رفع حواجبه عقاب يناظرها وتكلم : لا شكلتس ماتربيتي ولا ابوتس مالحق يربيتس
تقدمت العنود تناظره وهمست : الي رباني اطلق منك ومن غيرك
عقد حواجبه عقاب يناظرها ولف يناظرهم وراه وناظرها وتكلم : والي رباتس قالتس مدي يدتس على رجال وارفعي صوتس على الكبار
هزت راسها العنود تناظره وتكلمت : قال سويها للي مايستاهلون الاحترام والي مو كفو. وانا حفظت كلامه وطبقته جعل روحه للجنه
ضرب عصاته عقاب بالارض ورفع اصبعه : اللزمي حدودتس معي
رفعت يدها تنزل اصبعه وتكلمت : مو انا الي ينرفع هالاصبع علي .... ورفعت حواجبها : فاهم
صدت عنه تدخل البيت تاركته ودخلت نجود وراها ولف عقاب يناظرهم مذهولين وصرخ فيهم بعصبيه : عاجبكم يالله كل واحد يذلف لبيته
سيف بابتسامه: الله يهديك يجدي انت في بيتنا بيتك هاذا هو جنبنا
ناظره عقاب بعصبيه وارتبك سيف وهمس: اسف
وركض يدخل وطلع عقاب رايح لبيته
ودخل قايد وعياله ورزان والباقين رواحو
ناظروهم جالسين فالصاله وتقدمو يجلسون ورزان راحت للمطبخ وقايد دخل غرفته لفت تناظرها على جوالها وهمست : شصار معك ؟
ناظرتها نجود وابتسمت : وافقو يجون هنا يشوفونه
ابتسمت العنود تناظرها ولفت من تكلم نياف وهو يناظر صقر : مدري اكيد انهم طردوه مايخلونه
العنود بتسأئل : شسالفته ؟
ناظروها وهزو روسهم : من ؟
العنود ناظرتهم ولفت على نجود : مسفر صح
نجود هزت راسها : كذا قالت ريم
نياف : الله لايبلاناء
العنود : وش قصته ؟
نياف لف يناظر صقر ورجع ناظرهم وتكلم : ماعرف عنه واجد لاكن الي اعرفه ان مسفر هذا واخوانه سمعتهم ماهي زينه بين الناس والحرام عندهم حلال واكثر من مره دخلو على بيت ذبحو الي فيه وسرقوهم ويحرقون بيوت ويخطفون اطفال وبنات وعيال يبيعون اعظأهم هاذا كل الي اعرفه
غطو فميهم بصدمه يناظرونه وتكلمت نجود : حرام عليهم
صقر : روحي فهميهم هم
العنود لفت تناظر نجود وتكلم صقر : المفروض انتس ماتدخلتي لان يمكن يتعدواء لتس
ناظرته العنود وتكلم نياف : صقر صادز
سكتت العنود تناظرهم ولفت من تكلمت نجود : ايش يعني هالكلام
رفعت اكتافها العنود وتكلم صقر : وين سواقتس هذاك المعضل خليه معتس
عقدت حواجبها العنود تناظره ولفت على نجود المستغربه ولفت من طل سيف وتكلم : وين ابوي ؟
نياف : داخل احمد ربك مامسك
سيف بابتسامه وهو يحلس : زلت لسان ياخوي
نجود ضحكت : قولي انه يقصد ابراهيم
هزت راسها العنود : يقصده
نياف : نفسه الي جاب الفلبن
هزت راسها وضحكت : للحين معلق على الفلبن
ابتسم نياف يهز راسه
و وقفت نجود ووقفت معها العنود يدخلون وتكلم سيف : عيال توقعون صدق يتعدواء الها
صقر : وانت جاي عشان الشالفه
هز راسه سيف وضحك: سمعتها وجيت ابشوف وش النهايه وسكتو
نياف رفع كتوفه يقوم : والله ماندري وش الي بيحصل والحاصل
لفو من طق الباب وطلعو يفتحون ناظرو ذيب وصالح الي متكين على الجدار وتقدمو عندهم وتكلم نياف : عسى ماشر
صالح : الشر مايجيكم بس حبينا نشوف اذا فاضين نطلع
صقر : الله يلعن بليسك انخرشت من الطق قلت ان مسفر الحين ذابح جدي وعارض اعظائة
ضحكو وتكلم ذيب : جدك كله فاسد وش الزين فيه عشان يعرضه
ضحكو يناظرونه وتكلم سيف وهو ياخذ نفس : قسم جبتها
ضحكو يمشون جهة الاسواق وناظر محل جده وتكلم صقر : استغنى عني وجاب هذا يكرفه
