الـكـاتـبـه نـبـأ آلـ عـبـيـد
.
.
.
چنت خايف منها تمطر
وهسه مطرت
والحنين يريد اديك
وانت غيرت الاماكن
كلي هسه شلون اجيك
___________________________________
ايه:- كلهه ثواني ونمت بين الغافيه والكاعده حسيت احد شالني من الفراش فزيت بسرعه باوعت علي شايلني بسرعه كمزت وكفت اباوعله بخوف هو رأستاً عرف سبب خوفي وكال بحذر يطمني
علي:- لتخافين مااسوي شي بس احطج على الجربايه تتكسرين على التخم
ايه:- معليك بيه خلي اتكسر اني عاجبني معليك
..رحت على التخم غطيت كل نفسي وهو بعده واكف فوك راسي سمعت صوت تنهيته الي شكت صدره ورجع نام على الجربايه وبعد عناء اخيرا نمت
كعدت على صوت كطكه بالغرفه طلعت راسي من جوه الغطه هذا علي باوعت بساعه تلفوني ساعه ثمانيه!
بعدين اتذكرت علي ينام بس اربع ساعات باليوم ويكعد نشيط هم رجعت راسي وحاولت ارجع انام بس هو مستمر يتحرك بالغرفه مره اسمعه يفتح الكنتور مره يكوي خبلني بس والله ولا اتنازل واكله كافي
شوي وخفت الحركه وحسيته وكف فوك راسي حمحم وكال بصوت هادئ اشبه للهمس
علي:- ايه
..مجاوبت اتحرك وهمس مره ثانيه
علي:- ايه
ايه:- ها
..من سمع صوتي رفع الغطه من وجهي وشفته كاعد على نص رجل وصاير وجهه مقابيل وجهي،وخر شعري من وجهي وكال
علي:- هسه لازم تنزلين وكأنو الامر طبيعي احجي وياج اتجاوبين وكأنو عرسان عاديين وعود من نجي للغرفه سوي الي اتريدي متحجين ويايه اي شي بس بره ممنوع خوش
..هزيت راسي بمعنى [اي] هز راسه بقبول وكال
علي:- شغله ثانيه البس الجنتي تلبسي قبل ينسي صراحتاً ميعجبني لبسج وهسه من تنزلين اشتريتلج قفطان وحطيته بالكنتور كويته الج قبل شويه بس البسي
..عافني وكام راح مشط شعره عدله رش عطر نصه تقريبا وطلع واني صافنه وعقلي يعيد بس جمله وحده (اشتريتلج فقطان وحطيته بالكنتور كويته الج قبل
شويه)
علي يكوي؟هذا السؤال الي بالي كمت بحماس للكنتور شفت لكو فقطان ابيض وذهبي كلش راقي وحلو طلعته ورحت ركض لبسته وكفت كبال المرايه اتأمل شكلي جاي فيت عليه
اعترف ذوقه حلو لبست شال ورحت للكنتور البس حذاء [ تكرمون] ابيض وياه كعدت على التخم البس وبأثناء مدالبس دخل علي سد الباب واندار بس اندار عيونه اتسلطت عليه ضل بدون ولا حركه بس يباوع عليه
تجاهلته وكأنو مااشوفه رحت رشيت من عطري المفضل
[بربري] حطيت مكياج خفيف وهذا كله وعلي نفس مكانه نهائياً متحرك مراقب لحركاتي كملت ورحت وكفت كباله وكلت
:- يلا خلي ننزل
أنت تقرأ
جَـحـيم الـنسـب
Teen Fictionنبذه :- تتحدث القصه عن فتيات لم يتعدى عمرهم ثمانيه عشر تحملوا وصبروا حتى فاجأهم الله بأشخاص عوضوهم عن كل دمعه نزلت من عينهم
