فزو شيخه وشادن وساره وطلعو له وناظرهم وابتسم : وين العروس
شيخه : داخل شادن سكري الباب
هزت راسها شادن تسكر الباب وتقدم ذيب وامه وشادن وعمته معاه
طق الباب وسمع ردها : من
فتح الباب يدخل وابتسم يناظرها جالسه وتقدم : كيف حالتس
هزت راسها سلمى بابتسامه ونزل الدفتر قدامها : موافقه ؟
ناظرته ولفت تناظر امها وعمتها ونزلت راسها تهزه وابتسمو يناظرونها وتكلم ذيب وهو يأشر : وقعي هنا
مسكت القلم بيد ترجف ووقعت ولفت من رفعو ايديهم ساره وشيخه يزغرطون وتقدمت شادن تحضنها وتكلم ذيب : مبروك
ابتسمت بخجل وباس راسها و وقف يطلع
دخل المجلس وكانو كلهم مبتسمين لان صوت الزغاريط واصلتهم وابتسم ذيب يناظر هادي : مبروك
ضحك هادي يناظرهم وتقدمو يسلمون عليه ويباركون
وبعد التباريك والفرح جهز العشاء وتعشو الكل ومن بعده طلعو لاشغالهم وبيوتهم
تقدمت تطق الباب و وصلها صوت زاهيه وهي تقول : من
وتكلمت مشاعل بحقد : افتحي ابعطيتس غرض من جدتي
فتحت زاهيه وتكلمت بابتسامه: ياهلا ومرحبا
تقدمت مشاعل تناظرها وسكرت الباب بقوه وعقدت حواجبها زاهيه تناظرها وتكلمت : عسى ماشر
مشاعل : الشر جاتس وفتحتي بابتس اله
استغربت زاهيه وتقدمت مشاعل ( لان مشاعل سمينه وطويله وزاهيه قصيره ونحيفه ) تمسك شعرها وضربت راسها فالجدار وصرخت زاهيه بألم وتكلمت مشاعل تشد على شعرها : يمين بالله ان سمعت انتس وافقتي على ذيب ولا صرتي مرته والله لاجي واذكيتس هنا
عضت شفايفها زاهيه بألم من الضربه الي صارت تنزف ومن شد مشاعل لشعرها وتكلمت بوجع : فكيني انتي مجنونه وش قاعده تقولين
مشاعل فكتها بقوه وتكلمت : جاتس العلم وسمعيه
طاحت زاهيه وعقدت حواجبها بالم من الطيحه
وفتحت الباب مشاعل تطلع وصادفتها ام زاهيه الي تو رجعت واستغربت وجودها فبيتها وتقدمت تدخل
وشهقت من شافت زاهيه طايحه وتبكي فزت بخوف وتقدمت تجلس عندها وتكلمت : وش فيتس كذا ؟
زاهيه وهي تبكي : يمه مشاعل جت تضربني وتهدد
حسنى ناظرت جرح زاهيه الي ينزف وكملت : وش قالت لتس ؟
زاهيه بوجع : تقول اذا وافقتي على ذيب بذكيتس هنا يمه انا وش دخلني والله ماذيها ولا احتسي معها
حسنى ناظرتها بوجع ومسكت ذراعها تسندها ووقفت معها زاهيه وتقدمت تعقم جرحها وتغطيه وهي تتحسب على مشاعل
رجعت مشاعل للبيت وكانو العيال مجتمعين بيطلعون وقفت تناظرهم شوي وتكلم فارس باستغراب وهو يتقدم ناحيتها : وين كنتي ؟
مشاعل ناظرته وناظرت عيال خوالها الي لفو عليها وناظرت ذيب بينهم وتقدمت تدخل البيت عقد حواجبه فارس باستغراب ومشى وراها يدخل
ناظرو بعض العيال باستغراب ومشو يكملون طريقهم
وبعد ثواني دخلو الدوانيه وتقدم صالح يناظر العامل الي يغسل الدلال والاباريق ومد يده ياخذ ابريق يسوي شاهي ولف على العيال من جلسو
لف نياف على صقر : كيف الدكان معك :
هز راسه صقر يشرب مويه : من رحت بدا يتراكم علي الشغل بس راضي مايقصر
ابتسم نياف يناظر راضي وتكلم ذيب : كيف شغلك ؟
نياف هز راسه : زين
راكان : تنصحني اجي معك
نياف : تبون الصدق احسن من الديره بمليون مره
سيف: يمدحونها هادي وغيث
ذيب : بس تغث بالزحمه صح
هز راسه نياف : في ذي صادق