لفو يناظرون جدهم جالس على كرسي يناظر ناصر الي جالس وعنده عامل يعلمه على الشغل وتكلم نياف : لا يلتمس من الكهرب
صقر : يشينها
صالح : عاد انت مجرب
صقر : جعلك ماتجربها تلسع لسع ملعون والدين
سيف بضحكه : الله يعينك ينويصر
ذيب بكره : خله لايقرب الناس ولا يقربونه تطلع لعانته ف الكهرب
ضحكو يناظرونه وتكلم نياف : روق ياخي واتركه عنك
ذيب بابتسامه : والله مايخليني اروق الا اذا لسعه الكهرب و نفضه نفض هنا يطيب خاطري
صقر وهو يحاوط كتوفه : ابشر بالي يغير فالاسلاك وينفضه بس انت ترتاح
ابتسم ذيب وتقدمو يجلسون في القهوه وتكلم سيف : عساه ماستغنى عني بعد ؟
رفع كتوفه صالح يدخل يسوي لهم شاهي وطلع وهو مصدوم وتقدم يناظرهم وتكلم : استغنى عنك وحط فارس
فتح عيونه سيف بصدمه ولف من طلع فارس من المطبخ وناظر صالح وتكلم سيف : لهدرجه هين عنده ؟
لفو من تقدم عندهم فارس وتكلم بابتسامه: وش تبون اجيب لكم ؟
ناظروه ثواني وتكلم نياف : تقمصت الشكل على طول
هز راسه فارس يضحك : شغلني بدال سيف وبراتب
سيف : اقول على شحم حنا قبلك ماخذنا هلله يبيعطيك انت
رفع كتوفه فارس : يالله احسن من الدوجه في هالشموس
صد فارس يكمل شغله وتكلم صالح يقلده : وش تبون اجيب لكم ؟
صقر : عندكم حميس ؟
ناظروه بصدمه وضحك يتكلم : من صحيت وانا مشتهي حميس ولحم
صالح : اخوي انت في قهوه منت في مطعم
سيف : حتى المطعم مافيه حميس
نياف : رح لامي تسويلك
صقر : رحت وطردتني تقول ماني فاضيه لك
ذيب : جدتي طيب
صقر هز راسه ورفع كتوفه يناظرهم : ماقدر ادخل البيت سكتو يناظرونه وتكلم صالح : بجيب شاهي وانت شف العجز يمكن تلقى عندهن حميس
سكت صقر يناظرهم يسولفون عن مسفر وراح صالح يجهز الشاهي
...............................
تقدمت تناظر من شباك غرفتها ثواني ولمحت ظل وعقدت حواجبها تناظره ولفت من تقدمت عندها نجود تتكلم وسكتتها
استغربت نجود وتقدمت من اشرت لها تجي تشوف وفتحت عيونها بذهول تناظر الظل ولفت على العنود وهزت راسها بمعنى وشو رفعت كتوفها العنود ترجع تناظر الظل وفتحت عيونها من لمحت طرف قميص من الهواء وسكتت تفكر ثواني وصحت من حركتها نجود وتكلمت : وش كنتي تقولين ؟
نجود : اقول ابوك مختفي مايجي للبيت الا وقت النوم
ابتسمت العنود : يمكنه مشغول قعدت معه اول ماجيت ومن بعدها انشغلت في اغراضي والترتيب
عقدت حواجبها نجود تناظرها وغمزت لها العنود وفتحت عيونها بصدمه من فهمت ورجعت تناظر الظل وناظرت العنود ثواني وتكلمت : يعني ماقدرتي تتكلمين معه
هزت راسها العنود : لا المفروض نجلس مع بعض ياخذ اخباري واخذ اخباره يشوف اذا ناقصني شي نفس اول ماجيت كان مهتم فيني
نجود : تتوقعين لاني موجوده استحى وصار مايقعد
العنود رفعت اكتافها : يمكن بس انا قلت له عادي نجتمع كلنا ونجلس تدرين وش قالي ؟
هزت راسها نجود : وش؟
العنود : قال لا اخذي راحتك انتي وبنت خالتك مارح اكون في البيت حتى اخوانك بنجي بس وقت النوم الوقت الباقي لكم عشان مانظايقكم
سكتت نجود تناظرها وتكلمت بابتسامه : زين اجل بنروح للمطبخ نسوي كيكه عشان خالو وماما مع الطريق
هزت راسها العنود : روحي وبجي بس بسكر الدريشه عشان الحشرات
سكتت نجود تناظرها وبعدت وتقدمت العنود تسكر الدريشه ولفت تناظر نجود الي عاضه المخده وتضحك
