راشد لف يناظر العنود وتكلمت : لاتقول مافيه شي لاني ملاحظه من بعد ماطلعنا من عند هذيك العايله وانت مختلف
راشد سكت يفكر شوي و هز راسه : وبرضو مافيه شي
سكتت العنود تناظره وكمل : بطلع مارح اكمل هنا
تقدم مشاري : لا الدكتور رافض بتجلس لين بكرا عشان التحاليل ونتطمن عليك بعدها تطلع
راشد تنهد : تعرفوني ماحب قعدت المستشفى
العنود بحزن : تكفى بس لين نتطمن عليك بعدها تطلع
سكت يناظرهم مصرين ولف من تكلمت عذبه : يبه الله يهداك نبي نتطمن عليك
هز راسه : طيب يوم واطلع
ابتسمت العنود تحضنه وابتسم يناظرهم خايفين عليه
لفو من انفتح الباب ودخلت نجود معها اوراق جدها وابتسمت تناظره : الحمدالله على السلامة
ابتسم يهز راسه وتقدمت تعدل المغذي وتشوف الاجهزه الي عنده وناظرها وتكلم : دكتورتي
هزت راسها : كانو بيحطوني عند مريض ثاني بس رفضت وجيت عندك قولي تحس بشي يعورك
لفو يناظرونه وتكلم : احس بكتمه بس تطلعيني
نجود رفعت اكتافها : والله ودي بس لازم تجلس لين تطلع نتائج التحاليل وبعدها نقرر
راشد : وانا مافيني غير العافيه
نجود ناظرت العنود وامها وخالها : معليش تحمل لبكره
سكت راشد يناظرهم وكملت : انا بروح اذا بغيت شي هاذا الجرس
هز راسه راشد وتكلمت العنود : متى تخلصين دوامك ؟
رفعت اكتافها : على حسب متى اخلص
سكتت العنود ولفت نجود : بكون عنده انا ماله داعي تجلسون
مشاري وقف : اول ماتطلع التحاليل اتصلي علينا
هزت راسها نجود واشرت على خشمها تبتسم
ووقفت عذبه وقالت بضحكه : اول مرح نحتد عليك ورينا نفعتك
نجود بصدمه : ييمممهه
ضحكو وتكلم راشد : شغلها لاتعلمونها فيه
مشاري : بسم الله عليها ملتزمه
ابتسمت تطلع معهم ووقفت العنود تبوس راس جدها وشد على يدها الي بيده وتكلمت : برجع بكره
هز راسه راشد : دمعتك ترا ماهي هينه عندي حاولي تمسكينها ماتنزل
ابتسمت تناظره وهزت راسها ولفت تطلع معهم
..................................
دخلت الغرفه ولفو عليها ذيب وصالح وسعيد وابتسمت تناظرهم بخوف
تقدمو عندها وكانت ماسكه الثوب بين يدينها وتناظرهم واحد واحد
وتكلم ذيب : وشفيتس خايفه
شادن بكره : سعيد اخوي حبيبي زوجتك تناديك
تأفف سعيد يطلع وسكرت الباب بعده وعضت طرف الثوب تناقز وتصرخ بدون صوت
مسكها صالح : احتسي علامتس تقل مقروصه
شادن فتحت الثوب توريهم وشهقو ذيب وصالح يغطون فميهم وقالت ببكي : ابوي بيثور فيني ان شافه تكفون ابي حل
صالح : وليه جايتنا روحي لسلوم ام الحلول
شادن : سلوم مستحيه تقل ماعرس غيرها اهرجها وتتبوسم
ذيب اخذ الثوب يشوفه : وانتي ليه مكبره الموضوع عطيه ثوب ثاني وخلاص
شادن ضربت راسها : ابوي عطاني الثوب اكويه لانه جديد وقال في ملكة اول بناتي بلبس جديد وانا اكويه حرقته ولو عرف عنه حطني انا تحت الكوايه وكواني
صالح جلس يضحك وذيب ابتسم من طرريقتها في الكلام وضحك يناظرها
