الـكـاتـبـه نـبـأ آلـ عـبـيـد
.
.
لو مو الگة غيرك
بشر يبقة وياي
لو اصاحب وراك هواي
تبقة المشكلة الما الهة حل للموت
شينسيني عينك هاي !
___________________________________________
جيلان:- صارت لحظه صمت الكل يباوع علينه احنه الثلاثي المرح واعتقد جان هذا الهدوء ما قبل العاصفه
باوعت على ابويه الغالي يخزر بيه وابو نبأ يوزع نضرات بينه وابو ارجوان نفس الحاله جنه ننتظر الجواب منهم بس جانه صوت هز البيت هز
ليث:- شنووووووو ويييين تتدرسن؟
..بلعت ريكي انتظر الي راح يصير وجنه ندري الاعتراض الاكبر راح يكون من الولد اكثر من الاباء
اصف:- عيدي عيدي وين اتريدين تتدرسين؟؟
نبأ:- عفيه اصف مابيها شي بيت خالتي ام سالم بصف الكليه
كرم:- شنو بصف الكليه شنو بيت خالتج مخططات للوضع وحاسمات كلشي سمعن كلجن روحه اهناك ماكو اتضلن انسن شبيهن كليات بغداد يبززن لو انتن مترتاحن اله اطلعن سالفه من جوه الكاع
..كلهم صارو اعصاب وكل واحد يعيط من جهه
تيم:- حلووه هاي مال دراسه بغير محافظه وبعدين هيه حتى النتائج ماكو
علي:- لنتفترض رحتن انتن التلاثه الباقيات شلون ايه وجماعتها الباقين اكيد راح يحضرن نفسهن
ارجوان:- واحنه شعلينه بيهن لازم يدمر مستقبله علمودهن الي اتريد تجي واهلها يقبلون اهلا وسهلا والي اهلها مايقبلون متوكف الدنيا عليهه
نبأ:- تره مابيها واذا رحنه انتو مكبرين الموضوع واذا نسيتو تره اجدادنه اهناك واصلنه مناك وعلاقتنه ويا بيت خالتي ام سالم ممتازه يا اما انأجر شقه بصف بيتهم وكل يوم تجي اتشوفنه او انعيش وياهم وهمه ماشاءالله بيتهم مناقصه غرف واحنه منخطي هيج خطوه اله مجهزين كلشي
البارحه انه وارجوان دكينه على ريم وكلنالها اذا ممكن نكدر نجي وفاتحناها بالموضوع كيفح وطارت من الفرح وامها كذالك واحنه وهيه راح اتقدم نفس الكليه بحكم بصف بيهم
جيلان:- صح ليش هيج مكبرين الموضوع لا اول بنات ولا اخر بنات يدرسن بغير محافظتهن مثاقين بينه؟كولو اذا ماعدكم ثقه بينه علمود ننهي الي بدينا
ابو اصف:- مو قصه ثقه وما ثقه احنه نخاف عليجن بعيدات عنه ادري رايحات لبيت خالتجن وولد خالتجن اكيد نفس ولد عمامج يحطوجن بعيونهم وبحسبه خواتهم بس يا بابا فكروا بيها ياهو الاحسن كدام عيونه وتروحن وتجن لو بالبصره والمسافه مو شويه
نبأ:- يابه لازم نعتمد على نفسنه الا متى اتضلون انخاف عليجن لطلعن لتجن انخاف شلون باجر عكبه نتوظف شلون نتعامل ويا البشر البره افهم بويه احنه مينخاف علينه احنه يخافون منه كلنه الحمدلله نعرف الصح من الغلط وانت داز اوكح بنات بالبيت يعني مو دكول فاهيات
أنت تقرأ
جَـحـيم الـنسـب
Fiksi Remajaنبذه :- تتحدث القصه عن فتيات لم يتعدى عمرهم ثمانيه عشر تحملوا وصبروا حتى فاجأهم الله بأشخاص عوضوهم عن كل دمعه نزلت من عينهم
