صراع امرأة

البارت الاول

اني رفل ابنيه متواضعه جدا كلبي حنين حيل وخاصه اهلي اعشقهم احبهم لدرجه افديهم بعمري اني صغيره وعندي اااخ اكبر مني عائلتي متكونه من بابا وماما واخوبه وزوجته امي اسمها جواهر وبابا اسمه ادم واخويه رياض وزوجته سعاد عدهم ولد اسمه سعد ع اسم خاله الي استشهد قبل ولادته احبهم للاهلي يعني نقطة ضعفي هما ودراستي جنت متفوقه بيها كلش حاليا سادس علمي جكد اقره ولازم اطلع معدل زين ارفع راس اهلي بيه بابا يحبني حيل كلشي اتمناها ينطنياه مايكلي لا اخوي يحبني هم بس بجود زوجته ممنوع الحب سعاد حامل وماما تخدمها مرات تكسر خاطري اساعد ماما بس متقبل تكلي اريدج ترفعين راسي فعلا درست وخلصت امتحانات جابت سعاد وراحت للهلها من يطلع الاربعين تجي اليوم نتائج وراح بابا للمكتبه يطلع نتيجتي قلق ع خوف كلشي ولا اخيب امل اهلي رحت لسجادتي اصلي وادعي اريد طب اسنان بابا يريد يفتخر بيه كدام اهله لان بناتهم كلهم واصله وعلاقتي بيهن كلش حلوه وره ساع اجه بابا وجه حزين ومدنك لميت سجادتي ع سريع ومن شفته هيج تغلغت دموع بعيني ماما ضامه ضحكه ومندكه بس مبينتلي
رفل:ها بابا بشر
ادم:بنتي لازم تقوين كلبج تره الله سبحانه تعالى ميضيع تعبج بس عسى ان تكرهوا شيئا وهو خير لكم
رفل:نزلت دموعي يعني بابا شكد معدلي
ادم:بضحكه 99ونص مبروك حبيبتي ردتي اسنان طلعتي عام
رفل:طفرت بحضن بابا فرحانه كلش وماما تهلهل
جواهر:كللللوش قلبي مبروك يعمري
رفل:شكرا حبيبتي
كلهذا واكول كله من اهلي همه الي وصلوني لهل مرحله رياض اجه باركلي وانطاني هديه وكال
رياض:حبيبتي مبروك بس اتمنى كدام سعاد لاتكولين مني هل هديه
رفل:فرحت بلهديه بس ضجت لان كلي هيج
عفته ومشيت احبهم شكلولي هاي هيه سولي حفله بنات عمي عزمني لبيت جبير بيت جدي صالح علمود كلنا ننجمع عمامي 3من بعد بابا وجبير بابا ومن بعده عمو طاهر عنده اوس و امل وجمانه وياسر وعمو حمزه عنده يس وجروح ودموع ويزن وطارق وعمو جمال عنده جواد وجابر وجلال وغسق وغنا وسما طبعا كلنا واحد يحب لاخ ياسر مزوج غسق وجروح مزوجه جواد ودموع مزوجه جابر وامل مزوجه جلال
كلنا منحب الغريب طبعا اهلنا عادي ينطون غريب بس البنات متحب غربه نحب من وبينا رحت للبيت جدي سلمت عليهم كلهم وفرحانين كلهم بيه اجه جدي رحت اركض عليه
رفل:جدو حبيبي
الجد:هلو بنيتي والله ورفعتن راسي هاج هاي هديه مني انطاني ورقتين
رفل:بس هلكلام يكفيني جدو ليش متعب نفسك
الجد:هو كم رفوله عدنا
رفل:الله يخليك خيمه فوق روسنه جدو
ضحك وراح اباوع لبابا وماما فرحانين كلش وهذا يفرحني اجو عمامي كلهم همه وعوائلهم كلمن جابلي هديه شكل يحبوني حيل وفعلا بسره ينطوني فجاءه شفت احد غايب قلبي نعصر حيل ودموع صدك ضجت بوقتها وكمت احجي ويه نفسي ليش ماجه ليش مشفته هف يعني باحله يوم مالكاه بله حته فشله اسئل عليه ضليت اسلم عليهم وفجاءه شتميت عطر حلو نفس العطر الي كلمره اشمه بس 8اشهر مشامته تقدم بخطواته فرحت حيل
اوس:مبروك بنت العم
رفل:الله يبارك بيك ابن عم
اوس:هديتج بعدين توصلج بطريقتي
رفل:عادي المهم اجيت
اوس:هههه لج انتي كبرتي وراح صيرين دكتوره
رفل:هههه لعد شعبالك
اوس:غمزلي وراح
ضحكت اووف جكد احبه لهل شخص صارله سنين ينتظرني ويحبني اكثر من روحه حاوطني باهتمامه مواصفاتي حافضهن ومواصفاته حافضتهن شعره عالي عيونه كبار عسلي خشمه عدل حلكه شويه جبير بس لحيه مربي عاليه مرتبها ع شوارب اووف جكد حلو هو هندسه نفط مخلص وحاليا بوظيفته بلفاو بلبصره وكل عشر ايام يمنا يضل 15يوم يدور نقل ماكو بس دائما يقضي الوقت يمنا واني فرحانه بهل شي كعدنا ع عشه كلنا وفجاءه حجه بابا