وسكتت تناظرهم بوهقه وتقدمت تاخذ الثوب : انا غلطانه يوم بغيت الفزعه منكم
ذيب بابتسامه : افا والله ماتطلعين الا محلوله
اخذ الثوب يشوف الحرق وكان طبعه على الثوب بالون الاسود بس مافيه اي ثقب وبقية الثوب بالون الابيض
ولف على صالح وقال : بخاخك الي امس وينه ؟
صالح اشر على الدولاب : احس ماينفع
ذيب تقدم يطلعه : فكنا من احساسك
اخذ البخاخ الابيض ومدد الثوب على الارض وقرب من عند الحرق وبدا يبخ بخفيف وتكلمت شادن : شكل انا وانت الي بننجلد اليوم
ذيب : ماعليتس اسويه
سكرو خشومهم من ريحة البخاخ وتقدمت شادن تفتح الدرايش وتهوي الغرفه من الريحه وبعد ماخلص اخذ ثواني يناظر الثوب ورفع نظره لهم وتكلم : تعالو تلاحظون شي ولا ؟
قربو يناظرون وهزو روسهم وتكلمت : ماكنه الي احترق
لفو من دخلت شيخه وعقدت حواجبها تناظرهم وتناظر الثوب وتكلمت : هذا موب ثوب ابوتس الي عطاتس تكوينه ؟
شادن بتوتر : الا هو بس حسيت فيه شي غلط وجيت اعدله
ذيب اخذ الثوب ووقف يعطيه شادن وتكلمت شيخه : وابوتس وش لبس قبل يطلع
لفو يناظرونها وكملت : ابوكم براء وجاهز لابس خالص روحو معه
شادن : اكيد من ثيابه الي عنده
رفعت كتوفها شيخه تمشي ولفت شادن تناظر اخوانها تضحك وضحكو يناظرونها وتكلم ذيب : ومشتطه تدورين حل
ماردت وهي تضحك وهم اقواء منها وسكت يهز راسه : الله يصلحتس بس قروشتينا معتس
وطلع وطلعو صالح وشادن وراه وهم من قو الضحك يضربون الجدران ويمشون
تقدمو يدخلون المجلس وناظرهم ابوهم بعصبيه وتوترو
يناظرونه
ولفو يناظرون شياب الديره الي يتقهوون وكشر ذيب من شاف ابو عساف بينهم وتنهد يتقدم عند العيال وقال صقر : انتم وين رحتو ؟ عمي معصب يدوركم
ذيب : ماطرنا هذا حنا موجودين
صالح بضحكه : هذول وش فيهم اول مره يشربون قهوه
لفو يناظرون الشياب الي سيف واقف قدامهم بالدله واذا صب لهم وخلص رجع يصب مره ثانيه
لف يناظرهم سيف بوهقه ورجع يناظر الشياب ولف من تكلم ابو عساف : يولد صب
سيف : خلصت بروح اعبيها
طلع سيف ولحقه صالح
وتكلم ذيب : يفرقى هذا من عزمه
صقر : هذا دايم يجي بدون عزيمه وقفت على الحين
نياف : نفس عمتكم
ناظروه ذيب وصقر يضحكون وتكلم صقر وهو ياخذ نفس : قسم انهم لايقين على بعض
ذيب مسك بطنه وهو يناظره ويضحك وتكلم : الله يلعن عدوك تخيلتهم مع بعض
ضحكو العيال معه وبعد ثواني سكتو وتكلم نياف وهو يضحك : يعيال لايفوتكم شكل هادي
لفو يناظرونه واضحكو وقال صقر : المسنده فيها شوك ليه مدد ظهره كذا
ماتحمل ذيب وصد يضحك ويحاول يسكت واذا ناظر وجيه نياف وصقر رجع يضحك اقوى من قبل
وفز من صرخ جده باسمه : ذيب
لف يناظره وتكلم : سم
عقاب : قم انت والي معك وساعدو عمتكم في الذبايح
هزو روسهم يوقفون وناظرو ابو عساف الي يناظر فنجانه ينتظر الدله ورجعو يضحكون ونياف يضربهم عشان يسكتون
..................................
