I'm coming ~ هانا جاية

part 1

  هانا جاية ~ I'm coming  
قصص مغربية 🎭✨   
_______________________________

كيف العادة جالسة هي و العائلة و كارزة على رأسها بزيف حياتي و حاضية التلفازة ما حسات غير بدقة على رأسها

السعدية : هاديك عزري الدوار ما ناوياش تنوضي طيبي و تري على دارعك كيف لالياتك

هناء شافت في يماها و عاودات رجعات نظرها لفيلم

هناء : السعدية ما ناوياش تفرقي عليا  ..  شحال من مرة كانقول ليك هاد الدار هي اللي غادي ننبث فيها ما كاين زواج ما عندي ما ندير بيه لذلك ما عندي ما ندير بشي طياب كاين شي شقى مرحبا اما الطياب خليه على ختي انا خاطيني داكشي

السعدية هزات صندالتها على وضعية الاستعداد هناء ضارت غير بنصها و هي تطير من داك السداري كاتغوت

هناء : هالعار السعدية انا مزاوكة

السعدية : و الله يا بنتي حتى نعاود في مك الترابي لان ليا طلقت السمطة بلا قياس

هناء : رجوع الله السعدية راه عندي عشرين عام اشمن سمطة

السعدية: عشرين عام غير على العصى اما الطياب لا قسمت فمي بالله و ما تنوضي تهزي الكوزينة يا حتي نعطب حسك من شي قنت

هناء : واخا الآلة ماما ازينة العيالات غير هبطي ديك الصندالة و نمشيو

نزلات السعدية الصندالة و ناضت هناء كاتجري للكوزينة

هناء : وا هيا ناري على هتلر .... يا ربي حبيبي انا مزاوكة عاوني ما بغيتش نخرج بحروق من الدرجة الرابعة

دخلات السعدية بداك القفال على رأسها و البيجامة و الصندالة و مع ذلك باقي صفات الجمال على وجهها و لعل هناء ورثات هاد الصفة منها

السعدية وقفات عند الكادر ديال الكوزينة كاتشوف في هناء

هناء : اش غادي نطيب ؟؟!

السعدية: المرقة !!

هناء : الله يا السعدية الله خرجات ليها بيست

السعدية : طيبي و لا لا !!

هناء : نطيب اويلي و الله حتى نطيب

ناضت هناء كاتجبد في المقادير ديال المرقة ديال المروزية بقات مقرقة عليها حتى طابت و تعلكت عاد باش طفات عليها و من حسن حظها ما تحرقاتش