ادم:بويه اني بعد مااكدر اعيش بلحله رايح انتقل للبغداد لان شغلي انتقل لهناك
جنت اكل وفجاءه غصيت جابولي مي وجدو حجه
الجد:ليش يابوي احنه من شوكت نطلع من كاعنا وروح للغربه
ادم:بويه الله يخليك لاتعرضلي بس نقلوني شسوي وتدري اني يوميه هنا باجر عيالي منو الهم رياض بدوامه ويه اوس احسن اخذهم وهم يوميه يمهم
الجد:دنك راسه وحجه بقهر بكيفك يبوي انته اعرف مصلحتك
(للكاتبة رقية العوادي)
طبعا بابا رائد بجيش نقلوه للبغداد علمود يقضي ع فساد الاداري الي هناك اني ضجت ع عمامي شلون راح اعوفهم اكره الغربه لا يالله شلون اوس بعد مااشوفه عفت الاكل ورحت ع سطح بلمكان الي جنت ازعل بيه من يبجوني اني وصغيره بجيت حيل اكو احد خله ايده ع كتفي وحجه
اوس:ليش هلدموع
رفل:يعني بعد مااشوفك
اوس:ليش بله وراج وراج
رفل:صدك يعني مثل كل مره اشوفك بيها
اوس:واكثر لان راح ينقلوني لبغداد اني واخوج وابات يمكم
رفل:صدك الله جكد ارتاحيت احبك اوس طبعا لاول مره اكولها وطلعت من قلبي بعد9سنين
اوس:واني اموت عليج جكد جنت منتظر هلكلمه وهسه ربطتني بيج مدى الحياه
رفل:خجلت وردت اطلع من هاي سالفه وكلتله وين هديتي
اوس:ههههههههه تهربي تهربي
طلعلي علبه بيها حلقه مكتوب عليه اوس يحب رفل بس كتابه صغيره وكلش حلوه ابتسمت
رفل:الله جكد حلوه
اوس:بأيدج احله
رفل:اوس لاتعوفني اموت والله
اوس:ولج اني خايف خاف تعوفني من شوفين الجامعه
رفل:ميحله بعيني بس انته مثل من ماحلت وحده بعينك بس اني
اوس:وعد
رفل:وعد للموت ميصير اسمي بجنسيه غيرك
اوس:احبج
رفل:يله امشينا
اوس:عههههههه اوف منج
لبسني الحلقه ولبست محبس عليها علمود متبين ونزلنا رجعنا للبيت طبعا سعاد اهلها بغداد والمكان الي رايحين اله فرق فرعين بيت اهلها عنا لملمنا ملابسنا وبس لان بابا كال كلشي محضر هناك وصدك رحنه لبغداد دخلنا للبيت كلش جبير اول مدخلين حديقه جبيره وبنصها ممشى مثل صبه بس شتايكر من جهه ثانيه كراج سيارات مال ثلاثه والحديقه انواع ورود بيها وبيها مرجوحه وميز طعام وهو كراسي ودور طارمه كلش جبيره مرمر واجهيت البيت كله سيراميك دخلين من المطبخ طبعا اثاث تركي وكل بيت طبعا هيج صح حلو بس مو مثل بيتنا بلحله بيه طابق جوه غرفتين وفوق اربعه غرف وياهن مطبخ وحمام طبعا عرفنا هذا لسعاد وجوه لنا دخلت لغرفتي بابا جابلي مثل اثاث الغرفه القديمه علمود ميحسسني انه اني بعيده عن اهلي لون وردي جدار كنتور وردي سرير هم وردي مرجوحه بلنص الغرفه  ع ايطار تركي كلش حلوه بابا كلش يهتم بيه دائما اسمع بابا يكل لماما اذا الله اخذ امانته اوس هو الوصي عليها واملاكي كله الها وهيه بكيفه تنطي اخوها لان يدري بمرت اخويه لازمه اخوي وراح اذلنا استقرينا بغداد وقدمولي ع طب وطلع قبولي بحله لان قدمت هناك علمود بنت عمي جمانه بنفس جامعه بس صيدله واني طب وخاف وحدي بغربه فقررت هيج فرحت هواي بس بنفس الوقت شلون بيه بابا قرر اكعد يم بيت عمو اوس لان ميقبل ادخل اقسام رحنه للمول نشتري ملابس للدوام وفعلا اشتريت تنوره سوده مع ستره سوده وبدي وياهن زيتوني وشال زتوني  وحذاء وجنطه وساعه نفس لون شال ...بنطرول بيجي ويه مالتو بيجي وشال وجنطه وحذاء وساعه نيلي هواي شتريت ورجعت للبيت لكيت مرت رياض هنا سلمت عليها وخذت ابنها
(للكاتبة رقية العوادي)