ريم وشادن وترف وعاليه كلهم عند ساره يساعدونها وبنفس الوقت يسولفون عليها لفو من دخلت مشاعل ووقفت تناظرهم يشتغلون
وتكلمت ساره من شافتها واقفه: مشاعل تعالي امسكي معي
مشاعل ناظرتها بتقرف : مابي
ساده ناظرت البنات يشتغلون وتكلمت : مانتي خسرانه شي بس امسكي وروحي
ناظرتها مشاعل ولفت تناظر البنات و تقدمت عند عمتها ومدت يدها تمسك ولفت ساره على ريم : عطيني السكين
مدتها عليها ريم واخذتها ساره وقعدت تقطع الكرش تأففت مشاعل وغطت خشمها
وتكلمت ترف : يمه اللحم وخلصناه احطه في القدر
ساره : اول عبي القدر مويه نصه مهب كله
هزو روسهم ترف وريم وتقدمو بالقدر الكبير يطلعون للحوش وعند الحنفيه يعبون منه مويه في القدر نزلو القدر ومسحت جبينها ريم من ثقله وترف فتحت المويه في القدر
وبعد ماتعبى القدر مويه قفلتها ونزلت تشيل وريم معها وتكلمت ريم وهي عاقده حواجبها : الحين كيف نشيله ؟
ترف رفعت اكتافها : بنادي البنات يساعدونا
ريم : ماقدرناه انا وانتي بيقدرونه الصغار
تأففت ترف تتخصر وتناظر القدر وريم نفسها وبعد ثواني لفو من سمعو صوت العيال ولفت ريم تناظر ترف وابتسمت ورفعت صوتها تنادي : من هنا ؟
لفو نياف وصقر وذيب من سمعو الصوت وعقدو حواجبهم وتكلم نياف : وش عندتس وراء ؟
ترف لفت شيلتها وريم بالمثل وتكلمت ترف : ماعليكم امر بس تجون تدخلون القدر
تقدمو صقر وذيب ونياف وناظروهم واقفين جنب بعض وتكلمت ريم : بس دخلوه المطبخ
هزو روسهم العيال ومرو من جنبهم ريم وترف يدخلون المطبخ وتكلمت ترف : يمه ماقدرنا نشيل القدر وطلبنا العيال يدخلونه
ساره ناظرتهم : زين سويتو
تقدمو ريم وترف عند شادن وعاليه الي تغطو وتقدمت ساره تفتح الباب من رفع صوته ذيب : يولد فيه احد ؟
ساره : تعالو
تقدمو العيال يدخلو والقدر بينهم وتكلمت ساره : يريم القز عندتس شغليه
تقدمت ريم ونزلت تشغل القز وبعدت من اشتغل ورجعت عند الاسطوانه تقصر في النار وتقدمو العيال ينزلون القدر على النار وتكلمت ساره : الله يعافيكم
هزو روسهم العيال ولفو بيطلعون ورجعو صدو بسرعه وتكلمو بصوت واحد : يولد
لفت ساره من سمعتهم وتكلمت بعصبيه: انتي كاشفه من دخلو ؟
لفت عليها مشاعل ورجعت صدت بتمثيل : اوو مادريت متى دخلو
ساره : استحي على وجهتس الريجيل طول بعرض واصواتهم واصله للديره كلها ومادريتي
مشاعل بتمثيل لزعل : يخاله وشفيتس علي هذا جزاي شايله نص الشغل عنتس
شهقو البنات يناظرونها ولفت ساره بعصبيه: تخسين مامسكتي غير كرش وبعزره بعد .... وتقدمت تمسك ذراعها وتبعدها وتنهدت تلف على العيال : اطلعو
طلعو العيال وفكت ذراعها بعصبيه ترجع تكمل شغلها والبنات معها
ناظرتهم مشاعل بكره وتقدمت تاخذ من السلطه وتاكل ولفت عليها عاليه : ابعدي لاتاكلينها
مشاعل وهي تاكل : وش دعوه بخلانه علي بخياره
عاليه هزت راسها : ايه
ساره : مشاعل اخذي جنونتس واطلعي
مشاعل ضحكت بسخريه تناظرهم وتكلمت : يالله بس اشتغلو وبيضو الوجيه قدام الناس والسلطه حطوها على جنب لاني ماحبها مع الرز
ناظرتها ساره بعصبيه والبنات بالمثل وطلعت وهي تضحك
تأففت ساره : يالله صبرنا بس
ولفت تناظر البنات : ماعليكم منها خلصو شغلكم واطلعو ارتاحو
هزو روسهم البنات وبعد دقايق خلصو وطلعو مع ساره
يدخلون مجلس النساء
وكانو اغلب حريم الديره موجودين وفجأة لفو يناظرون البنات ورفعت صوتها ساره من دخلت ترحب فيهم : يالله انك تحييهم وش اخباركم واعلومكم ؟
الكل : بخير نحمد الله
هزت راسها ساره تناظرهم وتكلمت زينب : ميشو يامي صبي لي قهوه
