I'm coming ~ هانا جاية

part 22

﴿ انا جاية ~ I'm coming ﴾
قصص مغربية 🎭✨
بقلمي انا لونا نينو 🖋️📒

________________________________

رجعو للدار محملين و مجملين بما فيها من لباس و مأكل و مشرب

هناء دخلات للدار لقات السعدية في بيتها ناعسة و هبة ختها جالسة في الصالون " بطلة القصة المحبوبة على قلوبنا جميعا 💗✨"

هبة غير شافت ختها طارت عليها بتعنيقة

هبة : نينو زيانيتي لمك

هناء ضحكات بسعادة فاش شافت ختها : ما نكونش قدك ضوري ضوري نشوف الفورمة هاي هاي حيد عليا السعدية والدة الزين

هبة ضحكات و جراتها للصالة : تي شفتك جاية محملة و مجملة ما موالفاش ليك ابنت ميمتي

هناء رجعات شعرها من وراء ودنيها: او مالك اختي شفتي هاد الدار راه طالعة غير بيا

هبة ضورات عينيها : وا هاهي بداات و بنت ميمتي نقضي فيخرات و تبتي خلينا نهضرو ... اش داك بلان القراية في فرانسا

هناء : اه اختي بغيت نكمل هاد العام تماك احسن

هبة هزات فيها حاجبها: ما قلتي عيب اختي انا راه ما نخافش عليك في قرايتك راك سندس القراية نسخة متطورة او الشي لاخر راك عارفة شنو كاين

هناء : لا كونو هانين من جهتي غير عام دايز باش ما عطى الله ... خلينا مني و قولي ليا كيف غادة نتي مع روسيا

هبة عوجات فمها و قلبات عينيها : غير سكتي على ديك الجايحة الكحلة الخنقة كون كانت بلاصة بالحق عندي معامن متلفة الوقت ما تخافيش على ختك سوسيال

هناء : اييه ابنتي شكون قال غادي نمشي نتغرب حتى انا في بلدان الناس

هبة : قالها ليك جنك اللي مضروب على تحقيق احلام ما بعد العصر

هناء طلقاتها بضحكة من قلبها : الله يعطيك الخير و الله الى بلاصتك في الدار بوحديتها

هبة : كون تشوفي نتي و بلاصتك اختي ... يله نوضي تهزي بدلي حوايجك و نزلي نشربو قهيوة

هناء سمعات الهضرة و طلعات بدلات حوايجها و نزلات هازة تيلي ديالها في يدها جلسات في الطابلة مقابلة مع ختها

هبة شافت في هناء و نطقات : ايوا ابنت ميمتي كيف غادة ما داك السطاج

هناء فرنسات حتى بانت ضرسة العقل : ويلي بخير احسن سطاج في العالم فراااسك غادي نتزوج بالباطرون