راضي : الديره على قد القبيله ماتجمع الناس كلها نفس المدينه
صقر تكى يفكر ولف عليه ذيب من شافه ساكت وابتسم وقال : يعيال صقر يخطط
لف عليهم صقر وابتسم يتربع ومد يده يشرح : عندي فكره ليش مانطبقها على ديرتنا الحبيبه
ناظروه العيال بتركيز وتكلم راكان : ماهي بضابطه بس تكلم
صقر اخذ الكاسه من نزلها صالح وناظر راكان بعصبيه وتكلم : تسكت ولا ابلعكيها
راكان رفع يده على فمه يسكت وكمل صقر يناظرهم : ليه مانغير في الديره يعني بدال ماهي سامجه كذا نسوي فيها منتزه صغير وفيه فعاليات وكذا فهمتوني ؟
راضي : ويمسكوننا شياب القبيله ونصير مهزله
نياف : اذا شاورناهم مبيقولون شي
ذيب : طيب لازم ندفع عشان تضبط الفكره
صقر : ماعليكم من الدفع نختصر بدال ماندفع نسوي حنا
نفس السعف الي فالدكه مهب حنا الي مسوينه خلاص نسوي
سيف : لازم فيه العاب وزرع
صقر سكت شوي يناظرهم يناظرونه وتكلم صالح : لازم فلوس عشان نسوي
راضي : نقط ؟
صقر : القطه من ٥٠٠
راكان : بتبني قصر افراح انت ؟
صقر هز راسه : ببني مسلخ
ناظروه العيال بصدمه وضحك يناظرهم وتكلم ذيب : والوادي وش مقصر معك فيه اسلخ هناك
صقر بتنهيده : ياخي طفشت كل يوم على نفس الحال نبي نغير شوي
نياف : ابشر ينزل راتبي واغير جوك وش تبي بعد
صقر بتفكير : ابي اسافر للخارج
نياف ناظره : في ذي تبطي
ضحك صقر وضحكو العيال معه
راكان : نسفرك عندهم ولاعاد تجي خلك
صقر : تدري انه احسن لي من مقابل خشتك
هز راسه راكان ولفو من دخل عساف وتأفف ذيب يتكي
وتقدم يناظرهم جالسين وتكلم : وين عيال عمتكم ام السان
ناظروه باستغراب من اسلوبه وتكلم نياف : ثمن كلامك معنا
عساف جلس يتكي : خلصو وينهم
ردو كلهم : ماندري
عساف جلس ثواني يناظرهم وتكلم : شكلكم ماتدرون عن شي
لفو عليه وتكلم بهدواء : بنت عمتكم محرقه امي
ناظروه بصدمه وكمل : وابي اخوانها يربونها الي ماتستحي
ذيب : تبيهم رح دورهم لاتجي عندنا
عساف وقف يطلع وتكلم ذيب بكره : اذلف
راضي بابتسامه: انت كارهه بزياده
ذيب : يصبرني ربي دايم وهم قدامي قطععع
صقر : اتركهم لاتتمشكل معهم
ولف عالباقين وكمل : وش قلتو في خطتي
راكان فز بيتكلم ورفع يده صقر يسكته : اذا زين اهرج غيره بصنك بالبريق
سكت راكان يناظرهم وناظرهم صقر ساكتين وعرف ردهم وسكت يناظر الفراغ
وبعد ثواني صمت لف من نغزه ذيب ووقف يطلع ورجع ناظر العيال و وقف يطلع وراء ذيب
ركض يتقدم عنده من كان يمشي بسرعه وهمس : وشفيك مستعجل ؟
لف عليه ذيب وهز راسه يكمل طريقه ومن وصلو فتح الوانيت يركب وركب جنبه صقر وشغل ماشي
وتكلم صقر : يارجال اهرج ؟
ذيب لف عليه : مهب تبي تغير من نفسيتك اصبر اغيرها انا
سكت صقر يناظره وتكى يناظر الطريق
وبعد دقايق وقف سيارته ولف يناظر صقر المكان ولف عليه : كيف طحت عليه ذا ؟
ذيب بابتسامه : فايدة التوصيلات
ضحك صقر ينزل ونزل ذيب معه وتقدمو يدخلون وتكلم الحارس : الدخول بعشرين
ذيب : النفر ؟
هز راسه الحارس واشر جهة بائع التذاكر وتقدمو عنده ورفع يده ذيب لجيبه يطلع الفلوس وتكلم بائع التذاكر : بالعشرين ذي تاخذ تذكرتين العاب تبغى العاب ولا مكان استراحه ؟
صقر هز راسه : كيف ؟