وقفت مشاعل تمشي بدلع واخذت الدله وتقدمت تصب لامها وتكلمت الجده سلمى : صبي لنا معتس
تقدمت تصب للحريم وصلت عند اخر ثنتين وكانو ام زاهيه وام عساف وكانو يتساسرون بينهم ومشاعل واقفه تصب لهم وتكلمت ام عساف : انتي صازه يحسنى ؟
حسنى ام زاهيه : اي والله وصلني الخبر من ابونا
ام عساف بذهول : هو قالتس ان ذيب خطب بنتس ولا بيخطب
ام زاهيه هزت راسها : والله اني مدري حتى شيخه ماهرجتني
فزت بفجعه من صرخت ام عساف ووقفت معها وفزو كل من فالمجلس بخوف
ولفو على مشاعل الي تكح وترجف وصرخت ام عساف : يهبي يوجهتس انتي مجنونه صبيتي الدله كلها علي
شهقو الحريم يناظرون مشاعل الي تكح وتقدمت ساره عند ام عساف : حصل خير تعالي غسلي
ام عساف بعصبيه : وشهو تبين اروح واتركها بعد ماحرقتني الناقصه
فزت زينب وتكلمت : ماناقص غيرتس يام لسان اكيد ان بنتي ماتقصد
ام زاهيه : خلاص يجماعه تعوذو من الشيطان
لفو على مشاعل من طلعت تركض وتكلمت زينب : عين ماصلت على النبي يهيب يعيونتسن
وطلعت وراء بنتها
وتكلمت الجده سلمى : استريحو يناس ماطاح غير الشر
ام عساف : والله اني ابسكت احتراماً لتس لاكن اسمحي لي اطلع اغير ثوبي واجيتسن
ساره : بانتظارتس
وطلعت ام عساف لبيتها مستعجله ماتبي يفوتها من كلام الحريم حرف 😂
لفت تناظرهم باستغراب وتكلمت : وش توقعن الي سمعته ميشو على قولت امها
ترف رفعت اكتافها : مدري البنت طلعت ترجف شكله موضوع قوي
شادن بكره : اتركنها بعد هي تحب تكبر السوالف
عاليه بخوف : يمه يخوف شكلها
ريم بتفكير : ماني بجالسه لازم اعرف وش سمعت
ترف : معليتس اجيب الخبر بس اسمعن
لفو يناظرون ترف بتركيز وقطع عليهم الي دخلت ورفعت يدها تسلم : سلام عليتسن
لفو يناظرونها وانصدمو وتكلمت شادن بعصبيه : يهيب هاذي وش جابها
تقدمت تسلم على الحريم وبعد ماخلصت منهم تقدمت عند البنات وناظرتهم بابتسامه وتكلمت : وش اعلومتسن
شادن ناظرتها بكره وتكت : مالتس دخل
ابتسمت مهره وتقدمت تسلم على ترف وعاليه وريم الي سلمو عليها بدون نفس وتعدت تختار مكان ونزلت عباتها ونقابها ولفتها تجلس وناظروها البنات بصدمه وتكلمت شادن : يعع الشيفه
ترف : مغيره لون شعرها نعنبوها
ريم : متغيره كلها وخدودها كبرانه
عاليه بضحكه : مصفقها سطام
طاحو البنات يضحكون وتكلمت شادن : ليته والله بس ماضنتي
ريم وهي تاخذ نفس : يعزتي لتس ي اريج
لفت عليهم اريج من سمعت اسمها وابتسمت تهز راسها بمعنى وشو وتكلمت ريم : نقول نحبتس
رمت لهم اريج بوسه وتكلمت ترف بهمس : سبحان من حط مهره اختس
شادن هزت راسها : اي والله
ريم اشرت ل اريج تجي عندهم وقفت اريج تجيهم وتكلمت عاليه : اختس حليانه ممكن تعلمينا وش الخلطه
ريم وشادن ناظرو عاليه بكره ولفو يناظرون اريج من قالت : ابد والله هذا هابين فيه الحريم يسوونه
ناظروها بتركيز وكملت : نافخة خدودها وشفايفها
ريم وهي تناظر مهره كشرت : يفرقى
شادن : نافختهم بهواء
ضحكت اريج : لا ماده يحطونها في الخدود عشان تنفخ وتزين
ترف : انتي مسويه معها ؟
هزت راسها اريج : لا انا ماحتاج
ريم : اي احسن زينتس طبيعي مهو صناعي
عاليه : وبكم تسويه ؟
لفو يناظرونها البنات بصدمه وتكلمت : ماني متأكده بس حول الاربعين الف
شهقو يناظرون مهره وتكلمت شادن بهمس : هي كلها ماتجي اربعين الف
ريم كزت شادن جنبها عشان اريج ماتسمعها وتزعل وتكلمت : الله يستر عليها
ورجعو البنات يناظرون مهره ماعداء عاليه الي ماسكه اريج اسئله وسوالف عن الفلر والتجميل
...............................
