر وبداء يحط له من كل صحن وعطاه وسمو وبدو يتعشون
وبعد ثواني لفو بعصبيه من تكلم راكان : ضاحي كيف متحمل انك ماتمشي
لاحظ نظراتهم له وتوتر وابتسم ضاحي : تعودت صار عادي عندي
راكان : يعني مافكرت تتعالج ؟
ضاحي هز راسه : لا راضي انا بقدر ربي
سيف : طيب اذا تعالجت بتتعافى
ضاحي هز راسه : انا مرتاح كذا
سكتو يناظرونه ولف صقر وهو يمسح وجهة بعصبيه وناظر راكان الي يضحك ونفض يده يبعد يتكي وتكلم ظافر : ماكلت شي يولد
صقر هز راسه : شبعت
ناظره ذيب باستغراب وهز راسه صقر ل ذيب وسكت يكمل اكله
.................................
ناظرت جوالها من رن ومدت يدها تاخذه وردت : وش طلع معك ؟
—عنده اربع عيال الكبير نياف موظف في بنك في الرياض والبقيه صقر وراكان وسيف عنده
ابتسمت بخفيف وقالت : ارسلي اي بنك واي قسم بسرعه
—دقايق ويكون عندك
سكرت تناظر الاوراق واخذت ايصال التحويل تناظره دقايق وفتحت جوالها من وصلها موقع البنك والقسم الي موضف فيه ودخلت الموقع و شغلت سيارتها تمشي معه
بعد دقايق وصلت ونزلت تناظر البنك من برا واخذت شنطتها وتقدمت تدخل ناظرت المكان من داخل وهمست بابتسامه: نفس البنك الي سرق ابوك منه
تقدمت من تكلم شخص : وش اقدر اساعدك فيه اختي
العنود بهدواء : عندي مشكله في حساب ومو عارفه كيف اتصرف
هز راسه واشر لها : تقدرين تحلين مشكلتك هنا
مشت محل مادلها وطقت الباب ووصلها صوت : تفضل
دخلت تناظر المكتب وتقدمت جهة المكتب وابتسمت من قرت الاسم الي عالمكتب : نياف بن قايد
وهمست : الوصول لك مو صعب
عقد حاجبينه : ايش
هزت راسها وتكلم : وش اقدر اساعدتس فيه
جلست عالكرسي تناظره وتكلمت : اللهجه معك وانت هنا بعد
عقد حاجبينه يناظرها وفتحت شنطتها وطلعت عقد الزواج ومدته له : خذ
استغرب ورفع يده ياخذه وناظرها ونزل نظره للورقه وانصدم من شافه عقد زواج نزل نظره للاسامي وجمد مكانه من قرا اسم ابوه بالكامل وبعد ثواني من الصدمه : وش هذا
العنود : عقد زواج وش بيكون يعني
رفعت كفها : مو انت نياف قايد
سكت يناظرها مصدوم وهز راسه وكملت : وانا العنود قايد
فتح عيونه بصدمه وكملت بابتسامه : اختك شفيك مصدوم
مدت يدها تاخذ العقد وتكلمت : نتواجه عند ابونا
وطلعت تاركته مصدوم يناظر مكانها بذهول من كلامها وصدمه من اسم ابوه الي مكتوب فالعقد
مسك راسه من الصداع الي داهمه والافكار الي داهمته
والاسئله الي تجمعت عليه
رفع راسه من طق الباب ودخل هذال وتكلم : شفيك
هز راسه نياف : صداع بس
هذال : اجل بعدين اكلمك بتروح ؟
نياف وهو يجمع الاوراق الي على مكتبه باستعجال : بروح انا ماصدقت خلص دوامي بروح لاهلي
هذال هز راسه وطلع وبعده نياف الي راح للشقته واخذ اغراضه ونزل طلع جواله من رن ورد يحطه عند اذنه : هلا
هادي : كيفك
نياف : بخير امر ؟
هادي : بتروح للديره الايام ذي ؟
نياف : تو اخذت اغراضي بمشي لها وش فيه ؟
هادي : حلوو اجل مر بيتنا واخذ امي والبنات معك انا بجلس مع ابوي عندنا كم شغله
نياف : طيب
هادي : تمام ينتظرونك انا بروح
نياف : زين .... وسكر يشغل سيارته ويمشي طريق بيت عمته
................................