بائع التذاكر : التذاكر تبغونها العاب ولا تحجزون بها جلسه استراحه
ذيب : ارض الله واسعه لابغينا نجلس جلسنا بس جب العاب
هز راسه يمد عليه التذاكر واخذوها يدخلون
ولف صقر يناظر المكان والالعاب والناس الموجود والبزران الي يلعبون ولف يناظر ذيب وابتسم : وانا اقول هذا وين يختفي اثريك هنا وتقول فالعزبه
ذيب ضحك : لا والله ذي اول مره ادخله ترا ماقد جيته
ابتسم يلف على صقر وكمل : معك تذاكر العب الي تبي
صقر لف يناظر الالعاب وتقدم يناظر القطار وتكلم : تركب معي ماركب لحالي
ذيب هز راسه : انا نفسي في لعبه بس بعيد اخر شي
رفع يده على كتوف ذيب وتكلم : مانخليها فخاطرك امش بس
مشى معه ذيب ووقفو عندها وتقدم العامل وتكلم صقر : بنلعبها
هز راسه ومد يده عشان التذاكر واخذها ورجع تذكرتين وتكلم ذيب : عشان العبه
العامل : تختلف اللعبه ذي النفر ب عشره
هزو روسهم وفتح الباب يدخلون واختارو مكان يجلسون فيه وكانو اثنين جنب بعض ولفو من تقدم عندهم يسكر الاحزمه عليهم وصقر من الحماس يلعب برجلينه وذيب يناظره ويضحك
بعد العامل وتكلم صقر : متى تبداء
العامل : دقيقه فيه لاعبين
لفو ذيب وصقر من راح يناظرونه وتكلم صقر بذهول : يشيب عيني هذلي بيركبن معنا
ذيب نغزه : اسكت لاتفشلنا
سكتو يناظرونهم ودخلو البنات يتوزعون وهمس ذيب بضحكه : اهم شي مايعرفون عقاب
صقر : ماضنتي لو يعرفهم طلبت الطلاق جدتك
ذيب ضحك من غبائه وتكلم : ياغبي قصدي عشان مايدري عنا
صقر : اييه لا بعيدين عن شاربه هذول
لفو من تحركت اللعبه معلنه بدايتها
وتمسك صقر في ذيب من بدت ترتفع بهم وتكلم ذيب وهو شاد صقر : ماتخوف بس غمض عيونك دقايق وفتحها اذا قلت لك
صقر همس يسبح ويستغفر وضحك منه ذيب وهو يناظر راسه عند كتفه وماسك ذراعه
وقفت من الارتفاع وبدت تدور فيهم وابتسم ذيب يناظر الناس والالعاب والمدينه تحتهم ولف على صقر يتكلم : بالله شف المنظر ياخذ العقل
صقر بصراخ : اي ياخذ العقل كلم العامل يوقفها بسرعه
سكت ذيب يناظره ولف من سمع صياح البنات ورجع يناظر صقر : افااا البنات فاكين يدينهم ويصايحون بحماس وانت رجال ومتخبي
سكت صقر يسمعه وفتح عيونه بخفيف وشاف ذيب الي مبتسم ويناظر الناس تحته ولف عليه ذيب من تحرك وهز راسه : شفهم
رفع راسه وهو عاقد حواجبه يناظر قدامه ويناظر محل ماشر له ذيب وفتح عيونه بذهول من المنظر ولف يناظر ذيب ورجع يتلفت يناظر وبلع ريقه : ياخي راب الماء في بطني من الراعه
ذيب ضحك : يخوف صح بس يونس
هز راسه صقر يناظر وناظره ذيب وابتسم بخبث : تخيل ينفك كرسينا ونطيح
ناظره صقر بخوف وقال : لاتداوي وتجرح
ضحك ذيب : امزح ياخي واصلن مربطه باكثر من حديده ماتنفك
هز راسه صقر : حديدهم احسن من حديد ابوك حق العزبه
ذيب : مايجي شي عند هذا
صقر : وش رايك نشيلها ونحطها في الديره ؟
ناظره ذيب بصدمه : وش تشيل ؟
صقر : اللعبه هذي
ذيب : احلامك واجد وانا اخوك بس حاول تقصر فيها
صقر : والله اطلع من وراهم فلوس
ذيب : بيرزقك ربي بس شل الفكره من راسك
سكتو من بدت تنزل بهم وثواني ووقفت وتقدم يفتح لهم الحزام ونزلو يطلعون ويكملون لعب
...............................