تقدم يناظرهم واقفين وتكلم : وش عندكم هنا ؟
راضي : طفشنا من داخل مافيه غير ابو عساف يشرب في القهوه وسوالف جدك والشياب الي تغث
ضاحي : عزتي لسيف وصالح ماسكينهم قهاوي
نياف : الله يعينهم
ذيب تكى عالجدار يناظرهم ولفو من تقدم عندهم ناصر وقرب من ذيب ينفث الدخان على وجهة وغمض يبعده : يورع
صد ذيب يكح وتقدمو صقر ونياف من رجع ناصر يكرر حركته وبعدوه وتكلم صقر بعصبيه : اذلف
ناصر ضحك : وش فيكم امزح معكم انا
نياف : مهب مزح هذا ولاعاد تجي وبيدك الزفت ذا
ناصر وهو ينفث : انت بتمنعني كيفي انا اجي وقت مابي
راضي : ناصر ارجع لمحلك الي جيت منه
ضاحي بخوف : يعيال ذيب
لفو عليه وفزو يمسكونه من طاح وهو مكتوم ورفع يده صقر يدور بخاخ الربو في جيوبه وطلعه يحطه عند فمه ويبخ
وبعد ثواني رجع ذيب لوعيه وضحك ناصر : بغيت تموت
سكت ذيب يتنفس وتقدم نياف بعصبيه يمسكه من ذراعه ويبعده ورفع اصبعه بتهديد : يمين بالله ان شفتك مره ثانيه لاثور فيك تفهم ولا ماتفهم
ناصر بابتسامه: افهم .... وراح يمشي تاركهم
رجع نياف لهم وكان ذيب جالس على ركبه ويتنفس
وتكلم راضي : ياخي لازم تشوفلك حل دايم منكتم
ذيب ببحه اثر الكحه : مابيدي شي هذي مزروعه فيني ماقدر اغيرها
ضاحي : يعينك الله ياصاحبي بس دواك لاتفكه خله معك
هز راسه ذيب وتكلم صقر : شرفت
لفو من تقدمت عندهم امنه وتخصرت تناظرهم وقالت: انتم ماتستحون مخلين الرجال وناقعين هنا ادخلو ساعدو وقهوو اثبتو انكم احفاد عقاب وماعليكم خوف
ناظروها باستغراب وضحك راضي : هذا الي ناقص
صقر تخصر وقال بقل حيله : الحين انتي وش دخلتس بس ابي اعرف احد مرسلتس النا وراتس عاقبتينا كل ماشفتينا قعدتي تسفلين فينا
امنه : مانلام انا كل ماعاينت في محل الا الي جالس له مع سرابيت ودخانهم والع فيهم والثاني مجنون ويهرج نفسه والثالث يغازل والرابع راقد لاشغل ولا مشغله والخامس لذكروه الناس قالو قليل خاتمه
مسكو روسهم ذيب ونياف و رفع يده صقر يسكتها من تكلمت بتكمل واشر على الباب : انتي مره ومحلتس مع الحريم مالتس دخل في الرياجيل وسوالفهم واتمنى ماعاد تتدخلين في الناس لان باختصار مالتس دخل
رفعت يدينها امنه تكش عليه وتقدمت تدخل وضحك راضي وتكلم ضاحي بصدمه : لا اله الى الله وش هالادميه
صقر بقهر : امحق ماهي ادميه هاذي جاثوم
ذيب ضحك يمسح وجهة وتكلم : كلهم عرفتهم بس من الي يغازل هذا ؟
نياف : لازم نصيده
صقر : تدرون احس جدي مبخششها
لفو يناظرونه وكمل : تراقب يهيب يوجها
ذيب : تجي عليه عاد هو يحب هالحركات
ضحكو يناظرونه وتكلم راضي : ولا مره فحياتي شفت مره نفسها قسم احيان اذا شفتها احسها شيخ القبيله من مسكتها للعبايه تعاملها معاملة بشت وكلامها
صقر : ولا مشيتها تقل معضل
جلسو يضحكون ولفو من تقدم المملك وتكلم : بيت عقاب
هزو روسهم وتقدمو يسلمون عليه ودخلو معه
...............................
وبعد ما المملك كتب كتابهم ووقع هادي تقدم سطام واخذ الدفتر يدخله ل سلمى وتقدم يوقفه ذيب وتكلم : لاتخرب فرحتها
سطام : يابن الحلال براضيها وابارك لها وابيك معي
ذيب هز راسه : اليوم ماقدر اساعدك والله تعال بكره وابشر اهرجها عنك اليوم لاتخرب فرحتها وتنكد عليها
تأفف سطام وتقدم ذيب واخذ الدفتر منه وتقدم عند الباب ورفع صوته : يولد
التشبيهات في الانستاء ( rxoa.19 )