تقدمت تجلس وهي تضحك واخذت نفس : صدق انها ماتستحي خييرر
مسكت بطنها نجود وهي تضحك والعنود مو اقل منها
وبعد ثواني ضحك وقفت نجود تمسح دموعها : بروح للمطبخ
العنود : يمديها دخلت لايبين عليك الضحك
هزت راسها نجود وتقدمت العنود تمسح وجهها وبعد مااختفت ملامح الضحك عنهم طلعو للمطبخ
دخلو يفتحون الادراج ويشوفون ايش الي موجود من الاغراض لفت تناظرها عند الثلاجه وتكلمت : ناقص الزيت والطحين عندك بيض
لفت عليها نجود : فيه بيض لازم الزيت والطحين ماينفع كيكه بدونهم
لفو من دخلت رزان وتكلمت العنود : نبي زيت وطحين من وين نحصلهم
ناظرتها رزان ثواني وتكلمت وهي تطلع : تسلفي من الجيران مافيه
لفت العنود تناظر نجود وقالت : طلعي الغراض الباقيه وانا بروح للبقاله اجيب زيت وطحين
هزت راسها نجود تلف للثلاجه وطلعت العنود ناظرت الساعه وكانت ٤:٣٣ وطلعت جوالها تتصل على خالها
حطت الجوال عند اذنها ورفعت راسها تناظر الدير والبزران الي يلعبون كوره وتمشي للبقاله تكلمت من رد : اهلين وينكم
مشاري وهو يناظر الطريق : والله مادري وين لاكن اتوقع نص ساعه او ساعه وحنا عندكم
ابتسمت العنود : تمام حياكم
مشاري : الله يبقيك انا بسكر عشان امشي مع الموقع
العنود : زين .... بعدت الجوال تسكره وتحطه في الشنطه
وتدخل البقاله الصغيره وتكلمت من وقف العامل : ابي طحين ابيض وزيت
هز راسه العامل وهو يناظرها وراح يجيب طحين وزيت لفت من دخل سيف يوقف جنبها وتكلم : وش جايه تاخذين
ناظرته ثواني ولفت من حط الاغراض قدامها وتكلمت : وش تشوف
سيف : معتس فلوس ولا نسجله باسم ابوي
ناظرته العنود ثواني وتكلمت : ماخلصت بس انت موظف هنا
هز راسه سيف بالنفي وكمل : بس شكلي مالي غير الدكان
سكتت العنود تلف تناظر الدكان وتقدمت تاخذ اكثر من نوع ككاوات وبساكيت وتقدمت عند العصيرات واخذت كم عصير تحطه في السله ولفت للجهة الثانيه تشوف العصيرات الي فيه ولفت من تكلم سيف : هاذا لاتاخذينه منتهيه صلاحيته
العنود وهي تناظره : طيب ليه مخلينه هنا
سيف وهو يحك راسه : حركات ابو عساف يحتري احد يشتريه وهو منتهي عشان الفلوس بس
تقدمت عند الطاوله تحط السله ولفت على سيف الي تكلم : سجلها باسم قايد عقاب
هز راسه العامل يطلع الدفتر ويكتب السعر عند اسم قايد
وابتسمت العنود تناظر المبالغ الي على قايد واخذت الاكياس تطلع وسيف جنبها لفت عليه وتكلمت : كيف عرفت اني هنا ؟
اشر لها سيف : هنا انا مع العيال وشفتس وجيت خفت انتس تحققين امنية ابو عساف وتاخذين المنتهيه صلاحيته
ميلت شفايفها تناظر الدكان والي فيه وتكلمت : بتكمل معي للبيت
هز راسه سيف : برجع لهم بس اودي اغراضتس معتس
سكتت العنود تناظر الاكياس الي بيدينها ولفت تناظر الاكياس الي بيدين سيف وصدت تكمل طريقها
دخلت تناظرها جالسه عالطاوله وتكلمت : سيف وراي بالاغراض
رفعت يدينها نجود تتحجب ودخل سيف بالاكياس وتكلمت نجود : مو بس طحين وزيت
العنود ابتسمت: عجبتني كم شغله وجبت عصيرات وكاكاوات نزين بها الكيكه وبس
سكتت نجود تشوف الاكياس وطلعت الزيت والطحين وبدو يسوون الكيكه وبعد ماخلصو تكلمت العنود: مافيه غير الفرن هاذا
نجود هاذا مره كبير وبيحرق الكيكه
سكتت العنود تناظر ثواني وتقدمت تاخذ حجابها وتكلمت : مالنا غير الجيران
