جَـحـيم الـنسـب

بارت [ 4]

الـگـاتـبـه نـبـأ آلـ عـبـيـد
.
.
.
لو غرگان..
وانتَ آخر نَفَس ينقذني ما اشمَّك..

_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-

نبأ:- كالت بيبي بضحكه وصوتها مبين مال وحده فرحانه

الجده:- خطبتج اخت جيرانه لابنها مصطفى

..ضليت صافنه شتخطب مني ردت اجاوب وانطي رفضي بس بسرعه بيبي كالت

الجده:- لتحجين شي يمه فكري منا الاسبوع والله كريم يمكن اتوافقين لتستعجلين وهو ماشاءالله خلقه واخلاق وضابط ماشاءالله وعايش بالبصره مو كاتله روحج على البصره اتريدين اتروحين الها هاي اذا وافقتي تتزوجين بيها

..ضليت ساكته بس اني مااريد!! بس من كالت بالبصره وضابط الصراحه غرتني المواصفات واني اعشق اهل البصره اعشقهم صح احنه اصلنه بصراوي بس ابد مرايحه يعني بيت جد ابويه ابد مرايحتهم لا اني ولا البنات واني وامي وام علي اصلهن بصرواي لكن منروح لبيت جدي اهل امي لان بسبب خلاف بينهم [ للمعلومه ام علي وام اصف خوات متزوجات اخوان]

جوي جدي وعمامي  وكعدوا وبيبي كبل بطت السالفه وكالت

الجده:- تعرفون ليش جتي ام هادي عليه

الجد:- ليش؟

الجده:- غير خطبت نبأ مني لابن اختها مصطفى

..باوعلي ابويه وجدي مبتسمين اشرلي ابويه اجي يمه رحت حضنته باس راسي وكال

ابو اصف:- والله وكبرت ابنيتي وكاموا يجوها خطاب

الجد:- بيها الخير مصطفى خوش ولد بس شنو رأيج جدي

نبأ:- جدو انطوني اسبوع افكر واصلا بعدني صغيره

الجد:- هاهيه بويه فكري براحتج

..هذا الحجي وبس ابويه وعمي ابو علي وجدي اما الولد ماكو واحنه نحجي دخلو ايهم وكرم وليث وانس يسولفون ويضحكون كعدوا وكال ليث

ليث:- اكول حجيه هذني شيردن مو من عوادهن يزورنه

الجده:- چا غير ام هادي جوارينه خطبت نبأ لابن اختها مصطفى

..كالت بيبي هيج وهو عيونه صارن بكصته كام وكف وعاط

ليث:- شنووووووووو؟؟؟ خطبوووووا منوووو نبببببأ!!!؟

ام علي:- يمه اسم الله شبيك اي خطبو نبأ

..باوعلي خازرني عيونه اشويه ويطلعن من مكانهن ياااا اني شعليه قابل اني الكلتلهم  خطبوني رجع اندار على جدي وعاط

ليث:- جددددددي انت اكثرر واحد تدري اني رايدهااا اسمعوا كلش زين نبأ الي مااااتصير لغيري وابن عمها اوله  بيها من الغريب

..فتحت عيوني على وسعهن رايدني؟ الكل مصدوم مثلي هذا يحجي صدك بسرعه اتمالكت صدمتي وكمت وعطت
:- وانتَ منووو علمود تمنعنيييي لو اريييييييد اتزوجه لو مو انتَ هم اواقف وازيدك من الشعر بيت بعنادك اله اوافق ردو خببببببر الهم موافققققققه