ناظرت البيت قدامها ونزلت من سيارتها تتقدم وتطق الباب
ثواني وفتح وقف مكانه يناظرها وتكلمت بابتسامه: بيت قايد
هز راسه سيف : بيت عقاب ابوه وهو داخل
العنود رفعت يدها
وبعد عن الباب وهو يناظرها وتقدمت تدخل
ابتسمت بوسع من شافتهم جالسين وتقدمت ولفو عليها من سمعو صوت كعبها وتكلمت : سلام عليكم
استغربو وجودها ولف عقاب يناظر قايد الي توتر ورجع ناظرها من ردو العيال والحريم : وعليكم السلام
ابتسمت تناظر قايد جالس بينهم وتكلمت بهدواء : سمعت كلامك وجيت
لف عقاب على قايد الي وقف ولفو يناظرون قايد وتكلمت رزان : قايد انت هرجتها عن نياف
لف قايد يناظر رزان وصد وتكلمت العنود : وين صقر ؟
لفو يناظرون صقر الي انصدم وعقد حواجبه وكملت : وراكان وسيف اخواني
فتحو عيونهم بصدمه وتكلم عقاب باعلى صوته : بنتت
لفت تناظر عقاب الي وجهة احمر وعيونه شوي وتطلع من مكانها وتكلمت : انت جدي صح ؟
عقاب سكت يناظرهم وتكلمت : شفيكم تناظروني كذا انا العنود اصير بنت قايد الي تزوج امي بالسر وتوفت وقت ولادتها فيني بس
وقفت رزان وتكلمت بعصبيه : قايد وش قاعده تقول هاذي
لف قايد يناظرها وصد من تكلمت وناظر يدها : وهذا هو عقد زواجهم موجود
لفت رزان تناظر قايد بعصبيه وتكلم قايد : صح كلامها
لفو يناظرون قايد الي يناظر عقاب وتكلمت الجده سلمى : هي نفسها الي جبتها وهي مولوده عندنا ؟
هز راسه قايد وابتسمت العنود تناظر عقاب وهي عرفت وش السبب من عصبيته ولفت تناظر العيال الي جالسين يناظرونها بصدمه والبنات وشيخه بالمثل
لفت من دخلو نياف وساره وبناتها وابتسمت تناظر قايد : سلمت عليه قبل اجيكم
ناظرها نياف وناظر ابوه وصد يناظر امه الي تكلمت : لا انت انهبلت ي قايد كبرت وصغر عقلك قل ان كلامها كذب
العنود : تو قال انه صح ومعاي عقد زواجهم
سكتت من صرخت عليها رزان تسكتها وتقدمت تناظرها بعصبيه : مو انتي الي تسكتيني
لفت من دخل حاكم وتكلم : بس الصوت كل من فالديره سمع حسكم اقصروه
وقف حاكم من شاف العنود ولف على ذيب الي معه وتكلم : هذي نفسها الي شرت القعود
انصدم ذيب من وجودها ولف يناظرهم باستغراب من حالهم ولف على ابوه بصدمه : ايه
تقدم حاكم : وش بلاكم انتم
رزان بصراخ : يلاها هي جاية وتقول انها بنت قايد وقايد ماعنده بنات
العنود بعناد : عنده بنت وهذي هي واقفه قدامك
حاكم وذيب لفو يناظرون قايد الي يناظرهم وتكلمت الجده سلمى : رزان لاتطيرين في العجه ترا صح كلامها وقايد جابها النا وقت ماتت امها ومحد يعرف عنها غيري وعقاب وقايد بس
العنود ابتسمت: اخيراً احد فهمني انتي تصيرين جدتي صح ؟
هزت راسها الجده سلمى وكملت العنود : بس ماعرف ليه هجرتني ٢٤ سنه وش السبب ؟
لف قايد يناظرها وتكلمت رزان : وانا حامل في ولدك رايح تتزوج علي
غمض عيونه قايد بتعب وتكلمت العنود وهي تناظر عقاب : تتوقع ليه مجبور
وقف عقاب وناظرها وتقدم عندها وتكلم : انا جبرته يهجرتس ارتحتي وترا مانتي بمكمله هنا ارجعي من الدرب الي جيتي منه
ابتسمت بخفيف تناظره وناظرت قايد : بس يجدي ابوي هو الي جاني وترجاني ارجع معه وقال بعوضك عن الايام الي عشتيها بدوني وبعيد عني
لفو يناظرون قايد بصدمه وناظر ابوه الي يناظره بعصبيه وكملت : وبر الولدين اهم ودام امي توفت الله يرحمها ومالحقت ابر فيها ببر في ابوي دامه عايش
سكت عقاب يناظرها ولفت تناظرهم وناظرت البنات الي انضمو لهم ترف وعاليه ويناظرونها وناظرت شيخه وساره والجده ولفت تناظر قايد وحاكم والعيال الي يتهامسون ويناظرونها
رجعت تناظر قايد وتكلمت : تدلني على بيتك
رفعت كفوفها على اذانيها بوجع من صرخت رزان : ان دخلتها البيت والله مادخله ياقايد علمتك ترا
ناظروها من غطت اذانيها وكشرت : انتي انثى وش هالصوت بسم الله
سكتت تناظرها ومشى قايد ومشت معه العنود
طلعو وجلس عقاب بعصبيه وتكلمت ساره : وش الحاصل ؟
تأففت رزان وطلعت وهي تتوعد ف قايد
ولفت الجده سلمى تناظر عقاب : وشهو له كل هالشوشره لو سكت يوم جابها وسامحته مهوب احسن
عقاب وقف يدخل ولفت شيخه تناظرهم وتكلمت ساره : ياعالم اهرجو
سلمى : للحين مافهمت شي
شادن : ولا انا
حاكم لف يناظر امه الي فهمت وبدت تشرح لهم كل السالفه وتكلم حاكم : يعني البنت تو تعرف انه ابوها
ذيب : مدري عنهم بس جدها يمكن يعرف وارسلها النا
الجده سلمى: جدها متوفي قبل اسبوع
لف حاكم بصدمه : لا اله الى الله ومن علمتس
الجده سلمى: اخوك وراح يعزي
حاكم : الله يرحمه تو اعرف عنه وقايد وراء ماخذنا معه
رفعت اكتافها الجده سلمى وتكلمت ساره : قايد ماقد جاب طاريها او لمح بعد
سكتو من تنحنح قايد يدخل وناظر عياله : وين امكم ؟
رفعو اكتافهم وكمل قايد : قومو فضو وحده من الغرف لاختكم
ناظروه وتكلم راكان : ماعندنا اخت
قايد بعصبيه : وش اقول انا
وقفو يطلعون لبيتهم وجلسو الباقين وتكلمت شيخه : الجازي وريم طولو
ذيب : ضاحي تعبان وطلبو يجلسون عنده اليوم
شيخه : عسى ماشر وشفيه ؟
صالح : سخونه
حاكم : عيالتس الباقين وين ؟
شيخه : سعيد راقد وسطام مدري عنه
سكت حاكم يلف يناظر قايد الي ساكت ويفكر
