I'm coming ~ هانا جاية

part 21

﴿ انا جاية ~ I'm coming ﴾
قصص مغربية 🎭✨
بقلمي انا لونا نينو 🖋️📒
_____________________________

حاتم شاف فيها حال فمو واقفة عند مول المحل واحدة شي كيلو ديال اللحم مخلط و كاتدير في البنطال باش تشوي

هناء ضحكات : جلسو في الطبلة فين كاينة الهام انا نطيب اللحم و انا معاكم

حاتم حرك راسو مصدوم كيفاش فينما مشات كاتأقلم

حاتم لصاحبو جابر : جابر صاحبي تعقل على دوك البنات اللي كنا كانعرفو اللحمة ما كايحطوهاش في فمهم بحجة أنهم نباتيين و دابا هادي واخدة كيلو كامل ديال اللحم

جابر ضحك على صاحبو : شكون بحالك أصاحبي جمعتي جمال و جود و كرم

حاتم رجع شعرو الوراء و ضحك : سعداتي بيها زينة البنات صافي

بعد شي ساعة الا ربع حطات ليهم هناء دوك الطباسل ديال اللحم

هناء كاتقدم ليهم الاطباق : هانتوما كاين لحم الراس راه خديت غير الحنك و اللسان و كاين الكوطليط و كاين الكفتة و كاين الكتف و كاين الملج و الى بغيتو نزيدكم نزيدكم غير قولو ليا

الدراري: و شبعة ديال الكوليسترول هادي نعام اسي

هناء ضحكات و حطات ليهم قرعة ديال والماس و سيدي علي : خلطوهم مع بعضياتهم و ما غادي يكون غير الخير ما كاين لا كوليسترول لا قلب عيشو اللحظة شويا

بداو كاياكلو و هناء كاتضحك مع الهام و يطلعوها على الدراري مرة مرة حيت كاينين شي حوايج ما عرفوش كيفاش ياكلوهم

هناء سولات مول الحانوت على أتاي ما كايناش عشرة الدقائق حتى لقاتو حط ليها الصينية بكيسانها بكلشي

هناء شكراتو: شكرا اسيدي و الله يعطيك الصحة على هاد الخير

مول المحل: مرحبا بيك اختي ما درنا والو غير الواجب و صافي

هناء خرجات الفلوس و خلصاتو و عطاتو بالزايد: سير اسيدي الله يسهل عليك و يعاونك يا ربي

السيد شكرها و رجع المحل ديالو

هناء شافت في حاتم و نطقات بابتسامة لطيفة: غير قبلو علينا الدكاترة ديالنا

جابر كايشرب في أتاي : و الله اختي هناء فاش يله شفنا هادشي قلنا شي حاجة ماشي هي هاديك و لكن فاش دقنا هاد الخير ما لقينا ما نقولو تبارك الله عليك و صافي