الـكـاتـبـه نـبـأ آلـ عـبـيـد
.
.
.
يومين والنوم ما مر على عيوني
يومين وايديك مفارگة متوني
مر بينا...
مر بينا يا راحة سواجينا
ما ضل مرض ما كض بأدينا
مر بعيوني ثواني مليت وانه أتاني
مر لو طيف قابل...كافي روحي بس تتاني
بقلم:سيف علي الكرار [ السيد]
_________________________________
نبـأ:- ردت احجي بس اتوقفت من..اندكت الباب وجاني صوت
ايمن:- نبا فتحي الباب
..باوعت على ليث لكيته رافع حاجبه حك لحيته وكال
ليث:- كومي فتحي الباب
..كمت فتحت الباب باوعلي ايمن وباوع للتلفون وكال
ايمن:- ويامن تحجين؟
ليث:- ويا ابن عمها ليش اكو اشكال؟
..عزه صخام بوجهي باوعت على ايمن متنرفز بس مبين وكال
ايمن:- لا طبعا ماكو اشكال بس من اتخلصون حجي عود نزلي نبأ
..عافني وراح دخلت للغرفه وسديت الباب وبلش الاستاذ
ليث:- ابن الكلب معاجبه هسه اني اعلمه هسه ادك عليه ابو الوصخ
نبأ:- هاي شبيگ تره مجرد چا صاحني انزل
ليث:- انتِ تنجبين وتسكتين على العموم انه رايح عندي شغل ونتفاهم عليهن وحده وحده بسيطه
..سديته منزعجه ولا يوم بحياتي اتذكره مر على خير ومتعاركنه اني وياه نزلت جوه كعدت يمهم مر اليوم عادي لحد مصارت الساعه ثنعش الكل طش رحت للغرفه رتبت ملابسي الي راح البسهن ولفيت راسي ونمت
كعدت ويا اذان الفجر صليت كعدن الباقيات صلن ورجعن نامن ضليت اني البس واجهز نفسي كعدت وصار الركض بفلس الانو راح يتأخرن واني اباوع عليهن حيييل تستاهلن
اخذنه ياسر وطلعنه عدنه محاضره الساعه 8 وصلنه دخلنه للقسم اول محاضره جانت للدكتور ضرغام دخل سلم وبلشت المحاضره لاحظت كل المحاضره عيونه عليه
مهتميت وعادي خلصنه وطلعنه للكافتيريا كعدنه اني وجيلان وارجوان نسولف
ارجوان:- خرب شفتي هذا الدكتور فد صاك
جيلان:- يعني صح صاك ةمثقف بس ياخي مو من ثاني يوم محاضره ميصير
ريم:- اي والله غثه
..ضليت ساكته استمعلهن وهنه كاعدات يقيمن لبس الطلاب صافنه اشرب بگهوتي رفعت راسي شفت بنيه كاعده بصفنه تقره وهم انتبهت جانت موجوده ويانه بالقاعه جذبتني حيل عفت ذني يحشن وكمت رحت بأتجاهه وكفت يمها رفعت راسها تباوعلي ابتسمت. وحجيت
:- ممكن انكون صديقات
أنت تقرأ
جَـحـيم الـنسـب
Teen Fictionنبذه :- تتحدث القصه عن فتيات لم يتعدى عمرهم ثمانيه عشر تحملوا وصبروا حتى فاجأهم الله بأشخاص عوضوهم عن كل دمعه نزلت من عينهم