تحجبت واخذت قالب الكيك مع العجين وناظرت نجود : تعالي معي
تحجبت نجود وكشت معها طلعو من البيت وتقدمو عند بيت عقاب وتقدمت نجود تطق الباب وبعد ثواني فتحت عاليه وابتسمت العنود تناظرها : معليش بس عندكم ميكرويف
هزت راسها عاليه ودخلت ودخلو وراها ناظرتهم جالسين يتقهوون وتكلمت نجود : سلام عليكم
هزو روسهم يناظرونهم وردو السلام وتكلمت العنود : عادي استخدم الفرن الي عندكم ثواني بس
هزو روسهم وتكلمت الجده سلمى : ادخلي يامي استخدميه عادي
تقدمت العنود للمطبخ ونجود وراها وبعد ثواني دخلو سلمى وترف عندهم وتكلمت العنود وهي تناظره : شغليه
تقدمت سلمى تشغله وتكلمت : كم دقيقه تبين ؟
نجود : ١٥
ترف : فيه فرن عند رزان
العنود هزت راسها : ذاك كبير ومانعرف له مو حق كيك اصلن
هزت راسها سلمى : هذاك للذبايح وليتها تسوي رفلا ماتسوي لاكيك ولا ذبايح
ابتسمو العنود ونجود يناظرونهم ودخلت شادن وتكلمت : جدتي تقول ناديهم يتقهوون معنا
العنود : بننتظر الكيكه لين تخلص ونروح
سلمى : هو وش فيتس يابنت الحلال تعالن بس
ترف : تعالو وانتن منتن غرب
لفو يناظرون بعض العنود ونجود ومشو معهم يطلعون من المطبخ للمجلس دخلو وتكلمت ساره : تعالن تقهون
جلسو معهم العنود ونجود وهم يناظرونهم وتكلمت شيخه : مامن غريب
لفت تناظرهم سلمى وتكلمت : ماقلتي وش المناسبه بالكيكه
العنود ناظرتها : خالي وخالتي بيجون
سكتو الكل يناظرونهم وتكلمت شيخه : ابوتس يدري
رفعت اكتافها العنود وتكلمت الجده سلمى : اجل يساره علميهم يجهزون الذبايح بنعشيهم
نجود : لاتكلفون ماياكلون واجد ترا
هزت راسها ساره : ولو اهم نقوم بالواجب
لفو من تنحنح عقاب يدخل وصدت العنود عنه تشرب من فنجالها لفت نجود تناظر العنود وسكتت تناظرهم يناظرون بعض
تقدم يدخل عقاب وجلس عالارض مقابل العنود ورفع راسه وتكلم : صبو لي قهوه
فتح عيونه وجمد مكانه يناظر العنود جالسه عقد حواجبه بعصبيه وتكلمت الجده سلمى : انا مناديتهن مالك شغل فيهن
عقاب مسك راسه واخد فنجاله يسكت لفو من تكلمت زينب : يشيب عيني الحين انتي ماتستحين على وجهتس
ناظرتها العنود وابتسمت تغيضها وتكلمت الجده سلمى بعصبيه : اص ولا كلمه امشي اجلسي وانتي منكتمه
جلست زينب ومشاعل جنبها وتكلمت : يمه انتي تدافعين عنها
الجده سلمى : بمزاجي مالتس شغل
سكتت زينب تناظر عقاب الي عاقد حواجبه يناظرهم
وكملت الجده سلمى وهي تناظر عقاب : لازم تجهز ذبايحك فيه ضيوف مع الطريق
لف عليها عقاب وتكلم : منهم ؟
الجده سلمى : مهب لازم تعرف منهم اهم تقوم بواجبك الهم
هز راسه عقاب : كلمو ذيب وصالح يجيبون ذبيحه
ابتسمت الجده سلمى تناظرهم وتكلمت : العشاء عندنا اليوم اعزمن الربايع
هزو روسهم يناظرون العنود الي تناظر عقاب وعقاب بالمثل وسكتو يناظرون نظراتهم لبعض كأن فيه حرب بينهم قايمه على النظرات
صدت عنه من تكلمت نجود : الكيكه
وقفت نجود ووقفت العنود معها يطلعون للمطبخ وتكلمت نجود بابتسامه وهي تطلع الكيكه : الله تشهي
تقدمت تناظرها العنود وتكلمت : يالله بنرجع عشان تبرد ونزينها
هزت راسها نجود وطلعو تقدمو يناظرونهم وتكلمت العنود : شكراً
هزو روسهم بابتسامه وطلعو العنود ونجود راجعين لبيت قايد
.............................
