I'm coming ~ هانا جاية

part 10

انا جاية ~ I'm coming
قصص مغربية ✨🎭

______________________________

فاش وصلو للشركة لقاو الدنيا مطوقة بالصحافة هناء بغات طرطق بالفقصة حمارت بزااف و ما تحملتش دوك الأسئلة ديالهم اللي ما فيهم لا حشمة لا عرض

ش

دات الميكرو من عند واحد الصحافية و نطقات بنوع من الهدوء

هناء : السلام عليكم نتمنى تكونو بخير اليوم بغيت نسد هاد الموضوع باش ما يأترش لا عليا انا و صاحبتي و لا على الشركاء ديالنا... لحد الآن ما كاين بينا و بينهم والو و كانترجاكم ما تنشروش شي حاجة لا أساس لها من الصحة فعلى كل حال حنا راه كانبقاو بنيتات الشعب و العقليات تختلف .

ضارت هناء متنفسة الصعداء  و جرات معاها الهام و تبعوهم حاتم و جابر دخلو المكتب جلسو

هناء هزات فيهم عينيها و حكات يديها بتوتر : كانعتاذرو حيت تسببنا ليكم في هاد الشائعات .

الهام حادرة رأسها: نتمناو ما تاخدوش الامور بجدية

الدراري شافو في بعضياتهم و نطقو بهدوء : عادي هاد شي كايوقع ما تديروش في بالكم

البنات بتاسمو بنوع من الطمأنينة و ناضو يشوفو خدمتهم

كمل نهار بحال هاكدا البنات سالاو خدمتهم و رجعو لدارهم و هكذا سالاو يومهم

_______________________________
صباح جديد بأحداث جديدة و مختلفة

فاقت هناء مع 10 ديال الصباح غسلات وجهها نزلات فطرات مع عائلتها عاد حلات التيلي عيطات على الهام باش يمشيو الحمام

مشات جمعات الشمبوان ديالها و الماسك ديال شعرها أو دات معاها الخرقة باش تحك أو جيل دوش هزات سطولتها أو دات معاها سكراب مصاوباه في الدار باش يخلي فيها ريحة زوينة

لبسات جلابة اللي خاصة بالحمام و دات معاها وحدة أخرى نخوة تلبسها باش تخرج من الحمام عاد دات معاها الحوايج اللي تلبس

هزات صاكها و سطولتها و بزطامها أو خرجات متوجهة لدار الهام

لقاتها واقفة قدام باب دارهم تسالمو على بعضياتهم

دازو على واحد المحل ديال الديسير هناء شافت في الهام

هناء : اش بأن ليك الهام نديو معاها واحد كيلو دليمون