حلقة 69 جزء 2: امل مينا � انسان لابد بعد كمية من أخطاء واشياء وقع فيها يبدى يصلح من نفسو ويتجنب كل أشياء لي تأثر في حياتو خاصة سلبية انا عانيت بزاف في حياتي وافضل شيء حاليا اني نشوف فيه صحيح تجديد جواهر : بإنكسار وزعل قررت صاي حنبدى من نقطة صفر حنمسح كلشي سيء صرى ونبدى من جديد معاك ومع بابا رغم اني ميش متقبلة حكاية وحدة 35 سنة ام وش سبب لي خلاك تخبي عليا مانيش عرفاتو حتى اذا زواج وكنتي مرتو أميرة : أسفة ممكن كنت أنانية خممت في روحي ومستقبلي وفرطت فيك ونفس وقت حبيت نحكميك شفت بلي أفضل طريقة نقول ختي هكذا مايقربش ليك ويديك كيما خوك هو حرمني من كلشي حلو في حياتي مانيش حابة يزيد يحرمني منك بصح بما انو امور رجعت لطريق صحيح لابد انو كلشي يتغير كيما قلتي بصح حتسمحي في حبك؟! جواهر : حبي هههه حبي هههه حبي عرسو سمانة جاية حيدي حب حياتو كيما قال هو ربي يهنيه أميرة : بإنزعاج وغيرة بسهولة هاذي يخي كنتي تعشقي فيه جواهر : بجدية وأمر انساي موضوع احسن ليا وليك ووجدي روحك حروحو مع بابا..خرجت تودع اصدقاء تاعها لي هوما قطعة من قلبها وروحها وصلت ودعتهم وحدة بوحدة لي تكرها ولي تحبها كامل ودعتهم شيء لي خلاها تكبر في عينيهم وتصفى لقلوب هي مروحة خرجلها تاج دين هاز في يدو بوكي ورد قرب ليها وبتاسم وين زين رايحة بلاما تودعيني ولا كيفاش جواهر : بإبتسامة ماكنتش حابة نشوفك ونتأثر قبل ماروح ههه برك تاج دين : بجدية حنصارحك بعفسة مبعد قرري تروحي ولا تريحي شوفي بصراحة بصراحة جواهر : بضحك وش بيك حكمتها بصراحة وصراحة راحة ههه ووش بيك لابس سيرڤات تهبل هكذا وشعرك مبلاكيه بلا ريحتك لي تهبل يوم مميز شكلو ههه تاج دين : اووف خليني نكمل عندي من بارح او انا نتدرب على لحظة هاذي تقبلي تكوني شريكة حياتي فسراء وضراء نعرف صغير وممكن ميش قد مسؤولية دار وكلشي بصح نحبك وحنحاول نفرحك قابلة ؟! جواهر : اكيد قابلة ههه حكمت ورد من عندو وراحت تدور معاه
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
