نصبوا الصوان
وأنا ماشى مع صحابى مروحين بعد ما أتنفخنا فى الدرس (طبعًا لازم نتنفخ ده الامتحانات على الأبواب خلاص) بدأنا نتكلم فى موضوع غاية فى الأهمية:
زين: سمعت عن موضوع عن الاستبندد ومن (يارب أكون كتبتها صح) ده هيقصر على مسقبلنا.
محمد: يا عم لما نتخرج ونشتغل ونشترى شقة نبقى نفكر فى موضوع الجواز ده.
أنا: يا محمد. زين يقصد أن الأستبندد ومن ده هيقصر على مستقبلنا لأنه بيولد العند ما بين الراجل والست والعند بيولد كره الست الأستبندد ومن بتطالب بحقوق المرأة وأنا معاها جدًا فى الموضوع ده لأن المرأة نص المجتمع بس هى بتدور برضوا على إبرة فى كوم قش هى بتطالب بالمساواة بين الجنسين مش بتطالب بإعطاء الجنسين حقوقهم.
محمد: وهى هتفرق؟
أنا: هتفرق كتير لأن الأستبندد ومن عايزة الست تبقى زى الراجل بالضبط وده غلط. الست عمرها ما هتبقى فى قوة الراجل لما يكون فى الحرب والراجل كذلك عمره ما هيبقى فى قوة الست لما تكون حامل أو بتولد أو بتربى الأطفال. أو كمان موضوع الست مش ملزمة والراجل مش ملزم! طب إزاى مش ملزمين؟! هيعيشوا مع بعض إزاى. الحياة الزوجية أو الحياة عمتنًا خد وهات. وده بيخلق المسافة الفكرية بين الراجل والست فبيولد العند والكره علشان كدة هقصر يا محمد فى المستقبل فى حياتك كلها فى شغلك أكيد هتتعامل مع الستات مرات أخوك مثلًا أختك
محمد: أو أمى؟!
أنا: لأ بقى. الأم الوحيدة إللى تبقى مخالفة الأستبندد ومن يعنى مثلاً واحدة ست كبرت فى السن جوزها يقولها ما تشتغلش تقعد فى البيت علشان السن وكدة وهو فى نيته أنوا يهنيها ويريحها ويخليها ملكة بعد شقى طويل تبقى مشعللة ومولعة منو لكن لما أبنها يقولها كدة وبنفس الهدف يبقى على قلبها زى العسل. غريزة الأم بقى تفوقت على الأستبندد ومن وده يرجعنا لموضوع المساواة بين الجنسين إللى بيخلق الكره لأن المساواة غلط من الاساس والعدل هو الصح لأن غريزة الأم إللى ربنا أعطاها للأنثى وإللى خلها تتفوق على الرجل فى موضوع تربية الأطفال علشان كدة خراب البيوت حصل لأن عمر ما الست تبقى زى الراجل لأنها خلقت فى حجات والراجل خلق فى حجات. فأنا ضد الأستبندد ومن ومش معنى كدة أنى بشجع المجتمع الذكورى لأ أنا بشجع العدل كل واحد من الجنسين يأخد حقه من كل حاجة (ورث، شغل، أختيار شريك الحياة، التعليم)
محمد: الله أكبر اللهم صلى على النبي
أنا وزين: عليه الصلاة والسلام
زين: ده أنت يا بخت إللى هتجوزك
أنا بطريقة كوميدية: هى فين بس؟
ضحكوا وأنا ضحكت معاهم لكن الضحك وقف ليه؟! علشان نصبوا صوان عزاء الثانوية العامة (محما أنا عايز أعيط يا محما)
طبعًا الدروس المستفادة من القصة واضحة مش محتاج أرجع أكلم فيها تانى بس الخلاصة
# لا _للمساوة_ بين_ الجنسين
#نعم_ لإعطاء_ الجنسين _حقوقهم
أنت تقرأ
الحياة في نظر الثانوية العامية
Humorالثانوية العامة مش صعبة ومش سهلة فى نفس الوقت لكن لو عندك هدف ومحتاج توصله أسعى وأجتهد وبرضوا مش هتوصلوا أومال أنت مفكر أيه (بهزر)
