[ ယူ ]

EP3

Unicode

အညိုအမဲစွဲနေသည့်ငယ်လေး မျက်နှာကို ကြည့်ပြီး ခြင်းခြင်း စိတ်ထဲ မသက်မသာ ခံစားလိုက်ရသည် ။

မြတ်နိုးနွယ် ပြောသလို ငယ်လေး ရန်ဖြစ်လာတာ သူ့ကြောင့် ဆိုတော့ ဒီဒဏ်ရာတွေကလည်း ခြင်းခြင်းကြောင့် ရလာတဲ့ဒဏ်ရာတွေ ။

သူနဲ့ယူပြီးမှ ငယ်လေး မျက်နှာပေါ်မှာ ဒီလိုဒဏ်ရာတွေ မြင်ရတာ တစ်ခါနှစ်ခါလည်း မကတော့ဘူး ။

ဘာရယ်မဟုတ်ပါပဲ လှိုက်တက်လာတဲ့ ဝမ်းနည်းစိတ်ကို မြိုချကာ ကားစက်နှိုးလိုက်သည် ။ ဒေါ်နှင်းလဲ့သွင် ရိုက်တုန်းကတောင် အဲ့လောက် နာတယ် မထင်ခဲ့ ။

" သင့်မြတ်ခြင်းသွင် "

အမေ့အိမ်ဝင်ဦးမှာဆိုတော့ ငယ်လေးမျက်နှာက ဒဏ်ရာတွေမြင်ပြီး သူ့ကို ခနဲ့သလိုလိုရွဲ့သလိုလိုစကားတွေပြောဦးမှာ တွေးမိပြီး ခြင်းခြင်း သက်ပြင်းချမိလိုက်သည် ။

" ဒီကောင် ခေါ်နေတယ်လေ ခြင်းခြင်း ! "

လက်မောင်းကို ပုတ်လာသည့် ငယ်လေးကြောင့်
သင့်မြတ်ခြင်းသွင် အယောင်ယောင်အမှားမှား နဲ့ ဖာလူဒါ ဗူးကမ်းပေးလိုက်ရတယ် ။

" ဪ အင်း ဖာလူဒါ သောက်လိုက်ဦး ကိုယ်အချိုလျှော့ခိုင်းထားတယ် "

" ခင်ဗျား ဘာလို့ Mask ကြီး တပ်ထားတာ လဲ "

" ဟို ဒီအတိုင်း "

ပါးပေါ်က လက်ဝါးရာကြီးကို ငယ်လေးအားမမြင်စေချင် ။

" ချွတ်လိုက် အသက်ရှူကျပ်တယ် ကားပေါ် ရောက်နေပြီ "

" ကိုယ် အဖျားရှိနေတာ ငယ်လေးရဲ့ ချွတ်လိုက်ရင် ငယ်လေးဆီ ကူးသွားလိမ့်မယ် "

" ဒီကောင် ဆွဲချွတ်တာ ခံချင်တာလား ခြင်းခြင်း"

သင့်မြတ်ခြင်းသွင် ကိုယ်တိုင်ပဲ Mask ကို ချွတ်ကာ နောက်ခန်းက အမှိုက်အိတ်ထဲ လှမ်းပစ်လိုက်ရသည် ။

" ပါးကလေ ဘာမှမဖြစ်ပါဘူး ဒီအတိုင်း "

" စိတ်မဝင်စားဘူး "

" ဟင် "

" ဒီကောင် စိတ်မဝင်စားဘူး Mask ချွတ်လိုက်ရင် ရပြီ "