﴿ انا جاية ~ I'm coming}
قصص مغربية 🎭✨
بقلمي انا لونا نينو 🖋️📒
_______________________________
جاء حاتم و في يدو المستلزمات الطبية
جلس القرفصاء امام هناء و خدا ليها رجليها بين هناء دغيا جرات رجليها ناطقة بحشمة
هناء : حاشاك .. غير خليك انا غادي نعقمهم
حاتم بتاسم : عزك الله او خطاك العبد ابنتي و لكن الله يرضي عليك نكمل خدمتي
هناء حدرات راسها و خلاتو حتى عقم ليها رجيلاتها و دار ليهم الفاصمة عاد باش رجعات لبسات الطالون
حاتم ناض من بلاصتو و هناء هزات فيه عينيها بابتسامة امتنان
هناء : شكرا ليك بزااف
حاتم بادلها الابتسامة بأخرى هادئة : انا اللي خاصني نشكرك حيت وقفتي على عرس صاحبي بقدم و ساق و خليتها ذكرى زوينة بالنسبة ليه
هناء ناضت من بلاصتها او وقفات مقابلة ليه و لكن كاتشوف في صاحبتها بفرح : كيفما إسحاق صاحبك راه فاطمة الزهراء صاحبتي و ختي فرحتها من فرحتي و من الواجب ديالي نظم و نتكلف ليها بليلة عمرها ... حولات عينيها ليه ... ما عندك علاش تشكرني احاتم
طلقات موسيقى خافتة تدل على دخول العروس بالفستان الابيض
هناء شافت في حاتم و عتاذرات منو كونها خاصها تمشي تغير ملابسها اومأ لها و مشات هيا البيت ديال التغيير اللي حدا بيت العروسة غيرات عليها التكشيطة بسرعة لكسيوة كحلة بالفريفرات عاودات عدلات الميكاب ديالها بالزربة او بدلات الطالون لواحد مريح عاد باش خرجات بلوك عصري غربي
في خرجتها بطاقات مع الهام لقاتها لابسة كسوة حتى هي كحلة و لكن الفرق الاخرى كاتبان كيوتة و ديال هناء كاتبان فيها ناضجة من غير هادشي بزوج بيهم كايبانو فنات
VOUS LISEZ
I'm coming ~ هانا جاية
Humorقصة جديدة بقلمي انا لونا نينو ✏📙 كانظن اوريداتي تقدرو تعرفو موضوع القصة غير من العنوان ديالها ..... قصة غادي تخليكم تعيشو معاها ... تبكيو معاها...و تضحكو معاها... هاد القصة مختالفة بحيث طابع الكوميدي غالب عليها بزااف نظرا لشخصية البطلة ديالنا هي :...
