هزو روسهم وكمل : ماذكر والله بس زمان ايام المتوسط يوم ابو ظافر حاطها نغمه فجواله هاذي اخر مره سمعتها
وبعدها انقطعت
ضحكو وناظره ظافر وضحك : اما ابوي لا يابن الحلال ماتجي عليه
راضي ضرب الارض بيده : والله انه حاطها نغمه ورح اسئله وشف وش يقول
ظافر : ابوي دوب يذكر عشاه البارح وش يبا يذكر قبل سبع سنين
صقر بابتسامه : يمكن يذكر
رفع اكتافه ظافر ولفو من سمعو صوت ذيب وعقدو حواجبهم يناظرون عساف الي ارتبك وتوتر وهو يناظرهم والجوال بيده وتكلم ذيب بعصبيه : هات الجوال
هز راسه عساف وتكلم : وش تبي ؟
ذيب وقف يتقدم عنده : مصورني جب الجوال اقول ماتفهم انت
ناصر فز اخذ الجوال وانحاش وتكلم ذيب بعصبيه : ناصر يارخمه هات الجوال
مارد ناصر وهو يركض وفزو ريان وراضي يركضون وراء ناصر وتقدم عساف بينحاش ومسكه صقر من ياقته : لعانه يعني لعانه
عساف عرق وقلب وجهة احمر وتكلم بخوف وهو يناظر ذيب وصقر ونياف وصالح الي واقفين قدامه معصبين وتكلم : والله مالي دخل هو الي قال صور بجوالك لان جواله طافي
صقر رفع يده يصفقه وتكلم : وانت ورع تسمع كلامه
تقدم نياف يبعد صقر عنه وتكلم : تقلع ولاتشوفك عيني تفهم
هز راسه عساف وطلع ولفو على ذيب الي ماسك راسه يناظر السماء وهمس : حسبي الله عليكم يالرخوم.
نياف وهو يمشي : انا ابروح وراء العيال واشوف مسكوه ولا
مشو معه ذيب وصقر ولف صالح يناظر ظافر وجلال وضاحي وفارس وتكلم : ابروح معهم انتبهو ل الاغراض
هزو روسهم يناظرونه وطلع يركض وراهم
يركض فالظلام ويتلفت وره وصقعت رجله في حصاه وطاح على وجهه واشتغل الجوال
مشو وهم ياخذون نفس ووقفو يناظرونه نزل راضي واخذ الجوال يفتح الفلاش عليه وكان ظام رجوله بألم وعاقد حواجبه فتح عيونه من حس بالنور عليه وتكلم راضي : مسوي تاتنحاش يالرخمه
جلس ناصر يتفقد رجله وتقدم ريان يوقف وراه ونزل راضي بالفلاش على رجله وعقد حواجبه بألم يناظر اظفر ابهام رجله منخلع وينزف ولف على ناصر وتكلم : وش استفدت الحين هذا انت تحصلتها
لف من سمع اصوات العيال ورفع الفلاش عليهم وتخصرو يناظرون ناصر ورجله وتكلم ذيب : هات الجوال
عطاه الجوال راضي واخذه ذيب يكسره وتكلم ناصر برفعة صوت : جوال عساف
ذيب وهو يكسره بعصبيه : والعنه فيك انت وعساف
سكت ناصر يناظره وتقدم ذيب يركل ناصر برجله وتكلم : عاقبتوني لاذيتكم ولا قربت حولكم ولزقتو فيني. اذبحكم وارتاح ؟
تقدمو العيال يمسكون ذيب ووقف ناصر وتكلم نياف بعصبيه : قم انقلع
لف ناصر يروح وهو يعرج واخذ نفس ذيب بصعوبه يجلس يناظره رايح : الله ياخذكم
رفع يده من انكتم يطلع بخاخه حق الربو يبخ في فمه ووقفو العيال يناظرونه وبعد ثواني ناظرهم ووقف ينفض ثوبه عن الغبار ومشى ومشو معه راجعين للدكه
تقدمو يجلسون وتكلم جلال : على جيتكم بنحط العشاء
هزو روسهم وتقدم صالح يوزع الخبز
وتكلم ظافر وهو ينزل الصحن بألنص بعد ماحط اللحم فيه : وش صار معكم ؟
راضي : طاح وانخلع اظفر رجله
عقدو حواجبهم وتكلم فارس : من؟
نياف : اخوك. فيه غيره ؟
سكت فارس يناظرهم و يتعشى وتكلم ضاحي :الله يهداه
جلال : ووش سواء ؟
صقر : راح
ظافر : والجوال ؟
ريان : تكسر
ناظروهم بصدمه وتكلم راضي وهو يناظر ذيب : طلع حرته فيه ذيبان
فارس : مهو جوال ناصر جوال عساف
ذيب : فالعنه هم الاثنين
سكت فارس يناظره وتكلم نياف : انت كفو لاكن اخوك يستاهل كل مايجيه
فارس : والله مابيدي حيله مايتعدل الادمي
سكتو يناظرونه ويتعشون ولفو من قام يطلع وتكلم سيف: فروس تعال
سكت فارس يكمل طريقه وتكلم راضي : ضعيف بلاوي اخوه جت فيه
نياف: ماله ذنب فارس العتب على ناصر الي اكبر منه واهبل
هزو روسهم يكملون عشاهم ويناظرون ذيب الي يتعشى بهدواء مستغربينه منه
.....................................
لفت تناظرها ساهيه وتكلمت وهي تاخذ عباتها : قومي معي نطلع
لفت تناظرها : وين ؟
نجود وهي تتحجب : نطلع نشوف الديره واسواقها الي يمدحونها
وقفت العنود تاخذ عباتها وتتحجب وجلست جنب نجود تلبس شوزها وبعد ماخلصو اخذو جوالاتهم يطلعون وتكلمت العنود : دقيقه اجيب عصير بارد نشربه واحنا طالعين عشان حرر مره
نجود وهي تلبس نظارتها الشمسية : كم درجة الحرارة ؟
العنود : في الثلاثين
ناظرتها نجود بصدمه وتكلمت : جيبي ابرد عصير
ضحكت العنود تدخل المطبخ وتفتح الثلاجه تاخذ عصير لها ولنجود وطلعت تلبس نظارتها الشمسية
تقدمت نجود تفتح الباب الخارجي وتناظر المكان هادي وطلعت وطلعت وراها العنود يمشون ويشربون عصير
ويتفرجون في البيوت القديمه والي اغلبها من طين ومتكسره مهجوره تقدمو يشوفون اغلب الحريم والبزران والشباب متجمعين وتكلمت نجود : هاذا سوقهم ؟
رفعت اكتافها العنود وميلت شفايفها وتقدمو يعدون من جنبهم ولفو من سمعو صراخ ونزلو نظارتهم يناظرون البنت الي تنضرب عقدو حواجبهم يتقدمون عندهم
