جَـحـيم الـنسـب

بارت [12]

الـكـاتـبـه نـبـأ آلـ عـبـيـد
.
.
هيچي تالي وداعنا يصير ببرود
ما احضنچ وانتِ متحضنيني ؟

______________________________
ايه:- جنه كاعدين بالمطبخ انسولف انه والبنات

ماريا:- خلي انكون صريحين تره نبأ و ارجوان وجيلان مسويات اجواء للبيت

رونق:- اي والله شوفي شلون البيت صار بدونهن

روز:- اسكتن لا ابجي كوه لازمه نفسي اريد نبأ

روان:- رجاءاً انجبي اتشربج مميه نبأ وتبجين عليهه

..كلبت عيونه روز بملل ووراحت تغسل مواعين الريةك وتدردم

روز:- مو عائله فيلق ادري 12 استكان جاي المن وهاي كم واحد راد چا چا اذا الكل ايريد كم واحد عجيب!

..هزيت راسي ضاحكه عليهه خلصت البيدي وطلعت رحت يم بيبي وعمتي ام علي كاعدات يسولفن بالصاله وعماتي الباقيات كل وحده لازمتلهه شغله وام اصف واكفه بالمطبخ فوك روسهن للبنات دتعلمهن على الطبخ واسمعها اتكوللهن

ام اصف:- ادري باجر عكبه شلون راح تتزوجن وانتن بيضه كوه اطكن

روز:- رجاءاً امي مااسمحلج اني البيض الاسوي يطك بالكاع مااسمحلج اتقللين من قيمه طبخي

ام اصف:- ايباااااخ اليسمعج يكول شو شمسويه هيه بيضايه من عمري عشر سنين اعرف اسويها،اشتغلم اشتغلن عدنه جوكه بنات وولا وحده فالحه اتسويلها شي

..رحت كعدت على التخم اكلب بتلفوني اشوف شكو ماكو تنهدت من اتذكرت البارحه نبأ شلون سولفتلي على جدهاا وشسوه ولحد الان عماتي ميعرفن بالموضوع ومنريد انجيبلهن طاري اصلا

فزست من صفنتي على صوت

علي:- السلام عليكم

الجده،ام علي:- وعليكم السلام

الجده:- هلا يبعد جدتك تعال يبعد چبدي

..راح كعد يم بيبي يسولف وياها وانه راسي صار بنص التلفون نهائياً مرفعته شويه وكام صعد وصل لنص الدرج وصاح

علي:- اييييه تعالييي

ايه:- بهمس..وجع لهل صوت
..غلست عليه ومكمت

الجده:- ولج المسودنه كومي مو رجلج يصيحج

..كمت اتأفأف صعدت ورا دخلت للغرفه لكيته يفتر بيها مخبوص اول مدخلت كال

علي:- حبيبتي بسرعه حضريلي ملابس عندي طلعه داخل اسبح

..عافني وفات للحمام واني كل عقلي ويا كلمه "حبيبتي"
هذا شبي؟مسحت وجهي ورحت طلعتله قميص ابيض وبنطرون اسود وحزام اسود وحذاء اسود. حطيتهن على الجربايه طلع من الحمام بطرك الداخلي درت وجهي شكد ميستحي هذا

لبس وراح للميز شسور شعره رش عطر نصه عدل القميص مدخله جوه البطرون لبس حذائه واني جنت واكفه يم الميز مسويه روحي جاي ارتب واباوع عليه بطرف عيني راد يطلع ونسه سويجه ومحفظته من كثر ماهو مستعجل صحت وراه