I'm coming ~ هانا جاية

part 14

I'm coming _ أنا جاية
قصص مغربية 🎭✨
بقلمي انا لونا نينو 🖋️📒
--------------------------------------------------
مشات هناء تشوف شكون هدا اللي كايعرف فاتي و جاي لهنا حتى كاتفاجأ بالراجل اللي كان مدوز عليها و على ماماها العداب الأليم

هناء : سي عبد الكبير اش كاتعمل هنا

عبد الكبير : جاي نشوف بنت ختي و نبارك ليها عرسها

هناء اومأت براسها : ايه اسيدي ما قلتي غير هو وريني بطاقة الدعوة ديالك ما نقدرش ندخلك بلا بيها

عبد الكبير خنزر فيها و رفع عليها صوتو : علاش غادي نحتاج بطاقة دعوة باش نجي لعرس بنت ختي واش عارفة راسك معامن كاتهضري

هناء بردات في راسها النفس و ضارت عند وحدة من نكافات : هانتي اختي سيري عند العروسة قولي ليها راه جاء خالك باش يبارك ليك ايلا بغات تشوفو هي هاديك ما بغاتش باب هاد القاعة ما غاديش يعتبها بإذن الله و رعاه يله سيري

مشات النكافة و بقات هناء قدام باب القاعة كاتسنى الجواب ديال العروسة و بالفعل جات نكافة و قالت ليها انها ما بغاتش تشوفو

هناء : يله سير الشريف الله يعرضك طريق السلامة شكرا على الزيارة ديالك و لكن كان خاصك تفكر في هادشي شحال قبل ما تمرمد بيها و بختك الأرض و تجري عليهم الزنقة في نصاصة الليل يله الله يعاونك و يهديك على راسك

عبد الكبير حدر راسو الارض هناء ما خلات ليه ما يقول نزلات ليه دمعة من عينيه و نطق بنبرة نادمة : انا عارف الخطأ كنت طايش داك الوقت و ما عارفش شنو كاندير و لكن اليوم حيت غير باش نبارك ليها و نتمنى ليها الخير و بلغي ليها السلام و الاعتذار ديالي عفاك

هناء بتاسمات بهدوء و ربتات ليه على كتفو :
مبلغ اسيدي عبد الكبير سير الله يعاونك و اكيد فاطمة الزهراء غادي تسمح ليك حيت قلبها بيض و لكن كانتمنى هادي تكون دارت ليك درس على الجاي الله يعاونك و تهلى فصحيحتك

مشى في طريقو ضارت هناء داخلة القاعة بابتسامة على ثغرها و كاترحب بالناس مشات عينيها لحاتم بان ليها واقف مع صحابو كايهضرو و ديك لاصقة فيه هناء حاولات ما تعيرش لأمر اهتمام و توجهات نيشان عند صاحبتها البرزة و بتاسمات ليها و نطقات بهمس

هناء : تبارك الله على صحبتي كاتحمق

فاتي ضحكات : عويناتك احبيبتي