وبعد ماجهزو الذبيحه ونظفو المجلس وبخروه وتجهزو الرجال عشان يظيفون
تقدمو يوقفون السيارات ونزلو يناظرون البيت الي اشتغلت انواره وكان الوقت قريب المغرب تقدمو يدخلون وناظرو
الرجال جالسين فالحوش تقدمو يردون السلام و وقفو عقاب وحاكم والعيال يسلمون على مشاري وبندر ومصعب وعادل وتكلم حاكم من دخلو عذبه وجمان ومي : الحريم بابهن من وراء
وقفو يناظرونهم شوي ولفو من دخلت العنود بفرح : اهلين منورين
لفو يناظرونها وابتسمو وتقدم مشاري يفتح يدينه وركضت العنود تحضنه ورفع صوته : اهه ينودي يكثر الشوق لك
ابتسمت العنود تشوف نظرات عقاب وحاكم وسعيد وذيب وصالح لهم وبعدت ترتفع تبوس راسه وتكلمت : يابعد روحي
تقدمت نجود بعد ماسلمت عالباقين تسلم على مشاري
والعنود حضنت عذبه الي تسؤال عن حالها وبعدت تحضن جمان ومي وبعد ثواني بعدت تناظر بندر ومصعب وعادل وعايش وتسئلهم عن اخبارهم ضحكت تناظر بندر ونظراته وتكلم مشاري : اشغلنا في الطريق ماعنده سالفه الا انتي
وناظر بندر الي يضحك : ارتحت الحين هذي هي حبيبتك قدامك
بندر مسح وجهة يضحك ويناظر العنود وتقدم يوقف جنبها ويمسك كفها ويناظرهم وضحكت نجود : هذا هو الامير وصل انقذها
ضحكو يناظرونهم ولفو من تنحنح عقاب وهو يناظر العنود بحقد وكره وتكلم حاكم : حياكم فالمجلس
والحريم تدلهم العنود
هزو روسهم ومشو مشاري والعيال يدخلون المجلس وتقدمت العنود تناظر عقاب بانتصار وتلف على عذبه والبنات تدخلهم
ضرب عصاته في الارض يناظرهم يدخلون ودخل المجلس يجلس لوحده
سكت حاكم يناظره وتقدم يجلس في المكان الي دايم ابوه يجلس فيه وهو صدر المجلس وجنب الضيف مشاري
وبعد ماجتمعو شياب الديره وشبابها في مجلس عقاب
وحريم الديره في مجلس الجده سلمى
لفو من دخلو هادي وغيث وتقدمو يسلمون على الكل ومن وقفو عند مصعب وعادل ناظروهم باستغراب وسلمو عليهم ورجعو يجلسون مع ذيب وصالح وتكلم هادي : منهم هذول
ذيب يتنهيده : سالفه طويله نعلمك بعدين
هادي بصدمه : يعيال هذول مشاهير هم الي وريتكم هذاك اليوم يوم يغنون ونعلق عليهم وعلى اصواتهم
ناظروه ذيب وصالح وتكلم صالح : لايكون الي وريتناهم في الدكه
هز راسه هادي وتكلم غيث : الا والله هم هذول وش جايبهم عندنا
سكتو صالح وذيب يناظرونهم بصدمه
ولفو من دخلو قايد وعياله وراه وتقدمو يسلمون على مشاري والعيال ووقف حاكم وهمس لقايد: اجلس جنب ضيفك
سكت قايد يجلس جنب مشاري والعيال تقدمو يسلمون على هادي وغيث وجلسو وتكلم نياف : شفيكم تقزونهم كذا
غيث : تذكر يوم طلعنا للدكه وقلت ل ذيب وراضي صيرو مشاهير باصواتكم ووريتهم مقطع واحد مشهور يصور وهو يغني وصوته مهب حلو