*اليوم الثاني ف المستشفى*
دخل الدكتور ولفت عليه نجود الي جالسه عند جدها من جابت له الفطور
وقفت تناظره شوي وتقدمت تشوف اوراق التحاليل بين يدينه مدت يدها واعطاها الاوراق تشوفها وراشد جالس يناظرهم ناظرت الدكتور بخوف ولفت تناظر جدها وهمس راشد : وش فيه ؟
بلعت ريقها تناظره وصدت من دخلو العنود وامها وخالها
وقفو يناظرون نجود والدكتور وتكلمت العنود : وش فيكم ؟
الدكتور هز راسه وتكلم : طلعت نتائج التحاليل والاشاعه واتضح ان فيه ورم قريب الرئه
جمدو اماكنهم يناظرون راشد الي يناظر الدكتور وتكلمت نجود عشان مايخافون : حجمه صغير مايخوف
لف عليها الدكتور بصدمه لان حجم الورم كبير واحتمال يئدي للوفاه لانه بين القلب والرئه
وناظرته نجود وهزت راسها بمعنى لاتقول وسكت يناظرهم وكمل : فيه حلين الاول عمليه واحتمال تنجح واحتمال تفشل والثاني تدخل في جلسات كيماوي
تقدمت العنود تجلس بصدمه من الي تسمعه وناظرها راشد وتكلم يهز راسه : لاتنكسرين وتكسريني بدموعك
سكتت العنود تناظره بين دموعها وتكلم مشاري : طيب وش احسن حل ؟
نجود : جلسات كيماوي
الدكتور : بس بتأثر عليه لانه كبير سن والمناعه ماتتحمل
راشد : بسوي العمليه
لفو يناظرونه وتكلمت عذبه : يبه يقول احتمال تنجح واحتمال تفشل
راشد : الي كاتبه ربي بيصير
ناظروه ثواني وتكلم الدكتور ل نجود : جهزي اوراق العمليه
هزت راسها نجود وطلع الدكتور وناظرتهم بحزن وطلعت وفيها غصه
لفت تناظره يناظرها ورفعت راسها تناظره وأشر لها تجي عنده
وقفت تتقدم وجلست جنبه تناظره ورفع يده على كتوفها يحضنها ويمسح على ظهرها
ولف يناظر مشاري وعذبه الي يناظرونه بحزن وتكلم : ولا مره ناظرتوني بهالنظره ولا ابيكم تناظروني بها
لف مشاري يناظر عذبه الي لفت عليه وتنهد يصد
جلسو دقايق طويله بهدواء ولفو من دخلت نجود وتكلمت : العمليه بعد ساعتين
لفت تناظرها العنود ولفت على راشد الي هز راسه وتكلمت وهي تناظرهم : لاتشيلون هم انا بكون معه
راشد بابتسامه عشان يخفف عنهم : دام ممرضتي نجود معي تطمنو
ناظرته العنود وميلت راسها لانها تحس فيه وتعرف انه يخفف عنهم حزنهم وتقدمت تبوس راسه وتنزل تبوس كفه
وتكلمت نجود : لازم تتجهز عشان نوديك للغرفه
ولفت تناظرهم : تقدرون تنتظرون برا
هزو روسهم وطلعو وتتقدم تساعد جدها من وقف
وناظرها وشد على يدها وتكلم : انا عارف ان الورم حجمه كبير وانكم تخبون عني وكله عشان العنود وخالك وامك مايخافون بس بقولك شي
رفعت راسها تناظره وتجمعت دموعها وتكلمت : وشو ؟
راشد : لاسمح الله وما عشت لاتتركين العنود وخليك معها وقولي لها تشوف الصندوق الي فمكتبي وهي بتفهمني
نجود اخذت نفس ونزلت دمعتها من كلامه واشرت على عيونها : بسم الله عليك ان شاءالله بتعيش بس وكل امرك لله و العنود في عيوني ولو يتركونها الكل ماتركتها ولا رح اتركها
ابتسم يناظرها وتقدم يدخل دورة المياه
رفعت كفها تمسح دموعها وتهف على وجهها من داهمتها البكيه ولفت من دخل الدكتور وناظرها : لاتدخلين غرفة العمليات بهالحاله
سكتت تناظره واخذ الاوراق وطلع وبعد ماهدت من نفسها تقدمت تطق الباب وتنادي جدها فتح الباب وهو ماسك راسه وتقدمت بخوف : شفيك ؟
التشبيهات في الانستاء ( rxoa.19 )
