جَـحـيم الـنسـب

بارت [6]

الـكـاتـبـه نـبـأ آلـ عـبـيـد
.
.
.

[..بصوت ليث]
مو انتِ،..
بس گلبي ذابحني ويصيح انتِ
منين اجيتي ومني تمكنتي
شبسرعه صارت بيدچ الروح
ويتبعني طيفچ وين ماروح
ما چنتي بس هسه في دنياتي
كلشي صرتي..
مشكلتي احبچ ؟!
احبچ من صدك مشكلتي .

_______-________-__________-_________-______
نبأ:- كعدت الصبح اليوم جمعه ومو الكل كاعد نزلت جوه شفت بيبي وجدو وعماتي رحت صبحت على جدي وجده وسولفت شويه ودخلت للمطبخ احجي ويا امي وممنتبهه على الي بي

ام اصف:- ولجن الى متى اتضلن على هاي الحاله للظهاري يلا تكعدن

نبأ:- يمه بعد چبدي انتي ليش اتكولين انتن ليش حددتي بس احنه تره ولد حمويينج كلهم نايمين جايه علينه احنه المكرودات سادس لل 12 يلا انام ومرات انام على الكتاب

ام اصف:- يمه من اللسانج يمه هسه المهم روحي كعديهم كلهم

نبأ:- يمه دعوفيهم نايمين

درت اريد اطلع بيض مم الثلاجه وشفت ليث كاعد ويباوعلي شهكت وكلت بدون وعي
:- اعوذ بالله من وجوه الشيطان يمممه

ليث:- رحم الله والديك سويتيني شيطان

..امي وامه اثنينهن حابسات الضحكه ومن فشتلي كبل كلت
:- لا لا بس اتفاجئت انتَ اهنا منتبهت اول مجيت

..عفته ورحت طلعت بيض وانتبهت عليه تعبان حييل والجكاره موكعت من حلكه ابد ويباوعلي ينضرات كرهتني بنفسي كأنوا يكلي تره تعبي بسببج انسدت نفسي وما اكلت صعدت ركض فوك دخلت لغرفتي كعدت بجربايتي اتربعت وحطيت المخده بحضني وايديه فوكاهن وصفنت صفنت ذاك العزيز

يعني هسه هذا التعب البي بسببي اني؟ وهاي النضرات المكسوره هم بسببي؟ وضحكته الي اختفت هم بسببي؟
وتصنيفه وكل يوم يداهر ويا ابو وجدي والولد وويانه وويا بيبي هم من ورايه اختفه؟

من استوعبت انو سويت كل هل اشياء بـ ليث نزلن دموعي شصار لو شويه صابره؟ شصار لو بس منطيته مجال يشوفني انو هو كدها ويكدر يسعدني؟

مسحت دموعي وكلعاده سويت شعري كبكوبه وطلعت خصلتين ونزلت جوه رحت كعدت يم بيبي بالصاله وهو ليث كاعد وعلي وادم واحمد والباقيين كلهم نايمين
ادنيت يم بيبي وكلت
:- بيبي

الجده:- ها

:- سؤال

_ جواب

:-جدي شيصير منج

..صفنت عليه وغمتني
:- ياااااا هااي ليش اتغميين شسويتلج ازهيرااان

_چا غير سألتيني شيصير مني بله هذا سؤال

:- لاا فهمتيني غلط بعد چبدي قصدي قبل ليصير سوجج شنو جان يعودلج

_ چا متكولين هيج من البدايه على العموم جان ابن عمي