هزو روسهم نياف وصقر وسيف وتكلم هادي : عانهم هذول الي وريناكم اياهم
لفو يناظرونهم بصدمه وهمس صقر : يولد تستهبل
هزو روسهم بالنفي وتكلم هادي : دقيقه افتح سنابه واوريكم
جلسو وهم يناظرونهم بصدمه ولفو من طلع جواله هادي وفتح سناب عادل ومصعب و وحط الجوال عندهم ورفع فالصوت وكان عادل يتكلم : يمكن مانزل سنابات كثير لان رايحين نزور بنت عمتي في ديره واحتمال مايكون عندي نت
وكانت هذي اخر سنابه نزلها عادل وطفى الجوال يناظرهم مصدومين ويناظرون عادل ومصعب
لفو من دخلو راضي وريان يصارخون وفزو كل من فالمجلس وتكلم راضي بفجعه : فيه نمر برا
طلعو الكل يناظرونه واقف وشياب الديره كلهم عنده ورفع صوته بندر : هدو يجماعه هذا شؤُتؤُ نمر العنود
عقدو حواجبهم ولفو من تقدم ابو جلال وبيده مسدس وتكلم : ابعدو لايحتال فيكم ابذبحه قبل ينحاش
صرخو عادل ومصعب : لا تذبحه مريض انت
ابو جلال : وليه ماذبحه تبيه يفصفصك الحين
رجعو الكل بفجعه من ركض شؤُتؤُ جهة البيت وناظروه
فتحت يدينها ونقز عليها شؤُشؤُ وحضنته فتحو عيونهم بصدمه يناظرونها ورفع يده ابو جلال بالمسدس : فكيه ترا ابطلق عليه
رفعت يدها العنود توقفه وعقدت حواجبها تنزل ب شؤُتؤُ وتمسح عليه وناظرته للحين رافع المسدس وتكلمت : مالك حق تذبحه هاذا ملكي
نزل المسدس ابو جلال يناظرها وتقدم عندها بندر يحط الطوق في عنق شؤُتؤُ وتكلم : كان فالسياره ونزل من الشباك
ابتسمت العنود : ماقلتو لي انكم جبتوه
بندر وقف : مفاجئة
ابتسمت تناظر شؤُتؤُ ومشت ومشى معها يدخل
ولف قايد يناظرهم يناظرونه وتكلم وهو يدخل : حياكم الله كلكم
دخل المجلس ودخلو الكل ورجعت الدلال تدور عليهم
.............................
ناظرت الحريم الي طالعين للحوش من سمعو صراخ
وناظرو العنود وشهقو بخوف من شافو النمر معها وتكلمت ساره : يويلي جايبته معتس
تقدمت العنود تناظره : ترا اليف مو نفس الي تعرفونه
الجده سلمى : اي اليف انتي جايبه معتس نمر مفترس في اي لحضه ياكلنا كلنا
العنود هزت راسها : ارتاحو ماياكل هذا مربيته من سنتين واعرف كل تحركاته
سلمى : بيجلس معتس هنا
هزت راسها العنود ودخلت تاركه شؤُتؤُ برا ودخلو الحريم بفجعه من تحرك وسكرو الباب الي بينهم وضحكت عذبه من شافتهم خايفين ورجعت تكمل قهوتها
دخلت المطبخ ولفت من تكلمت ترف : عادي وغيث جو بيجهزون البيت عشان العرس
ابتسمت سلمى بخفيف وتكلمت عاليه : خلصتي اغراضتس
هزت راسها سلمى : باقي كم شغله واخلص
ترف بفرح : متحمسه باقي اسبوع عن زواجكم
التشبيهات في الانستاء ( rxoa.19)
