I'm coming ~ هانا جاية

part 3

انا جاية ~ I'm coming
قصص مغربية 🎭✨
__________________________

توجهو البنات مع الموكب ديال الدفوع و هناء ما كايعجبوهاش هاد الأجواء بزااف و لكن ضاحكة و بعض المرات كاتشكي هي و إلهام و لكن سالى معاها هو الطالون ما مرة ما زوج كاتعكل وصلو القاعة اللي كانت في حي راقي جدا جدا جدا دخلو استقبلونا اللي في الباب بالحليب و التمر المهم مشات إلهام شدات لينا بلاصة مخيرة بعادين على الباف و في نفس الوقت وسط القاعة

هناء شدات قنت خصوصا قتلها الطالون عطبها في الرجل

هناء: سيري يا إلهام انا اش بغيت ليك

إلهام : اش بغيتي ليا ؟!!

هناء: بغيت ليك شي تزويجة تغبري عليا اختي هاد الزواق ديالك خرج عليا

إلهام شافت فيها خلعتها: مالك ياك لباس ؟!!

هناء : اختي راه رجليا كاملين تجرحو أو هاد الماكياج عنكشني تي اش هاد الحياة اختي اش هاد الحياة عاد باش عرفت علاش السعدية ما كاتبغينيش نجي للعرايس

هناء شافت في التيليفون بانت ليها ماماها معيطة شافت في الهام

هناء : إلهام ماما معيطة غادي نمشي نجاوب حضي ليا بلاصتي معاك

الهام: واخا اختي

ناضت هناء خرجات و جاوبات مها و طمناتها على حالها بقاو كايهضرو شويا سولتها على بنات الجيران جاوباتها هناء ما شفتهمش حيت بصاح داك الوقت كانو باقين ما جاوش قطعات معاها و تمات غادي مع شي طرقان حتى خرجات في واحد البلاصة من ديك القاعة بحال ديال العيالات و لكن هادي ديال الرجال بحكم انه زوج ابتهال شمالي فهادي من عاداتهم و هناء مشات من بالها هاد النويطة أو بقات كاتشوف في التيليفون ما داتهاش في راسها هزات عينيها في البشر بانو ليها غير رجال في رجال و مرأة وحدة اللي هي مامات العريس و لكن هناء عصبها واحد البلان

البشر كامل كان كايشوف فيها بشي نظرات ما عجبوهاش الا من رحم ربي جمعات حجبانها نيت و تمشات جيهة المرأة سلمات عليها و ابتاسمات في وجهها

هناء : السلام الآلة

الحاجة: و عليكم السلام ابنتي ياك لباس

هناء : لا والو باس الالة؛ غير هو راه توضرت و لقيت راسي داخلة لهاد البلاصة عفاك الآلة وريني منين نرجع

الحاجة ضحكات : ما فيها باس ابنتي كاتوقع زيدي معايا نوريك منين ترجعي